عاوز ابقى الفاوى يا جماعة ساعدونى

**ahmoui** · 20-06-2013 02:57 PM

بسم الله الرحمن الرحيم
انا بقالى فترة بدور على عربية تكون كويسة وسواقتها محترمة ولقيت ان الفا هى المفيد بعد المقارانات وكدا كنت عاوز استفسر عن فتيس السليسبيد وطرق سواقته وشيفتاته يعنى ازاى وكدا ولو العربية نظيفة تعملها كام الفا 156 وشكراً.

**أحمد الجندى** · 20-06-2013 07:21 PM

السلسبيد شيفتاته فى الدركسيون وهى عبارة عن زرارين يمين وشمال ... أنا ركبتها نقلتها مش محسوسة خالص ومع الموتور ال 2000 سى سى سحبها ممتاز بس المشكلة ان الفتيس ده بيقال انه بيبوظ بسرعة

دى صورة لزرارين النقل اللى هما على اطراف الدركسيون

**ahmoui** · 20-06-2013 07:36 PM

يعنى وانا بنقل الغيارات اشيل رجلى من عالبنزين ولا وانا دايس عادى ولو فى مطالع ومحتاج عزم العربيه معايا هيسعف وهل ممكن اخليها تقلب لوحدها الغيارات زى الاوتوماتيك العادى والف شكر عالرد والاسعار يا جماعه موديلات من 2000 لحد 2002 فى الحالات الممتازة ولو حد قدامة حاجه حلوه يقول

**أحمد الجندى** · 20-06-2013 10:32 PM

المشاركة الأصلية كتبت بواسطة ahmoui

يعنى وانا بنقل الغيارات اشيل رجلى من عالبنزين ولا وانا دايس عادى ولو فى مطالع ومحتاج عزم العربيه معايا هيسعف وهل ممكن اخليها تقلب لوحدها الغيارات زى الاوتوماتيك العادى والف شكر عالرد والاسعار يا جماعه موديلات من 2000 لحد 2002 فى الحالات الممتازة ولو حد قدامة حاجه حلوه يقول

اللى أنا فهمته وفاكره لما كنت مع الراجل انه كانت رجله على البنزين وبينقل عادى من الدركسيون وده كده يعتبر الوضع المانيوال ولما مكنش بينقل من الدركسيون كان بيظبط الفتيس على المود وهى تنقل لوحدها

بالنسبة للعزم والمطالع والحاجات دى ماتقلقش منها العربية ماشاء الله سحبها ممتاز

بالنسبة للسعر فبصراحة أنا بشوف الناس بتسعر على مزاجها شوية ناس تطلب فيها سبعين وشوية بس المتوسط اعتقد بيبقى فى الستينات وفى الاخر الحالة هى اللى بتحكم

اهم حاجة لو انت ناوى بجد انك تشوف كتير وتجرب وتسوق بنفسك .... الالفا بالذات لازم تتجاب حالة كويسة اوى علشان ما تقرفكش

**ahmoui** · 21-06-2013 02:34 PM

الف شكر يا باشا على الرد وياريت يا رجاله لو حد معاه عربية نظيفة وعاوز يبيع او قدامة حاجه يقول وشكرا

**أحمد الجندى** · 04-07-2013 01:57 AM

انا افتكرت بعد فترة ان شكل الدركسيون اللى انا حطيت صورته فوق مش نفس اللى انا شوفته فى العربية اللى ركبتها .... مع انى شايف ان الفتيس اتوماتيك بس عشان مبحبش افتى جيبت الصورة اللى انا شوفتها فعلا