تزييق غريب في فيرنا 2013 مع انها زيرو ؟؟ ازاى ؟؟

**john_zakaria** · 24-06-2013 12:02 PM

المشاركة الأصلية كتبت بواسطة eslam atia

يعني هوا دا حل برضه ؟؟
الراجل يجيب شيكرتون والعربية ماشاء الله لسه زيرو ؟؟؟؟
انت قلقتني صراحة لأني مقبل علي شرائها
ياتري دا في الاوتوماتيك ولا المانويل
لأاني ناوي علي المانويل
وياريت اشترتها بكام
واستلمتها بعد مده قد ايه ؟

انا جايبها من معرض، حجزتها في يوم و استلمتها تاني يوم علاطول
مانويال كاملة بس انا جايبها بالقسط

العربية حلوة مش وحشة خالص بس ده اللي ماعجبنيش فيها، الصوت ده

**john_zakaria** · 24-06-2013 12:05 PM

المشاركة الأصلية كتبت بواسطة mhkorayem

يا باشا هي دي مشكله الهيونداي الازليه ومفيش عربيع هيونداي مفيهاش الموضوع ده
بس يا باشا بتروح بالـ wd40
رشه مره تانيه على المفصلات وعلى أقفال الابواب اللي على شكل حرف u وعلى المكان اللي بيمسك في الاقفال دي من جوه وان شاء الله المشكله هتتحل
كانت عندي نفس المشكله بس بعد ما رشيت زي ما بقول لك كده الحمد لله راح خالص
أعمل الموضوع ده في الاربع ابواب بس خد بالك مترشش على كاوتشات الابواب ولا على بلاستيك التابلوه عشان بيقال انه بيبوظهم

جربت الحل ده كذا مرة و ماجابش نتيجه خالص

**john_zakaria** · 24-06-2013 12:07 PM

المشاركة الأصلية كتبت بواسطة gmslem

انا نفذت هذا الاقتراح ... و الحمد لله التزيق راح تماماااا

شكرا لكم

جربت الحل ده و برضه الصوت بيطلع، هو خف شوية لكن انا عايز اخفيه خالص

و بعدين دي زييييررروووووووو امال لما يبقى بقالها 5 سنين هاتعمل ايه؟

**john_zakaria** · 24-06-2013 12:08 PM

المشاركة الأصلية كتبت بواسطة gmslem

انا نفذت هذا الاقتراح ... و الحمد لله التزيق راح تماماااا

شكرا لكم

المشاركة الأصلية كتبت بواسطة hossam_elwani

للاسف المشكله دى ممكن تكون فى السماعات مثلا او حاجه فى قلب الباب بتخبط ولازم تمشى وراها حته حته

انا جربت ال wd40 و الشيكرتون ده وبرضه الصوت طالع

اي اقتراحات لو سمحتو

**h_moga** · 22-08-2013 01:59 AM

نفس مشكلتك حصلت معايا وقولتلهم في صيانة الالف من اسبوع وهمه ظبطوها بس انا قلتلهم التزييق من حاجه جوه الباب علشان كده اشتغلوا فيها اما لو الباب نفسه قفلته يعني هتضطر تروح خدمة الهياكل .... المهم المشلكة راحت بس الزجاج بقي بيطلع حاسس انه مزنوق جوه بس ممكن تظبط بعد المشي شوية بس خلاص تزييق مفيش اتابع الازاز واقولك بس في صيانة 5 باذن الله