ياجدعان هو غيار 3 بتاع 128 بيجيب كام علشان انا عندي اخرة بيجيب 60 ولو جبت رابع يجيب 80 وصوت يعلي اية مشكلة موديل العربية 2007 يعني جديدة
عرض للطباعة
ياجدعان هو غيار 3 بتاع 128 بيجيب كام علشان انا عندي اخرة بيجيب 60 ولو جبت رابع يجيب 80 وصوت يعلي اية مشكلة موديل العربية 2007 يعني جديدة
على ما اتذكر التالت ممكن يوصل 120 كم
و اعتقد انك عندك مشكله فى اسطوانة الدبرياج
شكرا لك ياريت حد كمان من ملاك 128 يرد عليا
هو اخرة خالص مالس 100 او 110 لو اقرص جامد
ياجدعان 120 أيه بس هي ألنترا؟؟؟ اللي ماركبش 128 قبل كدا ياريت لو مش متأكد من حاجه بخصوصها مايفتيش....
التالت ياريس أخره فعلا 60 والرابع من60وأنت طالع....ولو عندك خامس هايخلي العربية تعدي أل100مستريح فما فوق....أما موضوع أنها بتوصل لل80وصوتها بيعلي ده فياريت تتأكد من طقم الدبرياج الأول قبل ماتبتدي دماغك تسرح مع حاجات تانيه وعلي فكرة موضوع الدبرياج ده ممكن تتأكد منه بنفسك من غير ميكانيكي...أنت تقف في أي مكان واسع ومايكونش أدامك حد ودور عربيتك وهات أولاني وزود بنزين وشيل رجلك مرا واحده لو لقيتها أندفعت معاك بقوة لأدام زي مابيقولوا كدا أمريكاني يبقي طقم الدبرياج زي الفل...بس خلي بالك متاخدكش الجلالة وتأمرك أوي يعني عشان قواعد الماتور والفتيس والكبالن وأنت عارف أل28دايما بتتلكك عشان الحاجات ديه تبوظ فيها....يعني أقصد ماتدوسش بنزين بأفتري لما تيجي تشيل رجلك فجأة من الدبرياج وأنت بتعمل التست ده...لأزود بنزين في حدود المعقول بحيث صوت الموتور يعلي شوية وشيل دبرياج فجأة بحيث تقدر تشوف العربية هاتندفع مرة واحدة وبعزم جامد ولا لأ
أه نسيت أقولك علي حاجة كمان لازم تبقي تاخد بالك منها أوي....لما تيجي تغسل الماتور في البنزينة خلي بالك مايجيش جاز علي الدسك والأسطوانة من ناحية حلة الفتيس لأنها حصلت معايا قبل كدا والجاز ضيعلي الأسطوانة....طيب تعمل أيه؟؟؟ تجيب شنطة نايلون...كيس يعني وتكوره وتحشره في الفتحة بتاعت حلة الفتيس من فوق ((الفتحة الصغيرة اللي دايما بيبقي باين من وراها طقم الدبرياج))بس خلي بالك الكيس مايقعش منك جوا...سيب جزء منه بارز لبرا عشان تعرف تسحبه منه بسهولة بعد ماتخلص غسيل الماتور....علي فكرة فيه بعض العربيات بيبقي المكان ده مسدود أصلا بسدادة كاوتش تبع الفابريكا بس طبعا غالبية أل128 بتبقي السدادة ديه مش موجوده
انا الاولانى بيجى معايا لحد 20 والتانى اخره 40 والثالث 60 وانا بحاول اقرص عليه لحد 80 وطبعا الرابع لحد 100 وانا مش بحب اجرى اكتر من كده بحس ان العربيه هتطير علما بأن الفتيس عندى لسه جايبه استيراد والدسك والاسطوانه جداد لسه
علي فكرة 80 بالتالت ده حرام عليك هاتجيب أجل الماتور بدري بدري لأنك كدا بتحرق علي الغيار بصورة مبالغ فيها جدا وياريت ماننساش أننا راكبين عربيات أكل عليها الزمن وشرب فياريت الرفق بيها شوية ياجماعة كتر 1000خير الدنيااقتباس:
انا الاولانى بيجى معايا لحد 20 والتانى اخره 40 والثالث 60 وانا بحاول اقرص عليه لحد 80 وطبعا الرابع لحد 100 وانا مش بحب اجرى اكتر من كده بحس ان العربيه هتطير علما بأن الفتيس عندى لسه جايبه استيراد والدسك والاسطوانه جداد لسه
ممكن أعرف جبت الفتيس منين وبكام ومن أد أيه؟؟؟؟اقتباس:
مشكور على النصيحه ياكبير وانا اقول الفتيس القديم اتحرق ليه ههههههه