الموضوع: رجاء مساعده فى تسعير سيات ابيزا 94

المشاركة الأصلية كتبت بواسطة agme

يا جماعه انا روحت انهارده بصيت على عربيه ابيزا 94

للوهله الأولى العربيه من بره ممتازه لسه واخده وش نظافه جديد وحالة الصاج كويسه بس لما بدانا ندقق فيها ظهر بعض الحاجات عايز رأيكم فيها

اولا لون العربيه متغير بمعنى ان اللون الأصلى اسود وحوله فى وش النظافه ل ازرق لما سألته قالى انا زهقت من الأسود علشان التراب
رده طبعا مش مقنع بعد كده بصيت على الزجاج الامامى لقيت فيه كذا شرخ ومحتاج يتغير قالى ان تمنه حوالى 350

تغيير اللون مش شئ يعيب العربية
طالما رشة من برة والدواخل سليمة وبلون الفبريكة
والزجاج فعلا ب350 جنيه - بس المشكلة في تركيبه عشان الربل اللي حوالين الزجاج
الأحسن تخصم ثمنه وتعمله انت بنفسك لو كان ليك نصيب فيها

بعد كده الباغه بتاعت الأتنين فانوس الخلفى مكسوره محتاجين يتغبره بيقول ان الفانوس ب100 جنيه

يعني
الطقم ب250 جنيه

والتكييف محتاج شحن والسنتر مش شغال بس قالى حصلحهولك

افلح ان صدق
لازم تستلم العربية بتكييف شغال - مفيش حاجة اسمها دة عايز شحن ويخصملك 100 جنيه حق الشحن
قوله لا - انا هديك 200 جنيه وتسلمني العربية بتكييف شغال
والسنتر مش big deal

والاهم انه مسقط لها ماتور

ولا فيها اي مشكلة - اكتر من نص القسم هنا مسقط ومغير الماتور

ومغير اتنين رفرف امامى .

يا باشا - تغيير الصاج في الألماني عموماً والأبيزا خصوصاً مايعيبش العربية لأنه علي مسامير فك وتركيب بمنتهي السهولة

العربيه مجنطه بس دققت فى جنط لقيته ملحوم قبل كده سالته قالى انا شريها كده

أشك
هي جنوط واو ؟؟ - اقصد يعني صفقة ؟؟
يعني هل هي الجنوط التحفة ال15 bbs اللي تخليك تضحي بكون فيها لحام في مقابل جنوط اوعي وشك ؟؟؟؟
لو الأجابة لا - اعرف انه بيحور عليك بأي كلام فأي حتة - لأن محدش هيجازف بحياته ويشتري جنوط وفيها لحامات وتكون جنوط 13 ولا 14 تعبانين

وكمان 2 بخاخه الميه بتاعت البربيز مش موجوده بس الماتور شغال

اكيد وهو بيرش البوهيجي فكهم - وهما عندنا علي كلبسات - يعني لو اتفكت - بتبقي اتكسرت

واخر حاجه فيها 2 فرده كوتش تقريبا ضرورى يتغييروا مع العلم انها مترخصه قوات مسلحه والرخصه منتهيه من سنتين بس قالى انه حيجددها على حسابه

اخصم ثمن الكاوتش

مع العلم انه طالب 30 الف ورافض انه ينزل جنيه من تمنها

لو هيعمل كل اللي فيها ويغير الكاوتش - بردو كتير عليها 30
انصحك - خليه دلوقتي علي جنب وخليه اخر حاجة ممكن تلجألها لو تعبت من كتر التدوير
وماتخفش
العربية هتقعد معاه شوية ومش هيعرف يبيعها لأن فيها شغل كتير
ولما ترجعله بعد اسبوع ولا اتنين كلمه في 28 - رفض - سيبه وارجعله بعد اسبوعين تاني وكلمه في 27 رفض سيبه وارجعله وكلمه في 26
لأن طول ماهي قاعدة - يعني محدش بيشتريها وبيسمع فيها ارقام تزعل
العربية لو حلوة بتتباع هوا

صحابى قالولى اصرف نظر لانها محتاجه مش اقل من 3 الف جنيه كمان موضوع ان لونها متغير مخلينى قلقان عند اعاده البيع فهل فعلا اصرف نظر عنها ارجو المساعده مع العلم ان كل ده انا وصاحبى اللى شوفنه يعنى لسه كمان مفيش ميكانيكى شافها

تحياتي وتحت امرك في اي استفسار

والله المستعان
،
،