مساعدة فى البنوك

**SeiffoZ** · 20-06-2013 04:18 PM

عايز اعرف لو عايز اعمل حساب فى البنك ...

يكون كارت يسحب من الatm و اقدر اشترى بيه من الانترنت و ممكن احول عليه فلوس من الانترنت ..

و يا سلام لو بيقبل التعامل مع باى بال ..

بس مايكنش كريدت كارد يعنى بدفع اشتراك جامد او بيشترى بمديونية ...

يعنى زى الatm بس بيتعامل مع النت ..

و المكن بتاعه متوفر فى كل حتة ..

حد يعرف يفيدنى؟

**h_shahin** · 20-06-2013 04:49 PM

Hsbc debit card

Sent from my MZ601 using Forum Runner

**Ahmedezz2000** · 21-06-2013 03:25 AM

انا بصراحة مبفضلش حوار فيزا وحسابات البنوك بسب شبهه الحرمانية !
لكن لو مصمم اوي يعني اصحابي بيشكروا في فيزا البنك العربي الافريقي
وبيتعامل مع اغلب المتاجر الالكترونية والشحن بسهولة وفي دقائق

**AhMeD EzZ** · 21-06-2013 08:47 AM

Nsgb
بتعمل معاهم كارتين ، كارت Debit card دة بيبقي سحب من حسابك فقط يعني مش كريديت
و كارت للانترنت بيكون مخصص للتعاملات الاليكترونية و بيدعم الباي باي ، بس اساسا الباي بال عندنا في مصر ارسال فقط لسة مبيدعمش استقبال

**Nistelrooy** · 21-06-2013 01:08 PM

في برضوا توماس كارد من السي اي بي بتشتري من النت وبتسحب عادي من اي atm وبتطلع في يومها ب 20 جنية ..
ومش محتاج انك تفتح بيها حساب في البنك وبتشحن من اي فرع لبنك سي اي بي او فروع شركة توماس او اي مكنة atm بتدعم خاصية الايداع

ودي ماستر كارد علي فكرة مش فيزا

**SeiffoZ** · 21-06-2013 02:03 PM

طب لو حبيت اسحب من مكنة atm بس البنك بتاعى ملهوش مكنة فى المكان اللى انا فيه ... اعمل ايه؟

انا رحت افتح حساب فى البنك الاهلى اللى هو كارت الشباب ماستر كارد و بيتعامل على الانترنت بس البنك كان فوضى ز السيستم واقع و الناس واخدة نفس الارقام بتاعت ىالانتظار و قعدت استنى ساعة و نص لحد ما زهقت و مشيت! ...

**SeiffoZ** · 21-06-2013 02:29 PM

ايه الفرق بين الماستر كارد و الفيزا ؟؟ و كمان الناس اللى بتشترى من السوبر ماركت بكارت ده كارت ايه؟

**aminibrahim** · 21-06-2013 02:32 PM

المشاركة الأصلية كتبت بواسطة nistelrooy

في برضوا توماس كارد من السي اي بي بتشتري من النت وبتسحب عادي من اي atm وبتطلع في يومها ب 20 جنية ..
ومش محتاج انك تفتح بيها حساب في البنك وبتشحن من اي فرع لبنك سي اي بي او فروع شركة توماس او اي مكنة atm بتدعم خاصية الايداع

ودي ماستر كارد علي فكرة مش فيزا

يعني ايه بتشحن من اي فرع للس اي بياصله معايا وشغال زي الطلقه بس عايز افهم النقطه دي

**Ahmed A Rahman** · 21-06-2013 03:14 PM

انا عامل حساب جاري في البنك الاهلي عشان شبهة الربا دي الحاجه الوحيدة في القرآن اللي ربنا اعلن الحرب بنفسه على اللي بيعملوها
بيديك Debit card بسحب منه من حسابي
يعني تحط فيه الف الفين يكفوك مدة للشراء من اي محل في اي حته
وتسحب منه من الاف المكن ATM في كل مكان

بعد كده رحت عملت Ahly debit internet card
بترمي فيه 500 جنيه او اكتر على حسب احتياجاتك وفاتورتك الشهرية من الموبايل او فاتورة تليفون البيت الخ او اي حاجه تشتريها من بره
ميزة الاهلي انترنت كارد انه ماستر مش فيزا
يعني ينفع على امازون واي موقع اجنبي لان كنت عامل بتاع بنك مصر وكان فيه مواقع مش راضي يشتري منها
بتبقى مستريح انه لو حتى الموقع اللي اشتريت منه سرب البيانات لاي سبب اللي حيروح هو شوية الفلوس اللي فيه مش كل ال ATM card

البنك الاهلي رخم عليا ومكانش راضي يطلعها (فرع الرحاب)
رحت عامل شكوى على الانترنت اترد عليا في خلال كام يوم من مدير خدمة العملاء وقالي تيجي في وقت تطلعها فورا
بس رخامة طلعوا لي عليها الاهلي شباب (غصب واقتدار) بس مبعملش فيها حاجه

احلى حاجه اني طلبت ال Internet bank مجانا
وكل كام يوم ادخل اشوف الحساب بتاع البطاقتين اخبارهم ايه عشان تطمن

-

الموضوع: مساعدة فى البنوك

LinkBack

أدوات الموضوع

عرض

مساعدة فى البنوك - انشر الموضوع فى :

-

-

-

-

-

-

المواضيع المتشابهه

البنوك وسنينها

جوائز البنوك

هيا اغلاق البنوك بيؤثر على عوائد الودائع فى البنوك؟؟

البنوك الاسلاميه في مصر ...

نصاحة البنوك

الكلمات الدلالية لهذا الموضوع

المفضلات

المفضلات

ضوابط المشاركة