حد عنده فكرة الاقى فين العوامة بتاعة Ibiza 98 مش لاقيها جديدة بيقولو فى فى شارع دمشق الكلام ده صح ؟!؟!
عرض للطباعة
حد عنده فكرة الاقى فين العوامة بتاعة Ibiza 98 مش لاقيها جديدة بيقولو فى فى شارع دمشق الكلام ده صح ؟!؟!
ممكن فعلا وسأل عند أشرف الشهابى هناك
ليه عايز تجيب عوامة ؟؟؟
عشان قراءة الموشر مش مظبوطة ؟؟
3/4 القسم هنا بيشتكي من نفس المشكلة
بس احنا بنبحث فيها وان شاء الله هنشوفلها علاج
حابب تستني معانا - اوك
مستعجل - اما تجيبها استيراد (ودة حل اسهل) او تجيبها جديد (واعتقد مش هتلاقيها ولو لاقيتها هتعدي معاك ال800 جنيه لأنها بتتباع بالطرمبة )
تحياتي
عملت ايه اقتها ولا لسى
موجوده ف الحرفيين ب450ل500بطلمبه وجديده هى هى بتاعت البولو بس صينى ب600ج الكلام ده كان قبل ارتفاع الدولار
عموماً هي استيراد ب350 بالطرمبة بتاعتها في الحرفين
مش لازم تكون هي السبب في ان المؤشر مش شغال
ممكن يكون السبب :-
1- الشريحة بتاعت العوامة او اللماسات اللي بتتحرك عليها
2- كلبساتها داخل التانك و دي ممكن تكون مخلوعه او مهربه او سكلة مقطوعه
3- فيشتها الرئيسية اللي بتوصلها هي و الطلمبة ... ممكن تكون معلقه او سلكتها مقطوعه او مش نضيفه
4- ممكن ضفيرة الطلمبة من العدادات لحد الطلمبة فيها مشكلة او سلكة مقطوعه في اي مكان
5- ممكن العدادات نفسها
عشان تقلل الاحتمالات و الأسباب هتفك فيشة الطلمبة و هتيجي علي الطرفين اللي بيوصلو للعوامة (بس تأكد جيدا منهم عشان متعملش مشكلة و تسيح الضفيرة .. لأنك لو غلطت و قفلت الطرفيين التانيين بتوع الطلمبة هتسيح السلوك و ممكن تولع فخلي بالك كويس جدا جدا ) و هتقفلهم في بعض و تفتح كونتاكت لو لقيت المؤشر رفع للأخر يبقي الفيشة و العدادات و الضفيرة زي الفل و العيب تحت في العوامة نفسها او اسلاكها داخل التانك او الشريحة او لماساتها