الموضوع: أجيب فيكترا مستعمل ؟ محتاج للنصيحه

المشاركة الأصلية كتبت بواسطة Dr_Smart

الف شكر يا جماعه ربنا يكرمكم

طيب لو نويت اشتري عربية فيكترا مستعمل اعمل ايه ؟

يعني مبدئيا اخد معايا واحد ( صاحبي مثلا ) بيفهم في العربيات

ولا اخد معايا ميكانيكي ثقه واكشف عليها في بنزينة ؟

ولا اكشف عليها في التوكيل احسن واجيب من الاخر ؟؟؟

معلش يا جماعه تاعبكم معايا بس اتمنى انكم ماتبخلوش عليا بخبرتكم

نصيحة ابعد عن سوق الخضار بتاع مدينة نصر هتتعب نفسك على الفاضى
خليك فى الوسيط والاهرام
واحد من اصحابك بيفهم فى العربيات وتنزلوا تبصوا على العربية الاول استريحتولها توديها على سمكرى ثقة انت عارفة يبص عليها , السمكرى قال اوك خدها واطلع على التوكيل
واهم حاجة زى مقولتلك الحالة يعنى مش حد يقولك العربية زى الفل وسعرها لقطة واذا كان على الكام حاجة دول يتلموا والكلام دة , الالمانى صيانتة مكلفة بس اللى هتغيرو هتنساة
من الاخر مش هتلاقى حد بيبيع العربيات دى اذا مكانتش تعباة وفيها مشاكل , ولو حالتها نضيفة وفكر يبيعها لأى سبب عمرة مهيخسف بتمنها الارض