الموضوع: فى حد من اعضاء المنتدى محامى؟.

بخصوص ...؟
اسأل وان شاء الله تلاقي الاجابة

المشاركة الأصلية كتبت بواسطة mr_selvester

بخصوص ...؟
اسأل وان شاء الله تلاقي الاجابة

بص ياباشا

انا مشكلتى ان انا ساكن فى الدور الاول فى عماره من 10 ادوار و هذة العماره على شارعين بمعنى فى شارع على الواجهه و شارع خلفى عرضه 8 متر. من سنتين جيه واحد اجر المحل اللى تحتى و فتحه مطعم حضرموت اللى هو بتاع الكباب و الكفته و المشويات و من هنا بداء المشاكل و الخناقات. المشكله هى انه حاطيط الشوايه بتاعة الاكل و عين نار تسويه للاكل مفتوحه 24 ساعة داخل المحل و بالتالى فى حراره جامده جدا جوه المحل فتخلى حراره السقف بتاع المحل عاليه و بالتالى الارضيه بتاعة الشقه عندى سخنه نار نار لدرجه ان الواحد لازم يفضل لابس شبشب طول اليوم جوه الشقه بالاضافه الى سخونة الشقه من الحراره اللى طالعه من الارضية . طبعا انا كلمته ميت مره و كل مره يشغل مراوح شويه و بعدين يسكت فترجع الحراره تانى غير طبعا الدخان اللى بيطلع من الشارع اللى وراه من الشوايه و الناس اللى ساكنه فى الشارع اللى واره اتخانقو معاه و راح عامل مدخنة بس لما جيه يعمل المدخنه لم يقم بعمل اى نوع من انواع العزل ليها و المدخنه ديه جمب عمود فبالتالى العمود اللى جمب المدخنه سخن جدا و هذا يؤدى الى انفصال الحديد المسلحه الموجود جوه العمود عن الخرسانه بتاعه العمود و داه ممكن يوقع البيت و لما كلمت صحاب العماره كان ردهم هنعمل ايه يعنى هنكلمه و مره اصل هو معاه عقد ايجار ب 14 سنه فا مش هنعرف نعمله حاجه و فى سلبيه متناهيه فى الرد.

انا مش عارف اعمل ايه ؟. هل ارفع عليه قضيه بس فى ناس قالتالى ولا ليها اى لازمة . طب اعمله محضر فى القسم ؟. فى ناس قالتالى المحضر هيتخفظ و هيبقى محضر اداراى و برده ولا ليه اى لازمة. و طبعا فى الحى بتاعنا الناس مش بيتحركو خالص.

انا مش عارف ايه الحل؟.