هل قطع غيار لانوس 2 تصلح للتركيب فى لانوس 1؟
عرض للطباعة
هل قطع غيار لانوس 2 تصلح للتركيب فى لانوس 1؟
عفشة ومكانيكا وكهربا الاتنين واحد
اما الفرق فى البودى والكمليات
ال 2 نفس العربية الفرق بس في حجات خفيفة في البودي
+1 تمام كلام الزملاء
ولكن بالنسبه للعفشه اظن ان بطاحات لانوس 1 اصغر من بطاحات لانوس 2
تمام يا استاذ محمد , بس ايه الفرق طيب بين البطاحات الصغيره والكبيره ؟
انا بسأل لاني لما كنت بشتري البطاحات كان نفس السؤال بيتكرر (لانوس 1 ولا 2 ) عشان في الكبيره وفي الصغيره
مع العلم بأن البطاحات عندي طلعت الكبيره مش الصغيره (وانا معايا لانوس 1) بس قولت يمكن عندي انا حاجه غلط :)
انا عربيتى لانوس 2 و عربية الوالد لانوس 1 و مغير بطاحات فى الاتنين و متسالتش السؤال دة خالص...
حتى الparts manual مش حاطت غير رقم واحد للبطاحات
MMamdouh
تمام يا كبير :) بس فعلا في مقاسين للبطاحات موجودين في السوق , ومن ضمن الناس اللي سألت السؤال ده ابو الحسن
وفعلا لما كنت بغيير العفشه مؤخرا اشتريت البطاحات قبل ما اروح للعفشجي وطلعت اصغر من اللي عندي
وروحت اشتريت غيرهم (من شركه الجيزه في فيصل) وحتى لما سألت عن الفرق فكان الرد ان الاكبر بتاعت اللانوس 2
اول مرة اعرف القصة دى الصراحة... الزيارة الجاية لابو الحسن هخلية يطلعلى الاتنين ابص عليهم كويس
MMamdouh
والله يبقا جزاك الله كل خير لو عرفتلنا ايه الفرق :)
وعشان اكون اوضح في المعلومه اللي قولتها
انا اشتريت بطاحتين gm من عند ابو الحسن سعر الواحده كان 135 جم تقريبا , متغلفين وتمام التمام :)
ولما روحت للعفشجي بص عليهم وقاللي ليه جبتهم دول مش هاينفعوا , وبصراحه انا شكيت في كلامه فمسكت البطاحات الجديده وقارنت اماكن المسامير باللي راكبه عندي فطلعت الجديده اصغر لدرجه ان اماكن المسامير نفسها مختلفه ما بين الجديده واللي راكبه عندي
وعشان اليوم مايضيعش مني بسبب بطاحتين روحت اشتريت اتنين تانيين الراجل قاللي عليهم من شركه الجيزه اللي في المطبعه بفيصل , والبطاحات دي اللي مكتوب عليها باللون الاصفر والابيض , واحده مكتوب عليها lr والتانيه مكتوب عليه hr على ما اتذكر , انا حتى شوفتك حاطط صورهم في الموضوع بتاع تبادل قطع الغيار , وسعر الاتنين كان 120 جنيه وفعلا مقاسهم اكبر من الـ gm
انا كل البطاحات اللى جبتها هى الكورى اللى مكتوب عليها بالابيض و الاصفر... انا مجبتش الGM خالص
كدة يبقى الواحد محتاج يبص على البطاحات الGM
MMamdouh
احنا كان عندنا لانوس 1 وكنت بغير البطاحات من اغير ما حد يقولي لانوس 1 ولا 2