الموضوع: العربية عطلت مني انهارده ودرس مستفاد لعدم التكرار مع اي شخص تاني

يا جماعه طب ماهو n يعنى مور يعنى مافيش حركه هاتوصل للطرمبه
ولا انا غلطان
ياريت تفهمونى بعد اذنكم

المشاركة الأصلية كتبت بواسطة land_cruiser

احب أضيف نقطه برضه مهمه و هي ان حضرتك تخللي معاك رقم ونش إنقاذ تبع بنزينه معروفه او حد اتعاملت معاه قبل كده لان ده بينفع قوي في المواقف اللي زي دي خاصه لو كانت العربيه اتوماتيك او جر رباعي و انصح ان محدش يستخدم الارقام اللي بتبقي مكتوبه علي الجدران و علي الأسوار في المحور و غيره لأني سمعت تحذير ان الارقام دي ممكن تكون بتاعه لصوص سيارات حضرتك تكلمهم علي انهم ونش إنقاذ فيأتوا إليك لما تكلمهم لكن علشان يسرقوا العربيه و لذلك خللي معاك رقم حد مضمون للطوارئ اللي زي كده و ربنا يكفينا و إياكم شر الطريق

الحمد لله انا لعرف اجيب ونش مضمون في 6 اكتوبر بس مكنتش عايز اتصل بيه الأول قولت يمكن اعرف ادورها

المشاركة الأصلية كتبت بواسطة m i d o

هههههههههههههههه والله العظيم الناس دي بتستهبل معلش يا باشا قد الله وما شاء فعل كويس ان حضرتك بخير ودة المهم و الحمد لله انك مكانش معاك حد من البيت كانت هتبقي مشكلة

عندك حق والله لو كنت على طريق الواحات بالليل كنت اتبهدلت

المشاركة الأصلية كتبت بواسطة aboamina

اهم معلومة عرفتها ان الاتوماتيك المفروض مايتقطرش

ديه حقيقه

المشاركة الأصلية كتبت بواسطة hossam_elwani

ياجماعه القطر ده يبقى للشديد القوى بس لانه مع الشد والجذب بيغير ابعاد العربيه وممكن تحتاج زرجينه بعد كده لا قدر الله

معرفش فيه بس العربيه فيها مكان مصمم لكده بتركب ويتشال عادي

المشاركة الأصلية كتبت بواسطة janagabr

ضحك السنين
كتر خيره المهندس حسن وسلملي علي اسطي الاستقبال
جزاك الله كل خير علي الافادة

والله صدقت

المشاركة الأصلية كتبت بواسطة janagabr

طاب هو ايه المشكلة ان العربية تتقطر طالما لفتيس علي n

المشكله ان دورة الزيت في الفتيس المانيوال تعتمد على حركة التروس بمعني لو التروس دارت الزيت يتقلب
لكن في الاوتوماتيك الحركه تعتمد على طلمبه لتقليب الزيت يعني من غير الطلمبه الزيت ميتقلبش في الفتيس

المشاركة الأصلية كتبت بواسطة aldesha989

ياعم 150 الف ايه بس انتا بتهزر ده لسه بحاله الفبريكه حرام عليك يا اخى مش حاسس ان الفلتر لسه جديد ورايح تغير يا جدع كمل بيه ربع مليون كيلو ولا حاجه ههههههههههههههههههههههههه ههههههههههههههه

وكمان البوجيهات 70 الف والله كتر خيرهم ياعم

بسم الله ما شاء الله
انا مغيرتوش اوعى تفهمني غلط ده هما اللي عايزين وانا قولت لأ لسه شويه
بس البوجيهات انا قررت اغيرها فعلا بعد ما تعمل 100 الف ههههههه
مفيش حاجه فيها بركة الحاجات مبقتش تعمر ههههههه

المشاركة الأصلية كتبت بواسطة eng_mostafa_89

ونسيت تكتب حاجة تانى مفيد لازم تخلى معاك فى العربية وير علشان القطر

ممكن بس صعب يعني عربيه زيرو تتقطر

المشاركة الأصلية كتبت بواسطة leitosr

في الأوتوماتيك علي حد علمي حتي مع ال n بيفضل فيه حركة داخل الفتيس أو تروس متعشقة وهتلف مع حركة العربية.
ودا هيضرها أو هيضر بالهيدروليك,
علي عكس لما تمور في المانيوال, الفتيس بيبقي حر وكل التروس والغيارات حرة.

في أي كتالوج عربية أوتوماتيك, هتلاقي مكتوب معلومة أنك ممكن تقطر العربية الأوتو لمسافة لا تتعدي ال 60 كيلو, وبسرعة لا تتعدي 50 أو 60 كيلو متر في الساعة برضه.
وأكتر من 60 كيلو مشي أو سرعة هيضر بالفتيس ويبقي أفضل لو ترفعها علي ونش.

الكتالوج بيقول متتقطرش بس هرجع اراجع تاني واقولك بس اللي خلاني أأقطرها ان المركز يبعد حوالي من 3 الي 5 كيلو بس

المشاركة الأصلية كتبت بواسطة hossam_elwani

ياجماعه القطر ده يبقى للشديد القوى بس لانه مع الشد والجذب بيغير ابعاد العربيه وممكن تحتاج زرجينه بعد كده لا قدر الله

بصراحه انا كان قلبي بيتقطع وهو بيشد بس ما باليد حيله

المشاركة الأصلية كتبت بواسطة LeitoSR

معاه لانوس وقطرها,
والقطر كان فيه شد وجذب..
ولف عند الصنايعية كلها و"غير عفشه وقواعد وخلافه".!
الاخر اتضح ان ابعاد العربيه اتغيرت بيبقى بالملى وده بيفرق كتير.


ياعم هوا انت بتكلمنا علي عربية لعبة ولا ورق.؟؟!
مفيش الكلام دا, ولا بيحصل,,

كل العربيات بتتقطر, جديدة وقديمة, غالية ورخيصة من المرسيدس للماروتي..
وهما ماشين بيحصل شد وجذب أه بس مع الواير.
بس مبيحصلش الكلام اللي أنت بتقوله ولا عمرنا سمعنا عنه.!!

لأن العربية بتتشد من الشاسية,مش من الكورسلية,
انا قطرت 128 قبل كدة كسرت الستارة اللى تحت الاكصدام (فكت من الشاسية)
يعني مالهاش أي دعوة لا بأبعاد العربية ولا العفشة.


لو الأخ اللي بتتكلم عليه دا قال كدا, يبقي عنده مشكله تانية في عربيته, وبسبب حاجة غير قطر العربية ودي حالة شاذة.
فا متفترضش أنت أنها بسبب القطر, لأن مفيش الكلام دا ولا بيحصل لأنها مش عربيات ورق ولا عمرنا ما سمعنا عن عربية بتتقطر بيحصل لها اللي بتقول عليه دا.

مش فاهم أنت بتبرر لنفسك أزاي.!