الموضوع: لغيت الدفايه والحمد لله

السلام عليكم ورحمة الله وبركاتة

طقت فى دماغى امبارح بليل انى الغى الدفايه وخصوصآ بعد ما كنت رايح اخد اختى وجوزها الساعه 11 الصبح وفرحان انى هشغل التكيف لانى تقريبآ لسه شحنه وما جربتهوش فى الضهر

جربته بس بليل وبيكون ممتاز بس اللى لاحظته انه ممكن فى اوقات اوقات

يعنى حتى بليل اخدت بالى وانا رايح مشوار انى سقعان ما قعدتش اكتر من نص ساعه بعيد عن العربيه وانا راجع لقيته مش مدى السقعويه اللى كنت حاسسها وانا رايح

مش عارف ليه ده غير انى لما كنت بشغل المروحه بس كانت بتطلع صهد فى حين انى بكون ماشى بالعربيه مش واقف ولما شحنت التكيف وجربته امبارح فى الحر وانا رايح كان معقول اول ما ابتدت العربيه تسخن وادخل فى زحمه انا بجيب مايه ومافيش سقعويه الا لما احط ايدى بس قدامه لكن مش واصله لوشى وكمان السقعويه مش عجبانى فى ايدى حتى

بعد ما طلعنا من السونا واخدت بعضى ونمت شويه قررت انى الغى الدفايه الصبح

نزلت من ساعتين وقفلت دوره السخن على بعض خليت المساورتين زى الداريه وحطيت حته مسوره تانى برضه نص دايره على فتحات الدفايه علشان ما يدخلهاش حاجه او تراب او الاقى فيها عرسه :D

طبعآ كنت قلقان يحصل حاجه فى دورة التبريد وخصوصآ انها نزلت نص المايه اللى فى العربيه وخلصت وروحت جيبت مايه وحطيتتها تانى ودورت علشان لو كان فى هواء فى الدوره وزودت وهى دايره علشان لو فى هواء يروح وفعلآ كان فى

وبعدين شغلت التكيف وكنت عرقان كل حاجه نشفت
وبعدين فضلت مستنى العربيه تسخن وسخنت ولسه نفس البروده وبعدين قولت اطلع اجرب وهنا كانت المشكلة اللى ضايقتنى

اول حاجه التكيف بقى افضل من الاول تلاتين مره ضعف فى فرق واضح فى التسقيع

لكن وانا رايح طلعت على البحر والشمس كانت على وشى وده خلانى ما احسش بنص التكيف
وانا راجع كانت الشمس بعيده عن وشى وده خلانى حاس بالبروده

هل ده طبيعى انا حاسس انى نسيت تكيف باقى العربيات من كتر ما انا متنيل فى التكيف ده

انا اخر عربيه ركبتها الصيف اللى فات وشغلنا التكيف وكان تكيف ملهوش حل ما شاء الله

كيا اسبورتاج 2012 خليجى بتاعت واحد صحبى نازل من السعوديه

قسمآ بالله كان بيشغل التكيف على 1 ما كنت بستحمله وكنت بقول امتى انزل من العربيه بقى بروده رهيبه

انا مش عايز احس انى قاعد فى تلاجه بس مش عارف بقى موضوع الشمس ده طبيعى انها تخلينى ما احسش انى مشغل تكيف ولا مش طبيعى لانه لو طبيعى يبقى كان ماعنديش تكيف ولو مش طبيعى ايه الحلول
+
يا جماعه انا مغير سربنتينه جديده وفلتر فريون ومنضف فتحات ومنضف الفلتر بتاع التابلوه بالهواء لانى ما عرفتش اطلعه من مكانه
+
انى اول ما بشغل التكيف بلاقى التلاجه بتنزل مايه من صدر العربيه فيها بزبوز كده طالع فى صدر العربيه بينزل مايه مع سنه هواء بسيطه بينفخ هواء وينقط مايه وده بيحصل من اول ما بشغل التكيف
+
ان الماسوره بتاعت ال low ولا عمرى حطيت ايدى عليها ولقيتها متلجه درجه حرارتها عاديه جدآ زى اى درجه المنيوم ابرد سنه بسيطه اللى هى بس بتقولى انا جوايا فريون

+
انى بشوف الفريون ماشى فى الفلتر

+
اخر مره شحنها بنص كيلو الا حاجه بسيطه
+
ما عملتش فاكيوم
+
الكتالوج بيقول فريون 12 وانا شاحن 134 هتفرق فى حاجه ؟ انا عارف انه المفروض انه البديل بس سمعت انه ما ينفعش ومش عارف


ايه الحلول بالله عليكم وهل فى امل انى احس بالتكيف زى باقى الناس ولا هتفضل مبهدلانى كده على طول انا تعبت من الموضوع ده وخايف اطلع مشوار جامد فى الشمس تانى بصراحه بيها