الموضوع: رأيوكم أشتري أنهي زيرو كيا ريو ولا 301

متجبش الريو مانيوال عشان مش هيكون فيها اى كماليات هات ال 301
لكن لو هاى لاين هات الريو فيها امكانيات اعلى من ال 301

المشاركة الأصلية كتبت بواسطة mohamedhagrass

301 وش يعني
الكوري حلو بسي اخره 3 سنين ويتباع والا هتقلب منك كرو
البيجو غاني عن التعريف بسي قطع غيار حسبي الله ونعم الوكيل :d
حتى لو هتجيب الهاي لاين اتاكد ان البيجو لو اقل فهي امتن ميه مره من الكيا

ياباشا مين اين لك هذا الافتاء
ياباشا انا معايه دايو موديل 2005 والسنة دي 2013 وعاملة 185 الف كيلو وبسم الله ماشاء الله العربية لسه مغير من الفبريكة فيها المساعدين ولسه العفشة كله بي ربطة الفبريكة معادة المساعدين علشان غيرتها بعد 8 سنين كفايه فتي بقا ياريت الناس تركب الكوري وبعد كده تتكلم الكوري اه الخمات اقل من الاوربي وليس اليابني ممكن ماتورها يكون ضعيف شوية يعني مش بتاع قرص كتير بس عربية حملوة وكمان عربية بتستحمل بهدلة الشارع ومابتشتكيش انا بشتكي من الدايو لي سبب ان سرعتي عالية والعربية بتعوم بعد 140 لكن عربية ممتازة من حيث توفير الجيب وانها حموله للشوارع المصري
ياجماعه الكوري اتغير نهائي

المشاركة الأصلية كتبت بواسطة mahmoud_anwar

هات ريو اتوماتيك فول اوبشن وسيبك من الكلام الي الناس بتقولة علي الكوري وعربيات ايه وايه
والله انا شايف الرايو عربية محترمة ومليانة اوبشن مش هتلقية غير بسعر خرافي وكفاية ان الكوري تقدم جدآآآ وسبق عربيات كتير مش هقولك الماني لي ان العين ماتعلاش عن الحاجب بس كفاية انها حطط رسها فوق راس الياباني

انا ماشككتش في الكوري بس انا خلاص اخدت قرار ان انشا الله العربيه هجبها مانوال و ده ال انا عايزو و غير ان انا مش في امكانياتي اجيب الهاي لين كدة كدة. بالعكس انا اصلاًً ميال ل الريو نظراًً انها بتنزل في كل اوروبا و الكلام القراته عليها كلة كويس انما ال ٣٠١ لسه جديدة و مش رايحة الاماكن القوية في اوروبا فابلتالي الكلام عليها مش كتير و ده مخوفني. هل ال ٣٠١ اقل من الريو عشان كدة مش رايحة انجلترا مثلاً؟

يا ريت القالوا ٣٠١ يقولوا ليه عشان ممكن تكون في حاجة فايتاني يقولوهالي