الموضوع: لغيت الدفايه والحمد لله

المشاركة الأصلية كتبت بواسطة amoor89

والله ما اقدرش افتى واقولك سعر بس غالبا الكومبروسر الاستيراد لاغلب الماركات بيتراوح ما بين 300 الى 500 حسب النوع والماركة يعنى انا عندى ب300 جنيه بختبره بانى بلف الطارة بتاعته واحط صباعى على الفتحات اللى بيركب فيها المواسير واشوف قوة الشفط والطرد بتاعته لو بيشفط صباعك جامد وانت بتلف الطارة وبتحس بقوة طرد وصباعك على الفتحة التانية يبقى تمام بس ده اختبار مبدأى لكبسه لكن بقى لو فيه بلى خشن صوت كده مش هتقدر تعرفه غير لما تركبه وتشحن ولازم تفاكيم الدورة كويس الاول وبعدين انت بتتفق مع التاجر على اسبوع تجربه لو فيه حاجة بترجعه تانى
يارب اكون قدرت افيدك

+111111
و في كمان حاجه انك لمل تيجي تحط صابعك على الفتحات تسد بصابعك كويس اوي وتلف الطاره بتاعته وبعدين تستنى شويه متشيلش ايدك على طول استنى شويه وبعدين شيل صابعك وشوف الضغط الكباس فضل محافظ عليه ولا هرب عشان تختبر الكباس بيحجم كويس ولا لا عشان في كباسات لما تيجي تختبرها كده وتشيل صابعك على طول بعد اما تلف الطاره تلاقي كبسه حلو بس لو استنيت شويه وشلت صابعك هتلاقيه ضعف وده معناه انه مش بيحجم وهتلاقيه مش بيسقع وانت واقف.....

المشاركة الأصلية كتبت بواسطة aldesha989

جزاك الله كل خير

انا هنزل كمان شويه انضف التلاجه لانى بحب اشتغل بأيدى
يمكن تفرق شويه
وبعدين ان شاء الله لما ربنا يفرجها هروح لبتاع تكيف يفضيلى الشحنه ويعمل فاكيوم ويحط زيت وفريون ان شاء الله ويارب ما تطلع كمبروسيسور علشان فعلآ مش مستحمل مصاريف على التكيف تانى انا مش بيئس بس ما بحبش اصرف على حاجه واحده كتير وانا عندى لسه حاجات غيرها يتصرف عليها

والف شكر ياريس وربنا يفرجها عليك انتا كمان وتحل المشكلة اللى عندك

مش عارف يا باشا انت فاكرني ولا لا بس انا بكرر وبقولك تاني اني مشكلتي كانت هيا هيا مشكلتك وفعلا والله حلك كباس جديد انا والله مش عايز احبطك انا بقولك عشان متتعذبش زي على الفاضي وتعشم نفسك وهي المشكله اصلا في الكباس .......

المشاركة الأصلية كتبت بواسطة aldesha989

انا جالى احباط يا معلمى

انا مضيع تلات شحنات تكيف ومغير ماسوره تكيف ب100 جنيه كبس

وسربنتينه وفلتر فريون

يعنى خلاص هترسى على الكباس

طب هل لو غيرت الكباس هيدينى اداء عالى ولا برضه مش هحس بفرق انا ابتديت انسى التكيف لما يكون وكيس بيبقى عامل ازاى

طب شوف ردى الاخير وقولى وكمان حاجه لو هجيب كباس جديد هجيبه استعمال ولا جديد وسعر ده وسعر ده واجيب كباس عربيه ايه وهل فى تعديلات فى اللواكير او القاعده بتاعته هل ممكن يكون العيب فى التلاجه نفسها ؟ افتح التلاجه وابص جواها ؟

انا قررت انى هفك التلاجه الصبح ان شاء الله بس من غير ما افك الخراطيم علشان اشوف عايزه نضافه ولا لا وهل التلاجه كافيه ولا لازم التابلوه كله يتفك ؟

وايه مصدر الهواء ده حاولت ابص على مصدر فى البلاور قولت يمكن مكسور ولا حاجه ما عرفتش انا احبطت بجد انا صرفت على التكيف اكتر ما صرفت على العربيه ومش عارف اخلص ولسه والله المفروض عايز جوز كبالن واربع فرد كاوتش وتجديد رخصه ونقل ملكيه علشان اعرف اسافر بيها انا لحد دلوقتى محبوس بيها فى اسكندريه وكان الواحد نفسه يطلع يسافر اى حته وخايف منها والتكيف عاملى ازمه نفسيه جامده

كده المشكله حلها منحصر بين الكباس او التلاجه الداخليه وطبعا مسار الخراطيم فى الطابلوه ومدى عزلهم

الكباس تشتريه جدبد وتقريبا حيعمل 1000 يابانى سندان تقريبا

استعمال واحد خبره هو الى يشتريه معاك ويطلع من عربيه يابانى قدام عينك

وياسلام لو تجيب كباس استعمال طالع من ميكروباص بشرط ان الموتور عندك يكون شديد ومش بيكن مع ضغط الكباس وحتعدل قواعد بس لازم تتعمل صح عشان متتكسرش مع العزم

انا كان عندى مرسيدس زمان تمساحه وموضوع التكييف ده قرفنى بجد وجبت كباس ميكروباص وعدلت القواعد متسوبيشى وبجد مش التكييف طلع تلاجه لالالالالالالا طلع فريزر بجد بس المكنه كانت 2800 سى سى


اما التلاجه فحلها اولا فكها وتنظيفها وعزلها بشكل جيد بالسفنج لو تغيرها

المشاركة الأصلية كتبت بواسطة amoor89

والله ما اقدرش افتى واقولك سعر بس غالبا الكومبروسر الاستيراد لاغلب الماركات بيتراوح ما بين 300 الى 500 حسب النوع والماركة يعنى انا عندى ب300 جنيه بختبره بانى بلف الطارة بتاعته واحط صباعى على الفتحات اللى بيركب فيها المواسير واشوف قوة الشفط والطرد بتاعته لو بيشفط صباعك جامد وانت بتلف الطارة وبتحس بقوة طرد وصباعك على الفتحة التانية يبقى تمام بس ده اختبار مبدأى لكبسه لكن بقى لو فيه بلى خشن صوت كده مش هتقدر تعرفه غير لما تركبه وتشحن ولازم تفاكيم الدورة كويس الاول وبعدين انت بتتفق مع التاجر على اسبوع تجربه لو فيه حاجة بترجعه تانى
يارب اكون قدرت افيدك

لازم واحد خبره وامين يكون معاه غير كده الاختبارات دى مش حيعرف يعملها الا لما يتعلم بفلوس ويغلط فى الاختيار اكتر من مره