العربية مبتسحبش فوق 120

**swimmer25** · 20-06-2013 01:24 PM

العربية عندي عاملها كل الصيانة اللازمة...لسه مغير بوجيهات وسيور وفلتر بنزين وهواء مكملش 2000 كم وزيت موتور فيسكو 5000 وفلتر لسه مكملوش 3000 كم
كمان غيرت زيت فتيس بزيت شيل 80/90 وكان الزيت الأصلي في العربية ناقص ودلوقتي مقاس الزيت تمام
العربية عاملة 35 الف موديل 2008
المشكلة:
السحب كويس في السرعات المنخفضة
لكن بوصل ل 120 الموتور بيكون صوته عالي والعربية بتوصل ل 140 بالعافية وتقف علي كدا وال rpm مش بيقدر يعدي 4.25 وبكون علي الخامس وجايب الدواسة للأرض
المشكلة فين؟

**elcaptain313** · 20-06-2013 01:44 PM

اكشف على اسطوانة الدبرياج

**Ahmed Nasser** · 20-06-2013 02:22 PM

مبايا اكشف على اسطوانة الدبرياج
ادى الرابع ودوس فرامل وبكعب رجلك دوس بنزين جامد
وابدا سيب دبرياج وشوف العربية هتفضل دايرة ولا هتبطل

**matrixmillion** · 03-08-2013 05:20 PM

انا عندي نفس المشكلة دي ومش عارف لها حل في حد قالي احتمال تكون علبه البيئه وماحدش هيفهم للموضوع ده من الميكانيكيه غير التوكيل

**neel** · 03-08-2013 11:21 PM

غالبا طرمبة بنزين ضعيفة

**swimmer25** · 04-08-2013 01:02 PM

هي العربية تقيلة اوي في السحب فوق 120
طارق باشا الله يكرمه عمل تيست اسطوانة الدبرياج وكانت كويسة واعتقد طرمبة البنزين كويسة بردو لان العربية 2008 وعاملة 35 الف بس وعمري ما بسيب التنك يفضي بعد الربع واصلا العربية كدا من يوم ما اشتريتها مش حاجة جديدة

المهم طارق نصحني اني افتح الموتور اكتر باني انقل فوق ال 5 ار بي ام وفعلا جربت انقل فوق 5 وجابت 160 بس بالعافية وعملت كدا كذا مرة بس بردو كل مرة احب اعدي ال 120 لازم اعمل كدا...لو نقلت علي 4 ار بي ام متعديش 120 او 130 بالكتير اوي لازم 5 او 5.5 كمان

الغريب بقي ان صوت الموتور بيكون عالي جدا بين 120 وال 140 ..اول ما تعدي ال 140 صوت الموتور بيقل للطبيعي..بس بصراحة مش فاكر كنت بجيب الخامس وانا علي كام...بس غالبا علي 150 (اللي فاكره ان الموتور بيكون 5.5 rpm وبنقل خامس)