كنت عايز عربية اوتوماتيك جديدة في حدود ١٠٠،٠٠٠ و مستبعد رينو لوجان. افيو ولا بريليانس frv؟ انا شايف ان كل الناس بتشتكي من الافيو. هل العيوب ده موجوة في مودل ٢٠١٣ الاوتوماتك؟
عرض للطباعة
كنت عايز عربية اوتوماتيك جديدة في حدود ١٠٠،٠٠٠ و مستبعد رينو لوجان. افيو ولا بريليانس frv؟ انا شايف ان كل الناس بتشتكي من الافيو. هل العيوب ده موجوة في مودل ٢٠١٣ الاوتوماتك؟
أنا أرى أنك حددت الاختيار بين اثنين ، وأرى انه يستحسن توسيع دائرة الاختيار
حدد أولا ماهي أولوياتك بعد السعر ، مثلا:
لازم زيرو وللا ممكن مستعمل؟
عاوز سعر بيع كويس لو حبيت تبيع وسهولة ، وللا مش فارقة معاك؟
عاوز عربية اقتصادية في البنزين وقطع غيارها رخيصة ومتوفرة وللا مقيش مشكلة
انا شخصيا أرشح لك تويوتا كرولا مستعملة أو لانسر بوما مستعملة ومش هتندم أبدا
إذا كان شرطك انها تكون زيرو ، يبقى لانوس مثلا عربية محترمة
بس ياريتك تفكر كويس قبل ما تشتري بعواطفك اشتري بعقلك واسأل الناس مرة و اتنين
100 ألف مبلغ كبير وحرام ترميه قي عربية ممكن تزعلك لأان هناك أفضل منها
ماهو لو اتكلمنا بحيادية:
اللوجان والسانديرو فيهم عيوب فيه اللي زيي بيقدر يتعايش معاها وبيعتبرها كويسة.. وفيه اللي مابيقدرش.
الأفيو كأنك بترمي زهر.. يا تطلع عيوبها قليلة يا تطلع عيوبها تطلع عينك..
البريليانس.. ههههههههههههههه
الحاجات الاوتو المتاحة البروتون ساجا (اللي مايستريحش ف اللوجان مايستريحش ف البروتون) - البيكانتو (الاوتو بتاعها سحبه وحش وعاوز مشاوير قليلة) - ال i10 أقل من البيكانتو - الصني الشكل القديم
كان :N_no[1]:
فعلا التويوتا كورولا الشكل القديم حقا انها عربيه محترمه جداااااااااا وحلال فيها اي فلوس لو حالتها فابريكه
هات كورولا مستعمل نظيف افضل
لو مقتنع بالأفيو اتوكل على الله وأشترى انا معايا 2013 اوتوماتيك الحمد لله مشفتش منها مشاكل و متسمعش الكلام ال بيتقال عنها ... الاوتوماتيك مفيش فيه مشاكل و خصوصا ارتفاع عداد rpm و ده كان فى المانوال
انا كنت زيك محتار اشترى عربية فى 100 ألف اواتوماتيك و مش حابب اللوجان و قلت ابعد عن ال fsv عشان صينى لكن العربيه حلوه مش وحشه و خفت من قطع الغيار
الأفيو عالية وشنطتها واسعه و ناعمه والنقلات بتاع الفتيس الاوتوماتيك سلسة يعنى زى اى فتيس بتاع عربيه يابانى .. عفشتها متوسطه يعنى مش ناشفه اوى زى ما بيتقال عنها - فراملها جيدة وليست ممتازة
التكيف بتاعها حلو و مش بيأثر على سحب العربية اوى - الطابلوه شيك و العربية واسعه من جوه