ارجوكم مشوره عاجله فى شراء شقه فى برج عليه حارس قضائى

**new_man** · 20-06-2013 03:35 AM

فيه شقه عجبانى جدا هى ايجار قديم فى برج كبير جدا 11 دور والدور على 10 شقق وكل شققه ايجار قديم والشقه فى الدور الخامس يغنى فوقيها 3 ادوار يعنى مش مخالفة لان البرج من زمان 11 دور

بس صاحبة الشقه بتقولى ان العماره عليها حارس قضائى لو جود خلافات بين اصحاب العماره على العقار بالكامل

وبتقولى احنا هنعمل عقد التنازل عند الحارس القضائى وهتنازلك عن الغاز والكهربا والميه والدنيا تمام ومتقلقش وان هى مشتريه شقة لابنها من 3 سنين فى نفس الدور فى وجود الحارس القضائى ومفيش مشاكل

وان العماره الناس بتبيع وبتشترى فى شققها عادى واتأكدت فعلا ان فيه حد تانى عارض شقته للبيع فى دور اخر وان الموضوع عادى جدا

بس انا قلقان من موضوع النزاع والحارس القضائى ده وهل ده فيه مشكله عليا؟؟

ياريت الللى مر بتجربه زى دى او يعرف معلومه ميبخلش عليا بيها قبل ما تضيع تحويشة العمر لانى شايف الشقة لقطة

ارجوكم مستنى الرد فى اسرع وقت

**mohamed_selim** · 20-06-2013 10:53 AM

مين صاحب العماره؟
هو اللى لازم يبيع و يمضى ... الحارس ما هو الا مراقب للاوضاع و هو اللى بياخد الادخل بتاع البرج و بيصرف عليه و بياخد اجره و يدى الباقى (لو فضل باقى) للملاك .... معرفش هو صاحب قرار البيع ولا لأ ... هتحتاج تسال محامى و تشوف يعنى ايه تنازل؟ هو ايجار قديم ولا بيع و شرا؟

**new_man** · 20-06-2013 11:05 AM

صحاب العماره هما كذا حدا
والشقه ايجار قديم

**mohamed_selim** · 20-06-2013 12:06 PM

شوف محامى يا فندم عشان تعمل الاجراءات سليمه
وجود حارس قضائى لا يعيب العماره غير فى ممكن تلاقى مشاكل فى صيانة العماره مثلا او السلم و كده ... بس قانونا هو اللى بينوب عن الملاك (عشان هم كتير و مش عارفين يتفاهمو) فى اتخاذ القرارات... التنازل بقى يتم ازاى و تعمل ايه عشان تضمن حقك محتاجه محامى و متستخسرش الفلوس اللى هياخدها لانها ممكن توفر عليك مشاكل بعد كده (انا مش محامى على فكره :) )