| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 7 1 2 3 4 5 6 ... الأخيرةالأخيرة
النتائج 1 إلى 10 من 62

  1. #1

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي الحلول العبقريه لتوفير البنزين فى العربيه بالصور - Facebook Twitter whatsapp انشر الموضوع فى :

    hasad">

    بسم الله

    من اهم الأمور اللى بتشغل بال اى صاحب سياره هى ( استهلاك السياره للبنزين )

    وده لأنه يعتبر اكبر بند متكرر لأنفاق المال على السياره من يوم شرائها الى يوم تخليك عنها

    ولأن الموضوع مهم جدا فهنتكلم انهارده على شويه افكار مبتكره لتوفير البنزين والأستفاده القصوى من كل ملى ليتر بنزين بنشتريه





    هنبدا موضوعنا بتعريف عام للبنزين

    البنزين من انواع الوقود الكربونى السائل المستخرج من تكرير البترول والمستخدم فى الكثير من عمليات الأحتراق وتوليد الطاقه

    ولاكن اهم استخداماته اليوميه هى كوقود للسيارات

    وبما ان البدائل له حتى الآن ( الغاز الطبيعى ) مكلف ( صيانه خاصه وعمر افتراضى اقصر للموتور ) وغير عملى ( لقلة انتشار محطات الغاز الطبيعى ) وايضاٌ يحتاج لعملية تحويل مكلفه ( السياره ب 5 آلاف جنيه )

    فأصبحنا مضطرين لأيجاد حلول لتوفير البنزين

    والحلول تنقسم الى شقين

    اولاٌ
    التنقيب عن حقول بترول جديده

    وانشاء محطات تكرير وطنيه لتوفير احتياجاتنا من البنزين بدلاٌ من استيراده

    وطبعاٌ ده مش بأيدنا ( ده بأيد الحكومه ) يعنى مش قصتنا

    ثانياٌ
    وهوما يهمنا ( الأستفاده القصوى )
    بمعنى اننا نحاول الوصول بالسياره لأكبر عدد كيلوات ممكن بنفس كمية البنزين المتاحه لنا قبل الأحتياج للتزود بالوقود مره اخرى

    طيب وده نعمله ازاى ؟

    عشان نقدر نحقق المعادله دى هنمشى فى اتجاهين

    1 السياره

    2 السائق


    نبدأ بالسياره

    عشان نحقق اكبر استفاده من كل قطرة بنزين لازم تكون السياره بأفضل حاله فنيه
    وعشان نوصل بالسياره لكده هنزبط شوية حاجات

    A الموتور
    هنشيك فى الموتور على الآتى


    دورة الأحتراق

    1 الموبينه
    لازم تبقى سليمه ( مفيهاش اطراف ضعيفه ) فرق قدرة الخرج من طرف الى التانى بيقلل من انتظام دوران المحرك

    2 البوجيهات
    لازم تكون البوجيهات فى حاله جيده وكمان تكون النوع اللى بيوصى بيه المصنع للسياره ( يعنى منركبش بوجيه 3 شمعه على موتور 8 صباب كامه واحده ونفتكر اننا بنزود آداء العربيه )

    3 سلوك البوجيهات
    لازم تكون بحاله جيده ( غير قديمه ولا ناشفه ولا مشققه ) كل ما سبق بيهرب جزء من الشراره الخاصه بالأحتراق وبالتالى بيقلل من آداء السياره


    دورة البنزين

    1 فلتر البنزين
    لازم الفلتر يكون نضيف وغير مسدود ( يتنضف كل 5 آلاف كيلو ويتغير كل 10 آلاف )

    2 فلتر الهواء
    لازم يبقى نضيف دايماٌ لأنه رئة السياره اللى بتتنفس منها ( يتنضف كل 3 آلاف كيلو ويتغير كل 10 آلاف )وعلى فكره الفلاتر الأسبور بتذود استهلاك البنزين فبلاش منها افضل

    3 الرشاشات
    لازم تكون سليمه وومبتسيلش ولا بتليك ( ودى بتتنضف كل 40 آلف على جهاز الألترا سونيك ده غير ان كل 10 آلاف بنحط منظف رشاشات نوعيه محترمه مع البنزين )

    4 الكربراتير
    وده فى العربيات القديمه وظبطه اهم حاجه فى توفير البنزين ( عن طريق تنضيفه بأستمرار وظبط العوامه ومسمار السلانسيه ومسمار الهواء )

    5 البوابه وحساس الأيدل
    وده فى العربيات الحديثه بيتنضفوا ويتعايروا على الكومبيوتر كل 10 آلاف كيلو


    دورة التزييت
    المحرك اللى اجزاءه بتتزيت كويس بتقل فيه نسبة فقد الطاقه بنسبه كبيره وكمان حرارة بتبقى اقل من الموتور اللى مش متزيت كويس

    1 اختيار الزيت المناسب للسياره
    العربيات الحديثه اجمالاٌ بتحتاج زيت 10 آلاف مش علشان المده لأ عشان انه تخليقى بالكامل

    2 فلتر الزيت
    لازم يكون بحاله جيده وده بيتغير كل 10 آلاف كيلو

    3 طرمبة الزيت
    لازم تكون بحاله جيده تسمح لها بتزييت كافة اجزاء المحرك بكفائه


    دورة التبريد
    كل ماتكون دورة التبريد مظبوطه كل ما ناخد من الموتور اقصى استفاده واقصى عمر افتراضى

    1 الثرموستات
    لا غنى عنه فى السياره والغائه فتى من الصنايعيه المصريين وبيسبب زياده كبيره فى استهلاك البنزين

    2 مية التبريد
    لازم نستخدم النوع الموصى به من المصنع للسياره ( وحذارى واستخدام مية الحنفيه فى دورة التبريد ) لأنها بتسبب تأكل الدوره لوجود الأملاح بها كما تسبب تلف فى اجزاء الدوره لأنخفاض درجة غليانها

    3 الريداتير
    يجب ان يتم تنضيفه بماء مضغوط من الخارج والداخل كل 10 آلاف كيلو للحفاظ على حالة تشغيل ممتازه

    4 غطاء القربه وغطاء الريداتير
    لازم يكون بحاله جيده لأنه يقوم بوظيفة منظم ضغط لدورة التبريد غير انه غطاء لها


    دورة العادم

    وبالرغم من انى اغلب الناس بتهملها الا انها من اهم اسباب زيادة استهلاك البنزين ورفع درجة حرارة المحرك

    1 علبة البيئه
    ودى من اهم اجزاء دورة العادم لازم تتغير كل 80 الف كيلو او 100 الف بحد اقصى او الغائها واستبدالها بماسوره فى حالة عدم توافرها

    2 حساس الشكمان
    وده مسئول كبير عن تنظيم عملية الأحتراق واستهلاك البنزين وطبعاٌ بنشيك عليه بالكومبيوتر وبنغيره اذا لزم الأمر

    3 علب الشكمان
    لازم تكون بحاله جيده لأنها اذا كانت مسدوده او مخرومه بتزود استهلاك البنزين وبتضعف من اداء السياره
    وحزارى من علب الديفل ( اللى بتطلع صوت عالى ) لأنها بتزود استهلاك البنزين


    طبعاٌ بعد ما نشيك على كل ما سبق هنوصل بالموتور لأفضل حاله ممكنه وده اللى هينعكس بالأيجاب على الآداء و استهلاك البنزين



    B العفشه
    العفشه بأجزاءها المختلفه هى المسئوله عن توصيل القدره الخارجه من الموتور وترجمتها الى حركه على الأرض

    1 الفتيس
    لزم يكون بحاله جيده ولا يصدر اى اصوات غريبه وتستطيع ان تعطيه كل النقلات بسهوله ويسر ولحصول ذلك لابد من المتابعه بتتغير زيت الفتيس بالكامل ( كل 20 الف للأوتوماتيك و 40 الف للمانيوال )

    2 بلى العجل
    لزم يبقى بحاله جيده لا يصدر اصوات ولا يمنع الدوران الحر للعجله وبنشيك عليه كل 50 الف كيلو وبنغيره اذا لزم الأمر

    3 الفرامل
    لزم نشيك على مساتر الفرامل الفرعيه ونتأكد من سهولة حركتها كل 20 الف كيلو
    وكمان نشيك على فرملة اليد بحيث ان العجل يدور بحريه ومتكطونش الفرامل قافشه فتضايق دوران العجل

    4 الكاوتش
    وده اخطر جزء فى العربيه كلها لأنه الجزء الوحيد من السياره اللى ملامس الأرض
    لذلك لابد من ظبط ضغط الهواء فى الأطارات ( الضغط الزايد او الناقص بيزود استهلاك البنزين وبيضعف الفرمله )
    بنشيك عليه كل 20 الف وبيتغير بالكامل كل 40 الف او 60 الف كيلو بحد اقصى
    ده غير ان العمر الأفتراضى للكاوتش 5 سنين من تاريخ تصنيعه حتى لو لم يستخدم



    C الأيروداينامك
    كل الزيادات والدفندرات والروفراك والأسبويلارات بتعمل مقاومه كبيره للهواء مما يتسبب فى زيادة استهلاك البنزين
    لذلك عند عدم الحاجه لها فالتخلص منها افضل

    بكده احنا خلصنا الجزء الخاص بالعربيه


    ندخل على الجزء الخاص بالسائق

    انتوا عارفين ان عند ثبات نفس السياره ونفس ظروف القياده ممكن الأستهلاك يتضاعف او يقل النص مع اختلاف السائق فقط

    ازاى الكلام ده ؟

    هتكلم عن نفسى

    عربيتى شيفورليه اوبترا موتور 1600 CC
    فى الطبيعى العربيه بتعمل معايا فى الصفيحه 170 كيلو فى وسط البلد
    بس ده مع نمط قياده رياضى كله تجميع وجرى وشد وتكييف وسرعات عاليه

    نفس العربيه مع استخدام نمط قياده هادئ او موفر للبنزين بتعمل فى الصفيحه 320 كيلو فى وسط البلد

    ازاى ده

    بإتباع النصائح التاليه
    1 دور وامشى على طول
    متوقفش تسخن اكتر من 30 ثانيه اكتر من كده حرق بنزين على الفاضى

    2 عدد لفات الموتر لا يتخطى بأى حال من الأحوال ال 2500 دوره على الدقيقه

    سرعتك على الغيار الأول لا تزيد عن 20 كيلو


    الغيار التانى 30 كيلو


    الغيار التالت 40 كيلو


    الغيار الرابع 70 كيلو


    الغيار الخامس 90 كيلو



    3 اقصى سرعه للسير لا تزيد بأى حال عن 90 كيلو وده على الغيار الخامس

    4 حاول انك تقلل من تشغيل التكييف بأكبر قدر ممكن ( التكييف من اهم اجزاء السياره اللى بتزود استهلاك البنزين )

    5 استخدام التسارع البطئ مفيش شد ولا تجميع سريع نهائى

    6 التخلص من اى احمال زائده فى السياره ( كل كيلو زياده فى السياره بيزود استهلاك البنزين )

    7 بقدر المستطاع حاول تستخدم القصور الزاتى ازاى ؟
    يعنى فى منزل كوبرى مور العربيه وسيبها تجرى لوحدها هتوفر كتير

    8 متوقفش على السلانسيه كتير
    يعنى اى اشاره اطفى العربيه وارجع دورها تانى لما الأشاره تفتح ( الطاقه المستهلكه فى بدء الدواره تعادل الوقوف على السلانسيه لمدة 10 ثوانى )
    والنظام ده متتبع فى السيارات الحديثه ( ال I DRIVE فى ال BMW )

    9 لو البنزين معاك قليل هتمشى على الخامس بسرعة 50 كيلو لحد ما توصل لأقرب بنزينه وده هيبقى اقل استهلاك بنزين ممكن للعربيه




    بإتباع كل ما سبق صدقونى استهلاك البنزين فى سيارتكم هيقل النص يعنى زيارتك لمحطة البنزين بدلاٌ من ان تكون كل اسبوع هتبقى كل اسبوعين

    مستنى ردودكم وارجو ان ينال الموضوع اعجابكم

    ولا تنسونى بصالح دعائكم

    وطبعاٌ تحت امركم فى اى استفسار


    اخوكم عصام غنايم


    سلام مؤقت


  2. #2

    الصورة الرمزية hossam_elwani

    رقم العضوية : 13051

    تاريخ التسجيل : 16Jun2008

    المشاركات : 10,009

    النوع : ذكر

    الاقامة : اسكندريه

    السيارة: كروز هاى لاين 2013 بفضل الله

    السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى

    دراجة بخارية: no

    الحالة : hossam_elwani غير متواجد حالياً

    افتراضي -

    شكرا جزيلا على رؤيتك وموضوعك القيم

    بس انا ابيع العربيه احسن حل


  3. #3

    الصورة الرمزية ابوسيف7

    رقم العضوية : 126222

    تاريخ التسجيل : 17Jun2012

    المشاركات : 17

    النوع : ذكر

    الاقامة : الجيزه

    السيارة: لانوس

    السيارة[2]: ابيزا

    دراجة بخارية: لا

    الحالة : ابوسيف7 غير متواجد حالياً

    افتراضي -

    :b4_095: الله عليك ياعص


  4. #4

    الصورة الرمزية aboamina

    رقم العضوية : 68851

    تاريخ التسجيل : 25Apr2010

    المشاركات : 207

    النوع : ذكر

    الاقامة : cairo

    السيارة: Nissan Tiida

    السيارة[2]: Logan2009

    الحالة : aboamina غير متواجد حالياً

    افتراضي -

    موضوع رائع بس صعب قوي نعمل كل ده
    على العموم جزاك الله خيرا يا ا / عصام


  5. #5

    الصورة الرمزية fosfos010

    رقم العضوية : 44569

    تاريخ التسجيل : 06Aug2009

    المشاركات : 366

    النوع : ذكر

    الاقامة : 6 oct

    السيارة: لانوس 2006

    السيارة[2]: لانوس 2006

    دراجة بخارية: no

    الحالة : fosfos010 غير متواجد حالياً

    افتراضي -

    نصائح غالية ياعصام ..... دائما عندك جديد

    mohamed fathy


  6. #6

    الصورة الرمزية horas3000

    رقم العضوية : 32723

    تاريخ التسجيل : 12Feb2009

    المشاركات : 7,095

    النوع : ذكر

    الاقامة : Kuwait- Naser city

    السيارة: Renault Fluence 11- Outlander 08- Murano 06- BMW X5 10 - BMW 740Li 06

    السيارة[2]: Mitsubishi Pajero 10

    دراجة بخارية: non

    الحالة : horas3000 غير متواجد حالياً

    افتراضي -

    كلام جميل و نصايح كويسه
    بس لو بتمشي وسط البلد او علي الدائري تقريبا استحاله تحقق ده

    Sharief Mansy شريف منسي
    شكرا نايل موتورز

    Farewell my Cayenne, you were the best car i ever had and driven


  7. #7

    الصورة الرمزية amagroup

    رقم العضوية : 39622

    تاريخ التسجيل : 05May2009

    المشاركات : 828

    النوع : ذكر

    الاقامة : المنصورة-مصر

    السيارة: اكسنت اربي

    السيارة[2]: سابقا فيات31-سكودا فليشيا كومبي وش اوكتافيا 98

    دراجة بخارية: بكرهم جدا

    الحالة : amagroup غير متواجد حالياً

    افتراضي -

    شوف رغم اني نفسي ان ده ميحصلش لكن لو الكارت الذكي اتحقق هيظبط الدنيا كتيير

    ليه
    هتفرق مع الناس اللي مش فارق معاهم وبيستهلكوا بنزين بالهبل
    طب ماهو بيدفع؟
    اه هو بيدفع بس بنزين مدعم لكن لما تدفعه القيمة كامله العمليه هتظبط
    طب واحنا نعمل ايه؟
    احنا نحاول نضغط نفسنا شويه ومع الوقت هنتعود...وربنا يتولانا بقي

    الكارثه ان رمضان شكله كده هيكون فيه صيام عن البنزين كمان

    الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها


  8. #8

    الصورة الرمزية فادى محمد

    رقم العضوية : 21177

    تاريخ التسجيل : 05Oct2008

    المشاركات : 8,766

    النوع : ذكر

    الاقامة : damietta

    السيارة: الحمد لله

    السيارة[2]: opel vectra 1600 mo.1999

    دراجة بخارية: لا يوجد

    الحالة : فادى محمد غير متواجد حالياً

    افتراضي -

    تسلم ايدك يابو فارس ..
    نصايح غاليه في وقت صعب..

    اخوكم /فادي محمد عيد ..من مواضيعي المصوره للفيكترا بي ....

    http://www.nilemotors.net/Nile/97671...post3872017889 تغيير اويل سايل اسبراتير
    http://www.nilemotors.net/Nile/13044...post3872432932تنظيف الايديال كونترول
    http://www.nilemotors.net/Nile/15035...post3872669019تعديل في اضاءه التابلوه
    http://www.nilemotors.net/Nile/143705-b.html#post3872580355تغيير فرش السقف للفيكترا
    http://www.nilemotors.net/Nile/181441-a.html#post3873046581تغيير جوان وش التاكيهات

    hellboy سابقا


  9. #9

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    شكرا جزيلا على رؤيتك وموضوعك القيم

    بس انا ابيع العربيه احسن حل
    دا انت لسه جايبها يا استاذ حسام لحقت تزهق

    الله عليك ياعص
    موضوع رائع بس صعب قوي نعمل كل ده
    على العموم جزاك الله خيرا يا ا / عصام
    مهو المضطر يعمل الصعب

    هنعمل ايه بس فى سوء الأحوال اللى احنا عايشين فيه


  10. #10

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي -

    hasad">

    كلام جميل و نصايح كويسه
    بس لو بتمشي وسط البلد او علي الدائري تقريبا استحاله تحقق ده
    والله نحاول نقتصد قدر المستطاع



 
صفحة 1 من 7 1 2 3 4 5 6 ... الأخيرةالأخيرة

المواضيع المتشابهه

  1. مشاركات: 10
    آخر مشاركة: 01-07-2013, 01:37 PM
  2. بالصور أزمة البنزين تضرب طنطا بعنف يوم وقفة عيد الأضحى
    بواسطة Elawany13 في المنتدى أخبار السيارات في مصر والعالم
    مشاركات: 7
    آخر مشاركة: 27-10-2012, 04:47 PM
  3. مشكلة عوامة بنزين 2105 و أزمة البنزين
    بواسطة Zing0 في المنتدى لادا
    مشاركات: 8
    آخر مشاركة: 10-06-2012, 02:32 PM
  4. البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟
    بواسطة Eng.Geo في المنتدى المنتــــــدى العـــــــــــام للسيــارات
    مشاركات: 41
    آخر مشاركة: 01-04-2012, 10:04 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2