تزييق غريب في فيرنا 2013 مع انها زيرو ؟؟ ازاى ؟؟

**john_zakaria** · 20-06-2013 12:37 PM

انا معايا فرنا 2013 عاملة 1600 كيلو بس،لسه جديدة بشوكها...

بعد ماشتريت العربية ب 3 ايام لاحظت وجود صوت تزييق غريب جاي من الجنب اليمين عند الباب الامامي ( الصوت عامل زي ما يكون صوت سرير خشب بيزيق ) و الصوت ده بيبقى مزعج جداً و انا ماشي او باعدى فوق مطب مثلاً

اللي مضايقني اني راكب زيرو مش موديل التسعينات علشان يحصل معايا كدة

و في صيانة الالف ماحلوليش الموضوع ده

الناس قالولي حط زيت wd-40 علي المفصلات و الاكرة للابواب اليمين امامي و خلفي.

عملت كده في الباب اليمين قدام و الباب اليمين خلفي و مع ذلك الصوت زي ماهو بل زاد شوية مع كتر المشي بالعربية.

لكن احياناً لما باقفل الباب جامد شوية الصوت بيختفي او بيقل و انا حاسس انه ممكن يكون طالع من التابلوه مش من الباب علشان انا رشيت wd-40.

مش عارف اعمل ايه في الصوت ده بجد الصوت مزعج جداً و ازاي انهيه تماماً

ارجو الرددددد لو سمحتو

**El Prince** · 20-06-2013 01:06 PM

شيكرتون ( بتاع لحام سلك الكهرباء) أبو جنيه ده - و اديها لفتين على كل اقفال الابواب الاربعة ( اللى على شكل حرف u ) بس ما تكترش علشان الباب يقفل ...

و انسى التزييق بنسبة 97 % - يعنى ممكن تخش هندسة :) -

و لا تزعل يا باشا و 1000 مبروك العربية و استمتع بيها ...

و ابأه ادعيلى :)
تحياتى

**john_zakaria** · 20-06-2013 01:26 PM

المشاركة الأصلية كتبت بواسطة el prince

شيكرتون

مافيش طريقة تانية؟؟ كده شكل الباب هايبقي وحش اما افتح الباب

**El Prince** · 20-06-2013 01:29 PM

المشاركة الأصلية كتبت بواسطة john_zakaria

مافيش طريقة تانية؟؟ كده شكل الباب هايبقي وحش اما افتح الباب

هى دى الطريقة السليمة و المجربة بفاعلية

حكاية الشكل الوحش ممكن تتفاداها بأنك جيب الشكيرتون نفس / أقرب لون للعربية

**eslam atia** · 20-06-2013 02:15 PM

يعني هوا دا حل برضه ؟؟
الراجل يجيب شيكرتون والعربية ماشاء الله لسه زيرو ؟؟؟؟
انت قلقتني صراحة لأني مقبل علي شرائها
ياتري دا في الاوتوماتيك ولا المانويل
لأاني ناوي علي المانويل
وياريت اشترتها بكام
واستلمتها بعد مده قد ايه ؟

**mhkorayem** · 20-06-2013 03:15 PM

يا باشا هي دي مشكله الهيونداي الازليه ومفيش عربيع هيونداي مفيهاش الموضوع ده
بس يا باشا بتروح بالـ wd40
رشه مره تانيه على المفصلات وعلى أقفال الابواب اللي على شكل حرف u وعلى المكان اللي بيمسك في الاقفال دي من جوه وان شاء الله المشكله هتتحل
كانت عندي نفس المشكله بس بعد ما رشيت زي ما بقول لك كده الحمد لله راح خالص
أعمل الموضوع ده في الاربع ابواب بس خد بالك مترشش على كاوتشات الابواب ولا على بلاستيك التابلوه عشان بيقال انه بيبوظهم

**gmslem** · 20-06-2013 04:31 PM

المشاركة الأصلية كتبت بواسطة el prince

هى دى الطريقة السليمة و المجربة بفاعلية

حكاية الشكل الوحش ممكن تتفاداها بأنك جيب الشكيرتون نفس / أقرب لون للعربية

انا نفذت هذا الاقتراح ... و الحمد لله التزيق راح تماماااا

شكرا لكم

**loshabih** · 20-06-2013 05:15 PM

نصيحة محدش يجيب فيرنا جديده عيوب التقفيل لا تنتهييييييييييييييييي

**p r i n c e** · 21-06-2013 08:15 PM

المشاركة الأصلية كتبت بواسطة El Prince

شيكرتون ( بتاع لحام سلك الكهرباء) أبو جنيه ده - و اديها لفتين على كل اقفال الابواب الاربعة ( اللى على شكل حرف u ) بس ما تكترش علشان الباب يقفل ...

و انسى التزييق بنسبة 97 % - يعنى ممكن تخش هندسة :) -

و لا تزعل يا باشا و 1000 مبروك العربية و استمتع بيها ...

و ابأه ادعيلى :)
تحياتى

كان عندي نفس التزييقة و لفيت شيكرتون على القفل اللي على شكل حرف u و فعلا الصوت راح خالص
كنت برش سبراي على القفل و المفصلات قبل كدا والصوت كان بيروح و بيرجع بعد فترة
شكرا يا كبير

**hossam_elwani** · 21-06-2013 08:19 PM

للاسف المشكله دى ممكن تكون فى السماعات مثلا او حاجه فى قلب الباب بتخبط ولازم تمشى وراها حته حته

الموضوع: تزييق غريب في فيرنا 2013 مع انها زيرو ؟؟ ازاى ؟؟

LinkBack

أدوات الموضوع

عرض

-

-

-

-

-

-

المواضيع المتشابهه

عندي تزييق غريب في دبرياج النترا 2009

ازاى اتأكد انها خليجى سعودى

مشكلة تزييق الكراسى وصوت غريب !!!

ازاى تقول لمراتك انها تخنت

تزييق غريب جدا

الكلمات الدلالية لهذا الموضوع

المفضلات

المفضلات

ضوابط المشاركة