استفسار هام لمرتادى سوق سيارات مديتة تصر

**Mohamed Abbas** · 20-06-2013 02:18 PM

لو سمحتم كنت عايز استفسر بس من حد يكون متأكد ، سمعت ان فى سوق الجمعة بتاع الحى العاشر بيكون فى ناس من الشهر العقارى يعملولك عقدبيع لسيارتك و المشترى بقى يكمل باقى الاجراءات من غير مشاكل ب 10 جنيه تقريبا

فكنت عايز اتأكد من صحة الموضوع ده ، لان سيارتى باسم والدى و هى مسافرة بكرة و مش لاحق اعمل توكيل و كنت عايز ابيعها ، فهل ينفع انى اروحلهم اعمل عقد بيع من والدتى ليا .. و انا ابيعها بقى ولا ايه ؟ مع العلم انى لسه هاكمل 21 سنة بعد شهرين باذن الله .. و شكرا مقدما

**madymoody** · 20-06-2013 03:03 PM

بس لازم علشان والدك يعملك توكيل يروح معاك ويوثقلك التوكيل فى سوق السيارات ده الصبح بدرى وبعدين تبيع انته براحتك او تلحق دلوقتى اى شهر عقارى ووالدك يعملك توكيل لكن ورقه كده بعشره جنيه واى حد يعملهالك ده مش موجود طبعا وماحدش عبيط هايرضى يشترى منك بالطريقه دى كل واحد بيخاف على نفسه النهاردة وعلى فلوسه لازم ورق موثق

**Mohamed Abbas** · 20-06-2013 03:19 PM

ايوة ماهو التوكيل عشان يتعمل لازم اكون فوق ال 21 سنة ، عشن كده انا باسأل على موضوع انه يبيعهالى و انا ابيعها

**madymoody** · 20-06-2013 03:26 PM

حد من الخبراء بالقسم يفيدنا هل اقل من 21 سنة ليس من حقه ان يمتلك سيارة بالتوكيل معلش اصل انا عديت السن دى بقالى بتاع 23 سنة فالصراحة اعذرنى نسيت

**elpasha1** · 20-06-2013 03:33 PM

اعتقد ان طالما معاك بطاقة ممكن تعمل توكيل

**Mohamed Abbas** · 20-06-2013 03:44 PM

لأا توكيل مش نافع .. بس اللى كنت عايز اعرفه هل لا يمكننى امتلاك سيارة الا بعد 21 سنة ؟!

**Mohamed Abbas** · 20-06-2013 03:45 PM

madymoody
يا باشا ربنا يديك الصحة و طولة العمر

**hilal** · 20-06-2013 03:59 PM

ملكية السيارة تختلف عن قيادة السيارة
أعتقد يجوز الملكية لأقل من 21 سنة

**kazamodia** · 20-06-2013 04:50 PM

يجوز الملكية بوصاية من الوالد

**moumen_hs** · 20-06-2013 04:52 PM

لا يمكن البيع لمن دون ال 21 ممكن حضرتك تخلى يعمل توكيل لاى حد تانى ثقة ويبقى يبيع هو أما أمتلاك السارة لدون 21 ممكن ولكن بوصاية الاب فلا يمكنة التصرف فيها الا بوالية الاب