مش هخلي حد يمشي عكسب

**rahmanboud** · 22-06-2013 06:35 PM

مصر محتاجة تأهيل الشعب بالكامل من الحاكم والمحكوم علشان الشعب لو فهم صح وإتعلم صح وطبق اللى إتعلمه صح أكيد حيختار رئيس صح
بإختصار المشكله مش مشكلة مرسي وجماعته فقط المشكله فينا كلنا جميعا

**hulkyehia** · 22-06-2013 07:47 PM

اللهم صل على محمد وعلى آله وصحبه أجمعين
ابدأ بنفسك انت الأول صلاتك وصيامك وزكاتك وبعدين انت بتقول انك كسرت اشارة وصاحبك مشى عكس يعنى كل واحد يلتزم الناس كلها هتلتزم والحكاية مش من النهاردة ولا من سنة دى ثقافة شعب اتربى عليها 30 سنة
وربنا يحفظ مصر واهلها ويحقن دماء المصريين

**medo111** · 22-06-2013 08:04 PM

باختصار كلمه لمؤيدين مرسي لو هنفترض ان الناس دي فعلا بتبالغ وجايه علي مرسي اوي ماشي بس هل اصلا مرسي بيعمل حاجه صح يعني حتي الخطابات الي بيعملها كلها اي كلام كلها فضايح دا لو الناس كلها ظالماه وجايه عليه طب انت فين . فين عقلك في خطباتك يا اخي دا بيقولك تكلم حتي اراك لما بيتكلم بتحسو بايه ؟ انو اساسا مش عارف يدور نفسو طب هيدورها ازاي اه هو طيب بس مش فاهم حاجه وهو زي رئيس الوزراء بتاعو محطوطين في المكان دا عشان بسهوله الجماعه تمشي البلد مش عشان هما كفائه
وبردو والنبي محدش يقولي امال مين الي يمسك جبهه الانقاذ لا كلهم ملهمش لازمه كل الي علي الساحه مينفعوش

**mo7a_mo7a** · 22-06-2013 10:17 PM

في ظل الفوضى اللي احنا فيها لو ركبت المطبات دي مش بعيد يعملولك انت قضية اتلاف طريق عام

لك الله يا مصر

تحياتي

**demonarundo** · 25-06-2013 04:12 PM

ما تنتظروش من راجل زى مرسى انه ييجى يربى شعب بأكمله عاش عمره كله عشوائى وغير محترم لنفسه وللآخرين
لو انت نفسك الشوارع تبقى نظيفة , متوقفش سلبى وانت بتشوف واحد بيرمى زبالة فى الشارع
لو عايز أزمة زى البنزين تختفى , بلغ مباحث التموين لو شفت عربية بتفرغ بنزين فى الشارع او محطة قافلة
وفى الآخر احب اقول ان الشعب الان اصبح دمى يحركها الاعلام المأجور