بمناسبه انى بقيت المنسق خدوا الموضوع ده
بسم الله الرحمن الرحيم
النهارده بقيت منسق قسم جيلى و ده شرف ليا اشكر فيه ادارة المنتدى و استاذ باسم منسق قسم الصينى لانه هو الى اختارنى و ان شاء الله اقدر افيد الاعضاء فالخير دايما .. و عشان كده قلت اعملكوا موضوع عن ضمان اميجراند 7 بالتفصيل عشان نبقى عارفين الضمان على ايه و فترة اد ايه
غبور هارينا بجملة ضمان 5 سنوات لكن ده نص الحقيقه فقط لان مش كل حاجه فالعربيه ضمان 5 سنين و تعالوا نشوف هى متقسمه ازاى
ضمان 5 سنين او 100 الف كم ايهما اسبق على الموتور و الفتيس شرط اجراء الصيانه الدورية فالتوكيل
ضمان سنتين او 40 الف كم ايهام اسبق على (المساعدين - السوست-التكيف-الفرش الداخلى) و الاجزاء الكهربائيه و الالكترونية زى (الحساسات-ABS-EBD-Air Bag)
ضمان 12 شهر او 40 الف كم ايهما اسبق على الدهان الخارجى (بوية العربية) و الصدأ
ضمان 12 شهر او 20 الف كم ايهما اسبق على الكاسيت و البطارية
3 شهور او 5 الاف كم ايهما اسبق على قطع الغيار المباعه من غبور و تبدأ من تركيب قطع الغيار و بشرط الاحتفاظ بالفواتير الداله على تركيب قطعة الغيار
كده يبقى احنا فاهمين صح اتمنى الموضوع يعجبكم .. و دى بس البداية و انتظروا مواضيع جديده :10D5C8w1107: