الموضوع: للمرة الثانية يحصل خلل فى دورة التبريد وربنا يستر على الموتور

الكوعه الى فى وش السلندر تمنها 90 جنيه
لو الجزء الى فى الرداتير اتكسر انا فى الانوس شارى رداتير 275 وشغال حلاوة من 3 سنين

المشاركة الأصلية كتبت بواسطة leitosr

وعليكم السلام ورحمة الله,
أولاً الحمد لله أن الموتور لسه سليم, وأنا معنديش معلومات عن سعر الكوعة وأمكانها,
بس حبيت أقولك إن اللي حافظ لك علي الموتور أول مرة هوا في الغال هوا الهوا اللي كان داخل للماتور وسرعة المروحة لأنك ماشي بسرعة, فكان فيه هوا كتير داخل للموتور ومكنتش كل المية نزلت من البلوك ومن المشترك اللي أتكسر وإلا كان الموتور سقف ووقف بيك بعد دقيقن من الحرق.
فيه عربيات لل drag racing مفهاش دورة تبريد مياة,
الموتور بيبقي فيه مياة تبريد بس من غير دورة تبريد لأنها بتعتمد علي تبريد الهوا اللي بيدخل للعربية مع السرعة.!

لمبة الحرارة سواء ف الصيف أو الشتاء متستهونش بيها وأنزل شيك كل شوية علي الموتور وماء التبريد, لأن الغلطة بوش الموتور.

ولالنسبة للمشكلة التانية الكوعة أكيد كانت أتهرت من السخونية بسبب المشكلة القديمة, وكدا كدا ليها عمر أفتراضي ونصيحة مني غير الخراطيم بالمرة لأن عمرهم الإفتراضي في الغالب بيكون 10 سنين, بس لو كان عندك مشاكل في التبريد زي دي قبل كدا يفضل تغيرهم بدري مع الكوعة والترموستات.

هو فعلا الريداتير كان تلج لما رجعت وفتحت الكبوت
اما المية بعد ما لغيت السخن زوتها وخدت 5لتر

اما بقى الكوعة والخراطيم فانا عندى كلة بتاع الفبريكة ماتلمس
والعربية موديل 97 وعلى فكرة حالة الخراطيم والريداتير ممتازة
معادا الخزنة اللى فى الريداتير فى اللى فيها المشكلة

والف شكر ياكبير على مرورك الرائع

المشاركة الأصلية كتبت بواسطة lanos2004

الكوعه الى فى وش السلندر تمنها 90 جنيه
لو الجزء الى فى الرداتير اتكسر انا فى الانوس شارى رداتير 275 وشغال حلاوة من 3 سنين

اللى مكسور عندى الخزنة بتاع الريداتير
ودلوقتى صعب اجيب ريداتير كامل لانة اللى عندى سليم وحالى ممتازة
وكمان دلوقتى هتلاقية عامل 400 ولا حاجة وانا ممعيش حتى احطلها بنزين

المشاركة الأصلية كتبت بواسطة mhopa2440

لو الكوعة اللي فيها الترموستات هي اللي اتكسرت انصحك تشتري الجديدة وتكون جي ام اصلي عشان تنساها وتريح بالك وهتلاقيها فيبر من الومنيوم

اللى اكسر العلبة اللى راجبة فى الريداتير

محدش يارجالة يعرف سعر الخزنة دى كام
لانى سمعت ارقام خيالية عليها