بياناتك عند دايموند مجاناً وببلاش

**ahhazem** · 20-06-2013 09:43 AM

صباح الخير عليكوا
النهارده عندي موضوع حبيت اشارككم فيه:
من حوالي شهر اتصلت على دايموند موتورز الخط الساخن علشان أحجز ميعاد صيانة وكان الكلام ده من تليفوني المحمول ودار الحوار التالي بالنص:
انا: الو سلام عليكوا
وعليكم السلام اتفضل
أنا: من فضلك عاوز احجز ميعاد صيانة
تحت امرك يافندم لحظة اراجع بعض البيانات
أنا: اتفضلي
حضرتك الاستاذ أحمد حازم
أنا: ايوه
حضرتك رقم تليفونك كذا كذا كذا
أنا: ايوه
ورقم تليفونك التاني كذا كذا كذا
أنا: ايوه
وعنوان البيت كذا كذا كذا
أنا: ايوه
ورقم عربيتك كذا كذا
أنا: ايوه
ورقم الموتور كذا كذا كذا
أنا: ايوه
ورقم الشاسيه كذا كذا كذا
أنا: ايوه
حضرتك هاتعمل صيانة كام؟
؟؟؟؟؟؟؟
أنا: صيانة ٣٠٠٠٠
وادتني الميعاد وكله تمام
ايه خدمة تانيه
أنا: آه عاوز اقولك حاجك مهمة
اتفضل
أنا: انتي عرفتي منين ان انا الاستاذ احمد حازم
ماهو حضرتك رقم تليفونك اللي بتتكلم منه متسجل عندنا
أنا: تمام بس عرفتي منين ان انا هو مش يمكن اكون سارق التليفون
طيب ما حضرتك اكدت البيانات بتاعتك غير رقم التليفون
أنا: هوا انا قولت حاجة؟؟؟؟ دا انتي قولتي كل حاجة
يعني حتى مسألتينيش ولا سؤال تتأكدي منه ان انا صاحب العربية دا انتي كمان قولتيلي على بيانات صاحب العربية
هو حضرتك مش الاستاذ أحمد؟
أنا: آه هو انا فعلاً سلام عليكوا

وده يا أخواننا معناه ان احنا للأسف بياناتنا كلها عند ناس فاشله معندهاش فكره عن حاجة نوهااااااااءي في الزمن اللي احنا فيه ده لو حضرتك حبيت تجيب بيانات أي حد عليك وعلى أي مركز خدمة عملا فاشل وانت تعرف كل حاجة بمنتهى السهولة
حسبي الله ونعم الوكيل

**MIVEC.A92** · 20-06-2013 10:33 AM

فعلا دي مصيبة المفروض الرد يكون العكس حضرتك اللي تقول البيانات و هي تتأكد صح ولا غلط

**Ahmed Lotfy** · 20-06-2013 11:14 AM

يانهار اوسد

**Land_Cruiser** · 20-06-2013 11:33 AM

ما كانت قالت انت عايز تعمل صيانه الكام الف بالمره و تبقي كده قفلت المكالمه .. طبعا ده تهريج و ياريت حضرتك تكلمهم تاني و تطلب تكلم حد من الاداره و تلفت نظره للموضوع ده

**kemoelord** · 20-06-2013 12:15 PM

حسبي الله ونعم الوكيل !!!!!!!!!

**ahhazem** · 20-06-2013 12:28 PM

[QUOTE=Land_Cruiser;3875056973]ما كانت قالت انت عايز تعمل صيانه الكام الف بالمره و تبقي كده قفلت المكالمه ..

تصدق ان دي المعلومة اللي المفروض هيا تقولها فعلاً

**adelghanem** · 20-06-2013 12:41 PM

والمفروض هيه تكمل :
وسيادتك مش عايز اى معلومات عن اى عميل تانى
واحنا فى الخدمه

**khalid_adel** · 20-06-2013 12:45 PM

فكرتني بمره فودافون بيكلموني من رقم فودافونن ورقم مميز بس مش رقم خدمه العملا وعايز ياكد بياناتي عشان استلم هديه قولتله ده في المشمش اني اقولك معلومه واحده غير لما اتاكد انك فودافون بجد فين وفييييين قالي طب حقفل ابعتلك رساله من فودافون واكلمك تاني وقد كان فعلا وفهمته بقي اني مش اي رقم يكلمني اديلو بياناتي مهما كان

**SALAH ELDIN** · 24-06-2013 11:10 AM

لظروف شغلى بتعامل كثير مع خدمة عملاء وعلاقات عامة
مشاريع كبيرة جدا وشركات متعددة الجنسيات يعنى معايير الاختيار عندهم عالية جدا
ومفروض عندهم منهجية وسيستم شغل
--
ولا الدموع يا برنس
بنات مش فاهمة حاجة ( وغالبا بتتسنكح عاوز تتجوز )
رجالة نفسها تتخانق
ناس مش عارف هى اصلا شغلتها اية
- قابلت مهازل كثير وقليل
لكن بصراحة فى ترتيب المهازل يأتى التوكيل دايموند دة فى المرتبة رقم 1
لا يفقهون اى شىء فى اى شىء
بخلاف انهم اصلا مستواى الاداء ضعيف جدا وعندهم قلة ذوق كبيرة فى التعامل
- بخلاف ان الكول سنتر بتاعهم مفيش تخصص والبنت الى بترد عاوزه تزقك لحد تانى وهكذا
انا انصدمت لما عرف ان الكول سنتر بتاع فودافون استراليا ( اصلا فى مصر ) تخيل تخيل تخيل
يعنى فى قسم فى خدمة عملاء فودافون مخصص لدعم خدمات استراليا هناك والناس الى فية مصريين
معنى كدة ان حتى الشركات بتاعملنا جوة الوطن كفئات درجة 2

-

الموضوع: بياناتك عند دايموند مجاناً وببلاش

LinkBack

أدوات الموضوع

عرض

بياناتك عند دايموند مجاناً وببلاش - انشر الموضوع فى :

-

-

-

-

المواضيع المتشابهه

بنك دم نايل موتورز-ادخل ضيف بياناتك للاهميه

ابحــث في الصورة ....... فوازير وببلاش هههههههه (متجددة)

لمالكى الياريس : سجل بياناتك لتحصل على أكبر خصم

فرصة وببلاش

كيف تتجنب فقد بياناتك فى حالة تغيير أو سرقة الموبايل؟

الكلمات الدلالية لهذا الموضوع

المفضلات

المفضلات

ضوابط المشاركة