مساعدة يا رجالتنا فى home theater

**mido_soliman** · 25-06-2013 11:10 PM

المشاركة الأصلية كتبت بواسطة solid_khaled

بس يا باشا انا قبل ماجيبو شفتوة عند جارى و مكنش لية فى الحجات دية و انبهرت ب surround
تحس انك جوة الفلم خصوصان مع lcd كبير و النور مطفى و فيلم فية رعب او حرب

السيستم الى عندى غالى عشان 3 حجات ممكن انت متكونش محتاجهم فية
1-بيشغل bluray cd's و دة مش فرقة لأنك ممكن تنزل من النت bluray quality
2-بيحول ال cd's ال 2d الى 3d و دة مش فرقة معاية ولا حتى جربتها لانى مليش فى ال 3d فى البيت بحبو فى السينما
3- و دة اهم حاجة جبت السيسم عشانو معنى كان ممكن اجيب سيستم samsung برضو ب 2500 جنية بنفس القوة
و هيا هن فية 2 hdmi in و دة معناة انى بوصل ال سيستم بى ال lcd hdmi out
و عندى فى السيستم ال 2 hdmi in بوصل فيهم ps3 او ريسيفر hd أو laptop عشان استمتع بالحجات دية بصوت السيستم

+111111
تمام يباشا هوة السيستم دة واير ولا وايرلس ؟؟
هوة التلات نقط فعلا اول نقطتين انا مش محتاجهم لان التليفزيون بيعمل رقم 2 دى ورقم 1 دى مش ححتاجها لانى بنزل الافلام من الانترنت بلوراى كواليتى فعلا فمش عايز سيديهات
انا بس مش فاهم النقطة رقم 3 دى
هوة مش المفروض انى لما بوصل السستم دة بالتى فى يبقى انا كدة لغيت سماعات التى فى وشغلت مكانها سماعات السيستم سواء باة مشغل هارد على التى فى او رسيفر او بلاى ستاشن ؟؟ مش المفروض ان كدة كدة الصوت اللى خارج يبقى صوت السماعات ولا انا فاهم غلط ؟؟

**yuong313** · 26-06-2013 11:00 AM

باشا عيب تسأل وانا موجود
قولي ميزانيتك وانا اقولك تجيب ايه ومنين

**Sherif Khalifa** · 26-06-2013 11:33 AM

حضرتك حدد ميزانيتك الاول
شوف ختجيب حاجة محترمة زى , yamaha , pioneer ,harman kardon , sunsoy
سماعات jbl مثلا سماعات صغيرة مع ساب وفر و امبلفاير ماركة تانية على حسب الميزانية طبعا
و دى بتتكلم من اول 7000 جم و انت طالع

حاجة عادية زى ال home theaters الى موجودة فى كارفور و هيبر sony sumsung و الحاجات دى
و دى اعتقد بتكون فى حدود 2000 3000 جم

يا اما حاجة اقل و دا الاى كلام يعنى الى هيا سماعات الكمبيوتر و الكلام داة

و لازم تفهم ان لازم علشان تشوف افلام بجودة صوت كويسة لازم حاجة تاخد HDMI و تتطلع dolby pro logic7 h او على الاقل dolby surround و دا معرفش متوفر فى الفئة العادية ولا لا

**solid_khaled** · 26-06-2013 04:10 PM

المشاركة الأصلية كتبت بواسطة mido_soliman

+111111
تمام يباشا هوة السيستم دة واير ولا وايرلس ؟؟
هوة التلات نقط فعلا اول نقطتين انا مش محتاجهم لان التليفزيون بيعمل رقم 2 دى ورقم 1 دى مش ححتاجها لانى بنزل الافلام من الانترنت بلوراى كواليتى فعلا فمش عايز سيديهات
انا بس مش فاهم النقطة رقم 3 دى
هوة مش المفروض انى لما بوصل السستم دة بالتى فى يبقى انا كدة لغيت سماعات التى فى وشغلت مكانها سماعات السيستم سواء باة مشغل هارد على التى فى او رسيفر او بلاى ستاشن ؟؟ مش المفروض ان كدة كدة الصوت اللى خارج يبقى صوت السماعات ولا انا فاهم غلط ؟؟

حضرتك مثلا لاما بتوصل ال ps3 او ريسفر بتوصل بlcd كدا الصوت مش هيشتغل مالسيستم . الصوت هيشتغل ملlcd

فا عشان تشغل الحاجات دية لازم توصل الاجهزة دية بالسيستم عشان الصوت يطلع عشان كدة انت محتاج سيستم فية HDMI IN و توصل الLCD ب HDMI OUT
بس السيستم فية usb هتوصل الhard و تتفرج على الافلام او تسمع اغانى و السيستم بيجى معاة dock للiphone تشغل الحجات ال فية فى السيستم
و فية wirless internet تخوش youtube و كدة

**mido_soliman** · 26-06-2013 10:34 PM

المشاركة الأصلية كتبت بواسطة yuong313

باشا عيب تسأل وانا موجود
قولي ميزانيتك وانا اقولك تجيب ايه ومنين

اخرى 2000 جنية حاليا

**yuong313** · 27-06-2013 05:19 PM

المشاركة الأصلية كتبت بواسطة mido_soliman

اخرى 2000 جنية حاليا

بص ياميدو خلينا صرحاء مع بعض
2000 جنيه ماتجيبش حاجة
ده لو بتطلع لصوت ماتندم علي المبلغ اللي دفعته مقابل الصوت
لو ليك في الافلام او الموسيقي يبقي فكر في سيستم صوت مش سماعات وبس
يعني تجيب وسيط يدعم تشغيل كافة انواع الصوتيات والمرئيات
يعني اشتري امبلفاير بيسموه رسيفر ومش معناه رسيفر الدش
ده تقدر توصله للتليفزيون hdmi تخرج منه بقي وصلة للدش ووصلة للافلام ووصلة للسماعات ووصلة للبلاي استيشن لو عندك حتسمع صوت لم تسمعه في سينما ال imax
انصحك تأجل الموضوع لغاية ماتحوش بتاع 8 الاف جنيه وانا اقولك بعدها تشتري ايه ومنين انما تشتري شيء علي الفاضي حرام ومش حتسمع الصوت اللي انتا منتظره ابدا حاجة كدة تجيبلك صداع وصوت مشوش لو عليت الصوت

**3mr Farrag** · 27-06-2013 07:41 PM

المشاركة الأصلية كتبت بواسطة mido_soliman

اخرى 2000 جنية حاليا

هات ال جي 806 ht
صوته نقي بس اللي لاحظته البيز مش عالي اوي
وفيه سماعتين ويرلس و بلوتوث
هتلاقيه في سبينيس و هايبر بس هايبر اعتقد كان اغلي بشويه
روح سبينز و شوفه و اسمع صوته و انت تحكم

**Land_Cruiser** · 27-06-2013 08:18 PM

في رينج السعر ده صعب تلاقي home theater كويس و لذلك في حل تاني ارخص من ال home theater اسمه soundbar و دي سماعه واحده طويله ممكن تتعلق او تتحط فوق مكتبه مثلا و ال subwoofer بتاعه وايرلس وده بتاع سامسونج و ده مفيد قوي لانك مش محتاج تحط الاتنين جنب بعض و صوته جميل جدا وان كان مش زي ال home theater الكاملة اكيد طبعا لكنه مفيد لانه مش بياخد مكان للتركيب و يبقي معرض للخطر لو في اطفال في البيت انهم ممكن مثلا يوقعوا سماعه او ان الغرفه صغيره مش مستحمله سماعات كتير او ملهاش مكان و كمان رخيص و خاصه ان الحاجات دي سعرها بينزل بسرعه لان التكنولوجيا بتاعتها بتتطور بسرعه قوي . هو موجود منه سامسونج و سوني بالمناسبه و طبعا هتلاقي التكنولوجيا الاعلي و السعر الاقل في السامسونج و كمان وايرلس . انا كنت جايبه من حوالي سنتين ب ١٤٠٠ جنيه و اكيد دلوقتي طلعت منه موديلات كتير و ممكن تاخد فكره عنه من الرابط ده

Soundbar | Home Entertainment Systems - SAMSUNG UK