الموضوع: طريقه لصق الكاربون على السيارات

المشاركة الأصلية كتبت بواسطة وائل شويخ2

السلام عليكم

كلنا تعبننا من الاسعار المبالغ فيها

من قبل صنايعيه تركيب الفاميه والكاربون يعنى ملا يفيم العربيه كلها ب 100 جنيه

ليييييييييييييييييييييييي يييييييييه

ده فرخ الفاميه كله ب 10 جنيه

وكذلك الكاربون المتر منه ب 15 جنيه

وتسمع اسعار ياأخى تقول هيجيب الديك من ديله

المهم

اليوم هنتعرف اذاى نركب الكاربون والفاميه

__________________________

لزق السقف

المتطلبات :

1- قطر

2- بخاخه ميه وبداخلها ميام ممزوجه ببعض من الصابون السايل الخفيف

3- أستيكه كما يسميها الصنايعيه او هى قطعه صفراء بحجم ثلاثه اصابع مثلا بتيجى مع علبه الفاميه

4- وطبعا الكاربون المراد لذقه حسب المساحه

5- سيشوار
_________________________

أولا - يتم تنظيف المكان المراد لزقه جيدا جدا والوقوف فى مكان يكون غير مترب كالجراش مثلا

تضع الكاربون على وجهه على الكابوت ويكون معاك مساعد يساعدك

وفى يدك بخاخه الماء

تبدا بسحب الوجه الاخر للكاربون حتى يظهر لك بداياته تبدا برش كل قطعه تظهر بالماء

غرق براحتك ولا يهمك

وده هو سر الصنعه علشان ميلقطش تراب ولا يلزق فى بعضه

____________________________

سيب الكاربون فى مكابه سايح فى ميته

وابتدى نضف السقف تانى وغرقه ميه

تبدى انت وزميلك بقلب الكاربون على السقف

شقلبه يعنى

(( ايه ياعم احنا مش فاهمين حاجه ايه العيل الرخم ده )))

نقول تانى انت كنت سايب الكاربون مقلوب على وشه وشايل الوش الابيض وسايبه غرقان ميه

تقوم تشقلبه بالعقل أنت ووزميلك بالراحه كده على السقف وتكون محمى السقف ميه

____________________________

كده عدى السهل ندخل فى الصعب والمهاره بتبتدى من هنا

تبدى تمسك القطعه الصفراء ( الاستيكه ) وتبتدى تسحب الميه من النصف حتى الاطراف

بالعقل وبالراحه

قابيلك أى رملايه تحت اللزق أرفع الكاربون وشيلها

لأنها كفيله بقطع الكاربون

زميلك يمسك السيشوار ويمشى وراك يزلل اى حته معسلجه يسيحها على السقف

_______________________________

نجلص ركن ركن من اركان السقف مش كله مره واحده

علشان السقف ميبهوئش منك

فاكر القطر بتقطع بيه اى زيادات من الكاربون

___________________

ملاحظات مهمه جدا

1 - لازم تنشف الميه جيدا جدا منعا لاى برومه تظهر وبعدين تدعى عليا

2- لا تحاول شيل الكاربون لما تحاول تشيله من غير تسخينه بالسيشوار

وبعدين ممكن يشيل بعض من البويه واكون انا السبب

انا مش مسؤل عن كده

لازم تستخدم السيشوار فى شيل الكاربون

وكده تمام والحمد لله

تسلم ايديك عالموضوع الجميل.....
متميز كالعادة

تحياتي

Sent from my tab using Forum Runner