بعد معاناه كبيره مع العربيه طلع انها جايبه وش سليندر
عاوزكم تباركولي
:ma(36): :ma(36):
:ma(36):
عرض للطباعة
بعد معاناه كبيره مع العربيه طلع انها جايبه وش سليندر
عاوزكم تباركولي
:ma(36): :ma(36):
:ma(36):
لا حول ولاقوة الا بالله ربنا يخلف عليك معلش قدر الله وما شاء فعل
معلش عمليه قلب مفتوح بس هتقوم بالسلامه ان شاء الله
والدكتور (الميكانيكي) هيكلفك كام كله علي بعضه
نفس المشكله اللي كانت عندي و عامل عليها موضوع هنا في القسم و طلعت فعلا في الخر جوان بس ان شاء الله يكون خير القصه بسيطه و مش هتاخد وقت و ان شاء الله بعدها العربيه تتظبط معاك
ممكن اتعاطف انا كمان
دلوقتي نصيحه فاضل بين قرار تغيير الموتور وقرار الاصلاح
عشان تجارب الاصلاح كتير مش بتبقي تاجحه
Sent from my GT-P5100 using Forum Runner
شكراا ع المعلومه
موضوع بسيط جدا وان شاء الله ترجع زى الاول
ان شاء الله بسيطه انا ليه واحد صحبي معاه اوبترا من اكتر من 4 سنين 2006 خليجي و جوان وش السلندر تقريبا عامله مرتين تلاته و العربيه ماشيه معاه زي الفل لأن الوبترا السخونيه من اكنر مشاكلها و محتاجه متابعه منتظمه لدوره التبريد و ان شاء الله خير متقلقش نفسك
انا عندي برضه حصل نفس الموضوع وجابت وش سلندر رحت جبته استيراد بــ 1900 جنيه
الحمد لله حصل خير
بس هو الميكانيكي بيعمل ايه بيركب حاجه مش فاهم ايه اللي هو بيعمله
اية ياجماعة انتوا مكبرين الموضوع كدة لية , الموضوع بسيط وتافهة جدااااااااااا , طالما اتلحق فى الاول
شوف ياباشا مبدأيا كدة عشان الدنيا تمشى معاك تمام وماترجعش تعملة تانى او يضرب بعد فترة قليلة هتعمل الاتى :
1- هيتم فك المحرك وهو بارد تماما
2- الميكانيكى هياخد وش السلندر ويروح بية للخراط
3- الخراط هيقيس الوش كويس ويشوف هل فية عالى وواطى ولا لأ
4- لو بإذن الله مالاقش فية اى عالى واطى , يبقى يسنفر الوش ( مسح كدة بالفرشة عشان يشيل اى اثر للجوان القديم ) ويبص بردة بصة كدة على البلوكة وشكرا
- اما لو لا قدر الله الوش فية تقفيع ( عالى وواطى ) يبقى يتغير بواحد استيراد فابريكة وقبل مايركب بردة يعدى على الخراط يتسنفر ويتمم علية
5- بعد التأكد من سلامة المكونات , يبقى لازم تعرف هل الجوان كان ضارب من ناحية مجرى الزيت ولا المياة
لان لو ضارب من ناحية المياة مافيش مشكلة خالص , اما لو كان ضارب من ناحية الزيت فكدة انت هتضطر تفك كارتيرة الزيت تتنظف + الريدياتير + طلمبة الزيت + المصفاة +كوعة المياة + طلمبة المياة + ثرموستات المروحة يتم سنفرتها الخراطيم , وطبعا تغير الزيت والفلتر
6- بعد عمل كل السابق ذكرة , يبقى لازم تشترى طقم مسامير جوان وش سلندر لان المسامير القديمة فقدت صلابتها نتيجة التعرض للحرارة المرتفعة عن الحد المسموح بية
7- يتم تركيب الجوان وربط المسامير بداية من الداخل الى الخارج
8- هتزود المياة بتاعتك , وتخرج الهواء من دائرة التبريد , وتسيبها دائرة لمدة ساعة بدون تحرك
9- هتشمى بالعربية طبيعى بس بدون قرص يعنى تسيب المحرك ياخد راحتة
10 - هتيجى للميكانيكى بعد عمل 500 كم او اسبوع , ويتم تربيط مسامير وش السلندر مرة اخرى
وبعد كدة شكرا مافيش اى مشاكل ان شاء الله تواجهك
تكلفة المصنعية بتكون فى حدود 300 جنية- 350 جنية
لو شغل خراط بس هتاخد العربية فى نفس اليوم لو جيبتهالة الصبح
لكن لو شغل تغير وش السلندر هتاخدها بعديها بيومين
الله ينور عليك ويجعله في ميزان حسناتك