الموضوع: اسباب تأخر الدواره

بص هو عندي في ال 128 كان ابلاتين وكندنسر انا مش عارف بقي هما عندك ولا عندك اكتروني حاول تشوف الحوار ده وغالبا بيكون خرطوم البنزين فيه تسريب وبيسرب البنزين اللي في العربية علي ما تجمع تكون خدت وقت وربك المستعان تحلها ان شاء الله

المشاركة الأصلية كتبت بواسطة ashraf_sms

بص هو عندي في ال 128 كان ابلاتين وكندنسر انا مش عارف بقي هما عندك ولا عندك اكتروني حاول تشوف الحوار ده وغالبا بيكون خرطوم البنزين فيه تسريب وبيسرب البنزين اللي في العربية علي ما تجمع تكون خدت وقت وربك المستعان تحلها ان شاء الله

اللى عندى موبينه واسبراتير الكترونى والمفروض انهم ماشين بكميوتر مع انى لحد دلوقتى مش عارف وظيفته ايه مش لاقى له اى وظفيه حاليآ

بس مافيش اى تسريب فى خراطيم البنزين نهائى والشراره اللى طالعه من كبلات البوجهيات تمام مافيهاش مشكلة والموبينه برضه شوفتها مره بتطلع شراره جامده

هل فى اسباب تانيه

وجزاك الله كل خير

هي الحكاية ديه معاك علي طول يعني الصبح بس ولا طول اليوم لو الصبح بس هيكون من الخراطيم او الكربراتير لو طول اليوم اكيد البوجيهات او الموبينة انا كان عندي الموبينة مكنتش بتدور العربية خالص وعطلت في الشارع وواحد ميكانيكي شافها قالي الموبينة شغالة مية في المية عشان كانت بتطلع شرارة كويسة ومعرفش يعملها المهم قطرتها وجه كهرباءي شاطر صحبي فضل يحاول فيها وجبت اسبراتير جديد وجربت برده مشتغلتش طلع العيب من الموبينة مع انه مكنش مصدق انها بايظة الا اما جرب بتاعت عربيته عندي الكلام ده كان في الشاهين معلش طولت عليك

المشاركة الأصلية كتبت بواسطة ashraf_sms

هي الحكاية ديه معاك علي طول يعني الصبح بس ولا طول اليوم لو الصبح بس هيكون من الخراطيم او الكربراتير لو طول اليوم اكيد البوجيهات او الموبينة انا كان عندي الموبينة مكنتش بتدور العربية خالص وعطلت في الشارع وواحد ميكانيكي شافها قالي الموبينة شغالة مية في المية عشان كانت بتطلع شرارة كويسة ومعرفش يعملها المهم قطرتها وجه كهرباءي شاطر صحبي فضل يحاول فيها وجبت اسبراتير جديد وجربت برده مشتغلتش طلع العيب من الموبينة مع انه مكنش مصدق انها بايظة الا اما جرب بتاعت عربيته عندي الكلام ده كان في الشاهين معلش طولت عليك

افهم من كلامك كده ان مش معنى ان الشراره تطلع من الموبينه كويس انها برضه ممكن تبقى بايظه ؟

انا بتعمل معايا كده وهى بارده بس

بس يعنى ايه من خراطيم الكربراتير ؟

انا لسه منضفه ومظبطه مرتين وماكنتش بعرف اشغل التكيف بسببه ولما ظبطته بقيت بشغل التكيف براحتى تمامآ ومافيش حمل على العربيه نهائى بعد ما ظبطته

والله اللي حصل معايا في الموبينة زي ما قولتلك كدة وكذا واحد شافها وقال ديه شغالة وكنا مستبعدنها خالص بس انت كدة طالما الصبح بس يبقي العيب مش من الموبينة العيب كدة في خراطيم البنزين انا اقولك علي ما تنزل الصبح بيكون البنزين اللي في الكربراتير نشف وبيكون خراطيم البنزين مسربة بسيط كدة راجع علي الخراطيم هي مش هتبان لازم تكشف عليها ممكن يكون حاجة منفسة مش هتلاقيها بنقط هتلاقيها منفسة يعني البنزين ينشف منها ولو انت الفلتر بتاع البنزين فوق عند الكربراتير بص عليه الصبح قبل ما تدور لو لقيته مليان كله يبقي الخراطيم سليمة لو لقيته فاضي شوية يبقي فيه حاجة في الخراطيم

المشاركة الأصلية كتبت بواسطة land_cruiser

انا شاكك في الكاربيراتير بالذات البوابه و الاكس و الموضوع ده بيبقي مقترن باستهلاك بنزين عالي و سحب ضعيف و ممكن تفتكر ان العيب من البوجيهات لكنهم مش هما السبب و هتلاقيهم طالعين مهببين رغم انهم متركبين قريب . كمان خللي بالك ان الجو الان حر فصعب ان البوجيهات تاخد رطوبه و حتي لو كان طقم بايظ طيب ما حضرتك غيرته اكتر من مره يبقي في حاجه بتبوظها و احتمال يكون الكاربيراتير. سبب تاني وارد برضه هو فلتر البنزين لو مسدود او فيه شوائب كتير من البنزين ده ممكن يخلليها تتأخر في الدواره و الحل بسيط و هو تغيير فلتر البنزين . آخر حاجه لو بتعتل في الدواره تبقي محتاج تكشف علي المارش

انا يوم الجمعه كنت عند بتاع الكربراتير وفى البدايه قالى

100 جنيه تنضيف وطقم اصلاح وتغير جوانات
و150 لو محتاج بوابه واكس قولتله توكل على الله
لما خلص وجه يركب قالى ما احتجش بوابه ولا اكس
وركب ورجعتله كذى مره بسبب انه ركب بيك صغير فالعربيه كانت مخنوقه وكل ما ادوس بنزين تبطل منى لحد ما ظبطت الاداء وركب بيك اكبر بخمس درجات وكله بقى زى الفل
وقبل كده ماكنتش بعرف اشغل التكيف لانها كانت بتبطل بسرعه
دلوقتى بشغله وبفرك بالعربيه رايح جاى والحمد لله ما حصلش فيها حاجه

اللى بوظ البوجيهات كده كذى مره انى لما بغيرهم ماكنتش بهتم بالكربراتير وكان بيبوظهم بسرعه ولما غسلت الكربراتير اول مره غسلته عند ميكانيكى فما ظبطتش الهواء بتاعه
ربنا يسامحه بقى فا بوظ بوجيهات تانيه

وبعدين لما غسلته اخر مره غسلنا البوجيهات اللى كانت فيها وسايبهم يلمو اللى فيها لو فيها لسه باقيا كربون ولا حاجه وبعدين هغيرهم تانى

بس اللى بيغيظنى انها مش بتدور بسرعه ممكن من تالت او رابع مره وساعات تتجن وتدور من اول مره مع انى كمان بحط بنزين 90 ومره حطيت 92 ودارت مره واحده برضه بس بسرعه

فا انا مستبعد الكربراتير حاليآ لانى خلصت منه

المشاركة الأصلية كتبت بواسطة ashraf_sms

والله اللي حصل معايا في الموبينة زي ما قولتلك كدة وكذا واحد شافها وقال ديه شغالة وكنا مستبعدنها خالص بس انت كدة طالما الصبح بس يبقي العيب مش من الموبينة العيب كدة في خراطيم البنزين انا اقولك علي ما تنزل الصبح بيكون البنزين اللي في الكربراتير نشف وبيكون خراطيم البنزين مسربة بسيط كدة راجع علي الخراطيم هي مش هتبان لازم تكشف عليها ممكن يكون حاجة منفسة مش هتلاقيها بنقط هتلاقيها منفسة يعني البنزين ينشف منها ولو انت الفلتر بتاع البنزين فوق عند الكربراتير بص عليه الصبح قبل ما تدور لو لقيته مليان كله يبقي الخراطيم سليمة لو لقيته فاضي شوية يبقي فيه حاجة في الخراطيم

هو فعلآ بلاقى الفلتر بتاع البنزين نصه بس مليان
وتقريبآ الاتنين لان عندى واحد رايح وواحد راجع (فايز)

طب كده اعمل ايه اعرف منين انهم منفسين او انهى واحد ازاى