هل آن الاوان لنودع اموالنا بالدولار ؟؟؟

**dede_dodo88** · 22-06-2013 11:35 PM

الفايدة على العملات في البنوك تكاد لا تذكر.. بس الفكرة في قيمة العملة نفسها و قوتها الشرائية..
يعني يا فرحتي مثلاً لما البنك يديك فايدة على الجنيه 20% و هو قيمته عمالة تنزل بـ50% فساعتها تاخد الجنيهات دي تلعب بيها في بنك الحظ أحسن..
ده البنك المركزي لو وارب الباب بس شوية في موضوع بيع العملات ده أنت هتلاقي الجنيه ده أنقرض و هنتحول للتعامل بعملة بديلة لها قوة شرائية أكبر "Dollarization" زي لبنان كده تعاملهم كله بالدولار الأمريكي..
لو معاك دولار بالفعل أربط بيه شهادة و لا وديعة لفترة في أي بنك و أنساهم لفترة.. بس خليك متابع على فترات كده أسعار الصرف وصلت لأيه..
الأصول الثابتة فكرة كويسة للتغلب على أضرار التضخم لكن يعيبها سيولتها قليلة جداً و مع الوضع الأقتصادي اللي بنعيش فيه ده أخاف أن يجي يوم متلاقيش طريقة لتسييل الأصل ده...

**WHATZUP** · 23-06-2013 03:09 AM

المشاركة الأصلية كتبت بواسطة mazagangee

بعد الاحداث لوهمية الخيالية بتاعة 30/6 الجنيه هيوقف نزول و يثبت شوية و على نهاية السنة هيبدأ في الارتفاع قدام الدولار .
لو معاك مبلغ كويس حاول تعمل مشروع صناعي صغير او متوسط و الافكار كتير و فيه موضوعات في المنتدى و ناس فاهم ممكن تساعدك .. لان اسعار العقارات هتنزل بعد ما وزارة الاسكان تعلن عن المدن الجديدة و كمية مشروعات الاسكان الكتيرة جدا اللي هتتعمل ( وزير الاسكان اول امبارح قال انه هيعلن عنها بعد اسبوعين ) .
او ممكن تعمل مشروع خدمي و ده هيكون برضه كويس .

يا باشا متشكر علي اهتمام سيادتك ...انا مش عايز اعمل مشاريع لاني شغال بالفعل والحمد لله دخلي كويس ...
انا معنديش مشكلة في الشغل.. وانا معنديش وقت اني ادخل في مشاريع
انا بسال بعد ماتعمل مشروعك ويبدأ يجيب لك الدخل الكويس تتصرف في الفلوس دي ازاي؟؟ في ضوء الظروف السياسية والاقتصادية الراهنة..
انا خايف يحصل انهيار اقتصادي في البلد وتعبنا يروح علي الارض دي كل الحكاية.. وربنا يخيب ظني.. انا مش بسال عن افضل طريقة للحصول علي الفوائد... انا بسال عن احسن طريقة للتامين ضد انهيار اقتصادي محتمل؟؟

**WHATZUP** · 23-06-2013 03:15 AM

المشاركة الأصلية كتبت بواسطة dede_dodo88

الفايدة على العملات في البنوك تكاد لا تذكر.. بس الفكرة في قيمة العملة نفسها و قوتها الشرائية..
يعني يا فرحتي مثلاً لما البنك يديك فايدة على الجنيه 20% و هو قيمته عمالة تنزل بـ50% فساعتها تاخد الجنيهات دي تلعب بيها في بنك الحظ أحسن..
ده البنك المركزي لو وارب الباب بس شوية في موضوع بيع العملات ده أنت هتلاقي الجنيه ده أنقرض و هنتحول للتعامل بعملة بديلة لها قوة شرائية أكبر "dollarization" زي لبنان كده تعاملهم كله بالدولار الأمريكي..
لو معاك دولار بالفعل أربط بيه شهادة و لا وديعة لفترة في أي بنك و أنساهم لفترة.. بس خليك متابع على فترات كده أسعار الصرف وصلت لأيه..
الأصول الثابتة فكرة كويسة للتغلب على أضرار التضخم لكن يعيبها سيولتها قليلة جداً و مع الوضع الأقتصادي اللي بنعيش فيه ده أخاف أن يجي يوم متلاقيش طريقة لتسييل الأصل ده...

لا انا معايا رصيد بالجنيه عادي ..تنصحني احول دولار ولا افضل جنية..انا ممكن اضحي بفرق البيع والشرا في سبيل ضمان عدم حدوث تغييرات كبيرة في قيمة الجنية( زي ما قل قدام الدولار في الفترة الاخيرة مرة واحدة حوالي جنية)

**WHATZUP** · 23-06-2013 03:23 AM

المشاركة الأصلية كتبت بواسطة cameeron

اسمع كلام اخوك و سيبك من تكديس العملات الورقية فى بنك او بوسطة سواء جنيه او دولار او غيره كلها فترة بسيطة و الكلام ده هيبقى شوية ورق كوتشينة لا قيمة له امريكا ضحكت على العالم فى اتفاقية برايتون وودز سنة 1952 و خدت دهبه و ادلته شوية ورق اخضر حاليا الصين ممكن توع الدولار فى لحظة
و من غير تفاصيل كتير خلليك فى الحاجات اللى ليها قيمة و قيمتها بتزيد يعنى عقار او دهب انما الورق عبارة عن شوية كوتشينة

شكرا يا باشا علي الرد..
بص انا كنت اشتريت دهب السنة اللي فاتت كان ب 305 الجرام 21 ومن يوميها نزل وموصلش ل305 الا مرة واحدة تقريبا.. الدهب مش مضمون برضو وممكن يخسر .. لولا ان انا ما احتاجتوش السنة اللي فاتت كان ممكن ابيع ب 280 او 290 زي مانتا شايف
وفكرة الشقة متعبة فالتدوير واعادة البيع وكدة ياريت لو عند حضرتك حل سريع واسهل يكون احسن...

الموضوع: هل آن الاوان لنودع اموالنا بالدولار ؟؟؟

LinkBack

أدوات الموضوع

عرض

-

المواضيع المتشابهه

سااااعدونى الاوان هتجننى

الفائده البنكيه على الودائع والشهادات بالدولار واليورو

اسعار الالنترا 2011 بالدولار

الكلمات الدلالية لهذا الموضوع

المفضلات

المفضلات

ضوابط المشاركة