تحذير من محطات بنزين التعاون

**eng.m7md.ali** · 20-06-2013 09:21 PM

النهاردة كنت في المطار بوصل اخويا الصغير عشان مسافر

المهم اول واطلعت بالعربية من البيت لقيت لمبة البنزين نورت قولت خلاص احط بنزين من اي بنزينة تقابلني خصوصا ان احنا كنا متأخرين

وصلت المطار لقيت البنزينة عليها زحمة قولت خلاص اوصله المبنى ويركب الطيارة وبعد كدة اجي اقف شوية افول العربية مش مشكلة

المهم وصلته ورجعت على البنزينة وقفت في طبور طويل شوية ووصلت للمكنة وحطيت البنزين وعيني على العداد .. وقال ايه ياخويا العربية خدت 65 لتر !!!

فضلت متنح شوية لحد مالواد بتاع النزينة بيقولي الحساب ياباشا 120 كنيه

قولتله 120 كنيه ايه استنى بس على جنب كدة خليني اركز

رجعت قولتله هيا العربية خدت كام لتر؟ قالي حوالي 65 لتر

قولتله انتو بتشتغلوني ولا ايه يا حبايبي؟

قالي ليه ياباشا ايه اللي حصل

قولتله اصلاً العربية دي التانك بتاعها 60 لتر .. ازاااااااااااي خدت 65 لتر؟

قالي مانا صفرت العداد وعملت معرفش ايه وايه وايه قولتلي بقولك ايه انا مش هدفع اكتر من 50 لتر وهيا كدة بقى قفلت

مدير المحطة سمعني وانا بزعق قالي في ايه ياباشا قولتلو انتو اللي في ايه انا عربيتي 60 لتر ازاي تاخد 65 لتر اصلاً؟

قالي لا يمكن في غلطة في العربية ازاي 60 لتر بس . قولتله انت فاكرها شيروكي ياعم انا عارف عربيتي كويس هيا 60 لتر

صوتنا علي على بعض والناس كانت هتتجمع وفضلت اهلل واقول انتو نصبين لحد مالراجل قالي طب ياباشا تعالي بس المكتب ونتفاهم

المهم جبتله كتالوج العربية وكان معايا وريته ان العربية التانك بتاعها 60 لتر مش اكتر من كدة

قولتله انا العربية اصلاً كان فيها بنزين واللمبة بتنور لو فاضل فيها 15 لتر يعني قول بالكتير اوي فيها 10 لتر بعد مامشيت بيها

قالي ماهو المكنة سليمة والمشكلة في العربية والكتالوج ده ممكن يكون مش صح

قولتله ياعم انت هتجنني؟ هيا شيروكي عشان يبقى التانك بتاعها اكبر من كدة؟

المهم من هنا لهنا قولتله انا مش هدفع اكتر من 92 جنيه اللي هما 50 لتر بس ومتحلمش اني ادفع اكتر من كدة

قالي خلاص اللي تشوفه

دفعت الفلوس ومشيت وحسبنت عليهم وعلى اللي مشغلهم ومفيش اي رقابة

المهم دلوقتي عايز اقدم شكوى في البنزينة دي ياترى ازاي؟

تاني حاجة لو حد شك في الكمية اللي العربية خادتهم ومقتنعش يبقى يزعق ويعلي صوته عشان ده اسمه استهباااال والله

**sayed911** · 20-06-2013 10:05 PM

العداد كان ديجيتال ولا عادي بكرة ؟

**amz2011** · 20-06-2013 11:01 PM

متابع

**mhkorayem** · 20-06-2013 11:21 PM

حصل معايا الموقف ده في بنزينه موبيل (on the run) اللي على الدائري قبل نزله طريق السويس
ولأول مره العربيه احطلها بنزين بـ 90 جنيه من ساعه ما اشتريت العربيه من 5 سنين وماكنتش لمبه البنزين نورت اصلاً
مع العلم ان انا بفول كتير جداً بعد ما لمبه البنزين بتنور وعمرها ما عدت 78 جنيه باي شكل من الاشكال
حسبنا الله ونعم الوكيل في كل انسان معندهوش ضمير ويارب انتقم منهم شر انتقام

**M I D O** · 20-06-2013 11:25 PM

حبيب قلبي جدع انك مسبتش حقك نفس البنزينة الهباب دي كنت واخد عربية والدي ورايح افول عندنا في طنطا وكانت لمبة البنزين منورة برضو وهية بتنور علي 15 لتر ويادوب لسة منورة قلت افولها بيقلي العربية اخدت 56 لتر قلتلة نعم فين العداد وكان عادي بكر علي فكرة بيقلي اهو يا باشا 56 لتر قلتلة باللفظ واسف اح* انت شايفني راكن الفيل علي اول الشارع ازا كانت العربية اصلا كلها علي بعضها تنكها 54 لتر وفيها حوالي 15 لتر قول ياعم 10 يعني بالكتير تاخد 44 لتر بيقلي يعني احنا نصابين ولا اية قلتلة والله الي علي راسة بطحة بيحسس عليها بيقلي خلص يا كابتن ادفع عشان الي وراك قلتلة انا مش كابتن ومش دافع هاتلي مدير المحطة وجالي بيقلي العداد حقيقي قلتلة لا مش حقيقي سبحان الله وقتها واحد جة قال ايوة انتو حرامية وحصلت فيا نفس الحركة المرة الي فاتت والناس بدئت تتلم قالي خلاص ادفع الي تدفعة قلتلة بص 44 لتر * 90 قرش يبقي 39 جنية و 60 قرش خد 40 جنية اهو ومش دافع بقشيش عشان انتو برضو كدة سارقني وانا هفوتها بمزاجي ومشيت

**benmatar** · 21-06-2013 04:29 AM

الطرمبات بتتفك ويتلعب فيها ومفيش لا رقابة ولا تفتيش ولا دياولو
الشكوى في حماية المستهلك او في الشركة نفسها التابعة لها

**aldesha989** · 21-06-2013 04:43 AM

علشان كده مش بحب ادخلها بس بدخلها غصب عنى لان تقريبآ مافيش الا هى وبتاعت مصر للبترول فى اسكندريه الباقى قليل اوى بس العدادت اللى عندنا ديجتال ما اعرفش بيتلعب فيها ولا لا

التعاون حراميه ومصر للبترول بيحطو مايه على البنزين يا حلاوه

احنا نفول من البحر احسن بقى :d

**eng.m7md.ali** · 21-06-2013 04:30 PM

العداد كان ديجيتال يااخونا

المشكلة في البنزينات دي ان فيهم كام واحدة بنزينها بيعفرت العربية زي بتاعت المطار وبتاعت هيليوبلس وبتاعت ميدان روكسي

هل ينفع اقدم الشكوى على النت ولا لازم اروحلهم المقر بتاعهم؟

**sayed911** · 21-06-2013 06:29 PM

انا مستحيل اثق في طرمبة عداداها بكرة ! ولكن انتا بتقولي ديجيتال فده اعتقد صعب جدا اللعب فيه والخدعة غالبا غالبا بتكون معمولة في انه مصفرش العداد وده والله اعلم او انه كان مصفره ولكنها بعد ما اتملت حطر في الفايظ بس دي بعيدة والإحتمال الأول اقوى بكثير

الموضوع: تحذير من محطات بنزين التعاون

LinkBack

أدوات الموضوع

عرض

تحذير من محطات بنزين التعاون - انشر الموضوع فى :

-

-

-

-

-

-

-

المواضيع المتشابهه

تحذير من محطة التعاون بالقصر العيني

تحذير واجب من محطة بنزين التعاون أسفل كوبري الدقي

تحذير من محطات موبيل!!

الكلمات الدلالية لهذا الموضوع

المفضلات

المفضلات

ضوابط المشاركة