هل آن الاوان لنودع اموالنا بالدولار ؟؟؟

**WHATZUP** · 21-06-2013 07:22 PM

مساء الخير...
انا كنت عايز استفسر عن الفرق بين البنوك المصرية والبنوك الاجنبية وايهما افضل للادخار؟؟
انا كنت بحط في البوستة.. وبصراحة زهقت من التعامل في البريد..
داغير ان انا مضايق من الارتفاع المستمر في سعر الدولار..
وبصراحة كدة انا مش متفائل اقتصاديا للفترة القادمة..
وانا مش ناوي اسحب قريب ممكن يكون قدامي سنتين تلاتة...
انا عايز اعمل ايداع بالدولار في بنك محترم وموثوق فية ويكون الفايدة بتاعته كويسة بالمقارنة بغيرة من البنوك..
وشكرا مقدما..

**KemozTanta** · 22-06-2013 08:31 AM

لا توجد فوائد علي حسابات الدولار بالبنوك ، الفايدة سنوية متغيرة وتكاد تكون معدومة !
اكبر فايدة هي 3% لمبلغ 500 دولار في شهادة تتقفل 3 سنين !
اصرف نظر عن الادخار بالدولار طالما مرتبك مش بالدولار او معندكش مصدر دولاري ثابت
وممكن تحول مصري لدولار بس هتصبر عليه شويتين حلويين عشان تعرف تبيعة اكبر من سعر شراءة

**mohamed_selim** · 22-06-2013 09:01 AM

لو الفلوس مش محتاجها و متاكد من كده اعمل شهاده فى البنك الاهلى ٣ او ٥ سنين بفايده ١٢.٥ ٪

**power** · 22-06-2013 09:27 AM

طبيعي ان الفايده علي الدولار تبقي قليله .. 3% سنويا دي فايده كبيره كمان علي الدولار
علشان مفيش تضخم تقريبا بالعكس انت بتعتمد علي الفرق في السعر بين العملتين وده مكسبه بيبقي اعلي كمان من الفايده
بس معظم البنوك مش بتفتح حساب بالدولار بالساهل لازم الاول تودع بالدولار مفيش تحويل يعني فده ممكن يخسرك لو مش محسوب صح

**cameeron** · 22-06-2013 12:08 PM

المشاركة الأصلية كتبت بواسطة whatzup

مساء الخير...
انا كنت عايز استفسر عن الفرق بين البنوك المصرية والبنوك الاجنبية وايهما افضل للادخار؟؟
انا كنت بحط في البوستة.. وبصراحة زهقت من التعامل في البريد..
داغير ان انا مضايق من الارتفاع المستمر في سعر الدولار..
وبصراحة كدة انا مش متفائل اقتصاديا للفترة القادمة..
وانا مش ناوي اسحب قريب ممكن يكون قدامي سنتين تلاتة...
انا عايز اعمل ايداع بالدولار في بنك محترم وموثوق فية ويكون الفايدة بتاعته كويسة بالمقارنة بغيرة من البنوك..
وشكرا مقدما..

اسمع كلام اخوك و سيبك من تكديس العملات الورقية فى بنك او بوسطة سواء جنيه او دولار او غيره كلها فترة بسيطة و الكلام ده هيبقى شوية ورق كوتشينة لا قيمة له امريكا ضحكت على العالم فى اتفاقية برايتون وودز سنة 1952 و خدت دهبه و ادلته شوية ورق اخضر حاليا الصين ممكن توع الدولار فى لحظة
و من غير تفاصيل كتير خلليك فى الحاجات اللى ليها قيمة و قيمتها بتزيد يعنى عقار او دهب انما الورق عبارة عن شوية كوتشينة

**KemozTanta** · 22-06-2013 06:46 PM

المشاركة الأصلية كتبت بواسطة cameeron

اسمع كلام اخوك و سيبك من تكديس العملات الورقية فى بنك او بوسطة سواء جنيه او دولار او غيره كلها فترة بسيطة و الكلام ده هيبقى شوية ورق كوتشينة لا قيمة له امريكا ضحكت على العالم فى اتفاقية برايتون وودز سنة 1952 و خدت دهبه و ادلته شوية ورق اخضر حاليا الصين ممكن توع الدولار فى لحظة
و من غير تفاصيل كتير خلليك فى الحاجات اللى ليها قيمة و قيمتها بتزيد يعنى عقار او دهب انما الورق عبارة عن شوية كوتشينة

الجنية هيبقي ورق كوتشينة لو فضلنا علي حال البلد السىء دا
والدولار هيحصلة بس بعد شوية لان اليورو نسبة زيادته اعلي من الدولار !!
ربنا يستر اختيار صعب بين انك تحط فلوسك في اصول الله اعلم هتعرف تبيعها ولا لا وبين انها تبقي معاك وقيمتها الله اعلم برررضو

**moody_687** · 22-06-2013 09:39 PM

طيب والحل ايه

**MaZaGAngeE** · 22-06-2013 10:52 PM

بعد الاحداث لوهمية الخيالية بتاعة 30/6 الجنيه هيوقف نزول و يثبت شوية و على نهاية السنة هيبدأ في الارتفاع قدام الدولار .
لو معاك مبلغ كويس حاول تعمل مشروع صناعي صغير او متوسط و الافكار كتير و فيه موضوعات في المنتدى و ناس فاهم ممكن تساعدك .. لان اسعار العقارات هتنزل بعد ما وزارة الاسكان تعلن عن المدن الجديدة و كمية مشروعات الاسكان الكتيرة جدا اللي هتتعمل ( وزير الاسكان اول امبارح قال انه هيعلن عنها بعد اسبوعين ) .
او ممكن تعمل مشروع خدمي و ده هيكون برضه كويس .