Gen2 accessories are excellent and they do not need any kind of repair
مين قال لحضرتك إن كماليات الجين 2 بتبوظ و بتحتاج تصليح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بجد أنا مستغرب
كل يوم نسمع كلام شكل ...
بُص الخلاصة العربية معايا بقالها 10 أشهر اﻵن
و لم أعاني من أي شئ إطلاقا
بل على العكس
أداء من المحرك و العفشة و لا أروع
و أداء الكماليات ...................................... ممتاز و أكثر من ممتاز
و مع صديق لي ........... السيارة معه منذ أكثر من 3 أعوام اﻵن و أكثر من 85 ألف كم
و لم يصلح فيها شئ غير الصيانات الدورية للمحرك من تغيير زيت و تغيير تيل فرامل مرة من قبل و تغيير كاوتش ........... فقط لا غير
و ده كان لتصحيح المعلومة بتاعة جودة الكماليات الغلط
بالنسبة بقى للمقارنة بتاعة حضرتك
دي مميزات الجين 2 و عيوبها
ثبات و إتزان و تحكم على الطريق .......... رهيب رهيب رهيب رهيب
و لا أروع و لا أجمل في الثبات و الإتزان
تسارع المحرك بعد سرعة 60 إلى سرعة 180 ............ رائع
إستجابته عالية جدا و بمجرد لمسة دواسة البنزين
العربية بتلقط و تطير زي الصاروخ
الفرامل ممتازة و رائعة من نوعية ABS , EBD
الكماليات ( جودتها رائعة )
تكييف ممتاز
مرايات كهرباء
كاسيت سي دي بلاوبنكت ألماني ( أسطوانات صوت فقط )
4 سماعات بلاوبونكت
2 وسادة هوائية للسائق و الراكب الأمامي
صاج قوي و يتحمل الصدمات الخفيفة و الزلط على الطريق الدائري
4 زجاج كهرباء
شنطة واسعة
4 مصابيح شبورة ..... أثنين في الخلف و أثنين في الأمام
انذار
المحرك يتم إغلاقه و لا يعمل إلا بمفتاح متكود معه للحماية من السرقة
إغلاق الأبواب مركزيا و بالريموت
الأبواب الخلفية بها حماية لعدم الفتح ( لحماية الأطفال )
الدريسكيون به أزرار للتحكم في الكاسيت
الدريكسيون قابل للتعلية و التخفيض حسب حجم و طول السائق
جنوط أسبور و كاوتش عريض مقاس 15 للثبات و
العربية إستهلاكها للبنزين على الطرق السريعة ممتاز جدا و في داخل البلد جيد جدا
مرفق مع السيارة شنطة بلاستيكية بها بعض القطع كعدة مثل المفكات و مفاتيح فك الصواميل
بالإضافة للكوريك و الكاوتش الأحتياطي اللي مش نفس المقاس الأصلي و هو للإستخدام في الطوارئ فقط
شكل الجين 2 .......... لم يختلف عليه أثنان .......... من أجمل السيارات الموجودة في السوق المصري
عيوب السيارة
لا يوجد أماكن تخزين كثيرة في المقصورة حيث أنه لا يوجد في التابلوه إلا رف بدل من مكان التخزين المعتاد في التابلوه
و لكن صندوق تخزين ما بين الكرسيين الأماميين
ظهرت مع بعض الناس عيوب تقفيل بسيطة
مثل زرار لا يعمل لأن سلكه فالت و مش راكب ( عيوب من تلك النوعية )
و بالنسبة للانسر
أنتظري أحد ملاك السيارة ليشرح لكي مميزات و عيوب السيارة و في النهاية الأختيار سيكون بعد موازنة عيوب و مميزات السيارتين و مقارنتهم بالأحتياج من السيارة
-------------
أحب أقول حاجة
لو سواقة دائما داخل المدينة ........... يبقى 1300 مناسب قوي و لا داعي لسيارة قوية و محرك قوي ما دمنا لن نستخدم قوته كثيرا و بالتالي سنوفر في استهلاك البنزين
و أنا شايف إن فيه عدم أرتياح نفسي من ناحية الجين 2
و لو عدم الأرتياح ده ما رحش و أستمر حتى مع الأعجاب بالسيارة
يبقى أتكلي على الله و هاتي اللي ترتاحيله نفسيا علشان ترتاحي مستقبليا
لأن اللي بيشتري حاجة و هو مش مرتاح نفسيا ليها
هايطلعلها القطط الفاطسة و الميتة و يرمي ودنه مع كل صوت و كل زلطة في الطريق و هاتبقى حياته مش معقولة
ياريت ممكن تكون المواضيع و الردود باللغة العربية إذا أمكن و لكم مني جزيل الشكر و تحياتي الحارة
أحب أضيف
قطع غيار اللانسر متوفرة بكثرة نظرا لإنتشار السيارة و فيها تنوع ممتاز من أصلي و تايواني و صيني و أنواع مختلفة بأسعار مختلفة
و قطع غيار الجين2 متوفرة و لكنها كلها أصلية مما يقلل التنوع في تواجد قطع الغيار و يترك لصاحب السيارة أختيار واحد فقط
و هو شراء قطع غيار أصلية بأسعار الأصلي طبعا
أما اللانسر اللي معاه بيشتري الأصلي و اللي مزنوق شوية يجيب التايواني لغاية ما ربنا يفرجها و دي طبعا ميزة
المفضلات