دايو سيلو 95 متلته ( رجاءا الاهتمام والرد للاهميه )
السلام عليكم ورحمه الله وبركاته
عندى مشكله فى دايو سيلو 95 اوتوتاتيك (( اقرب للانوس )) وبعض قطع غيار الفيكترا 95 بيركب لها فى الميكانيكا
فجأه وبدون سابق انذار على طريق سريع والسرعه لا تقل عن 90 على ما اذكر ( حسب ارشادات المرور ) العربيه لمبات التابلوه كلها نورت والعربيه بطلت
ركنت وحاولت ادور لكن لا حياه لمن تنادى
توقعت انه الشاكوش وكان معايا واحد احتياطي وقبل ما اركبه بفك سلك البوجيهات واحد اتقطع
المهم رجعت بيها سحب ورحت لميكانيكي ركبنا الشاكوش و ظبطنا سلك بوجيه العربيه لقطت فعلا ودارت بس متلته (( توقعنا ان السبب السلك اللى جربتا بيه )) روحت الببت وبيتها على كدا فتره طويله على ما اشترى سلوك لان قطع غيارها متعبه وعند ناس معينه
اشتريت شاكوش وسلوك بوجيهات وبوجيهات جديده
غيرت الجميع ودورت
دارت متلته وعكننت عليا
العربيه مفوله و كنت ماشى بيها اكثر من ربع التانك
فكيت الرشاشات و تاكدت انها كلها بترش وشغاله
بفك السلك رقم واحد ورقم اربعه العربيه مش بتتاثر نهائي (( 1 و 4 اللى جنب سير الكاتينه و اللى على الطرف الثانى ))
خايف اوديها لميكانيكي وانا مش فاهم ايه المشكله علشان المسأله مش مستحمله افتاء واختراع
عايز افهم الدنيا فيها ايه واوديها ان شاء الله
اتمنى المساعده وشكرا
