بصراحه فيه حل احسن من ده كله
لو انت ليك اى حد من قرايبك ساكن فى النزهه خده معاك واعمل بطاقه ليك على عنوانه وهوه يجى معاك السجل المدنى يمضى والموضوع ده صالح لحد تقريبا اقارب الدرجه الرابعه وبالتوفيق
عرض للطباعة
بصراحه فيه حل احسن من ده كله
لو انت ليك اى حد من قرايبك ساكن فى النزهه خده معاك واعمل بطاقه ليك على عنوانه وهوه يجى معاك السجل المدنى يمضى والموضوع ده صالح لحد تقريبا اقارب الدرجه الرابعه وبالتوفيق
الاخوه وفوا وكفوا
بس انا هروح اتجاه تاني مدام انت مش حابب مرور السلام وعربيتك نزهه
شوف صديق او قريب ساكن فى النزهه يعملك عقد ايجار ويعمل صحة توقيع فى الشهر العقاري
واطلع اعمل بطاقة مستعجل تاني يوم او فى نفس اليوم لو دفعت تستلمها
وخلى عربيتك نزهه وانقل ملكية وخلاص :)
انا زيك بالظبط العربية كانت مرور النزهة و حولتها السلام امبارح للاسف و انا بتحسر على نفسى و العربية من اللى شوفته فى فرق بين النزهة و السلام
هقولك بالتفصيل على الاجراءات
بص يا سيدى انا سجلت فى شهر عقارى بتاع مرور مصر الجديدة ده من ساعة ما اشتريتها من سنة و كانت المصاريف حوالى 1140 جنية برده الينترا 2007 اعتقد مش لازم تروح الشهر العقارى اللى انت تبعه الا اذا غيرو الاجراءات
يوم الاربع اللى فات روحت مرور النزهة جبت شهادة مخالفات و دى سهله ماخدتش ربع ساعة بتجيب ورقه مخالفات من شباك التصوير و تسلمها فى اخر شباك مع الرخصة و هو بيكتب البيانات و بيختمها و تاخدها تطلع بيها فوق تسلمها و بيطلعك الشهادة و تدفع المخالفات فوق
يوم الخميس طلعت على مرور السلام و متحاولش تقف لحد يقولك اعملك اى حاجة لانهم كلهم نصابين حتى لو عملك حاجتك هينصب عليك فى الضريبة المهم تجيب ورق الفحص ب15 جنية و تروح على الفحص هياخد بصمة العربية و يكتبلك على ضهرها زى جواب كده موجه لمرور النزهة تقوم رايح على مرور النزهة و تروح لشباك البيانات ده اخر شباك على الشمال لما تدخل هتلاقى موظف قاعد جوة اسمه عبد الرحمن تديله الرخصة و وورقة الفحص هيطلع ملف العربية و يفضل يطابق فى البصمة لحد ما انت تزهقله و يختمهالك و تختمها من رئيس المباحث بعد كده و ترجع تانى مرور السلام و تطلع على رئيس المباحث فى الدور التانى يختملك على الجواب ده و تنزل تكمل فحصك عادى و تجيب ملف نقل ملكية ب6 جنية و نص و تصور بطاقتك مرتين و رخصتك مرتين و تعمل التامين الاجبارى انا عملتة تبع مصر للتامين و السنة ب128 جنيه و تروح على شباك التجديد يحددلك الضريبة كانت باين 275 للسنة وتدفع هتروح عند شباك النمر تمضى على اللوحات و مش هتغيرها و ترجع تانى لشباك التجديد يراجعو الملف و تستنى عند التنده تاخد تصريح ب6 شهور
يبقى هتاخد معاك اصل عقد البيع و صور الرخصة مرتين و البطاقة مرتين و هتشترى ملف نقل ملكية وورق الفحص و تعمل التامين الاجبارى باسمك و لو فى اى استفسار انا تحت امرك