مشكلة في جلد طارة باسات و سروجي كويس؟

**MIVEC.A92** · 23-06-2013 01:13 AM

سلام عليكم.

دلوقتي في عربية باسات عاملة 230 الف كيلو و كانت بتتنضف كل فين و فين و دلوقتي رحت غسلتها و كدة لقيت الطارة علي طبقة عاملة زي الرصاص نفس لون قلم الرصاص حولين الطارة داير داير بس ظهرها سليم و لونه كويس... دلوقتي انا عايز اعرف لما العربية غسلتها الجلد اتقشر ولا ايه اللي حصل. الطارة بقت شكلها وحش جدا.

المهم عايز اعرف الطبقة دي تحت ولا فوق؟ يعني دي تقشيرة و ولا اتعملت فوق الجلد و ممكن تتشال؟

و لو متشلتش شكلها وحش جدا جدا دلوقتي فانا شوفت ان جينز كار بيعمل جلد للطارة كويس جدا و كلمتوا قالي الخامات بقالها فترة مجتش و ميعرفش هتيجي امتي... دلوقتي انا عايز انضف سروجي في البلد مش مهم سعره بس العربية ترجع. و لو مش هينفع بيانات علي العام عشان هتبقي اعلان يا ريت حد يبعتلي تفاصيل علي الخاص. بس يا ريت يكون حد شاف شغله لأن صاحب العربية اتضايق مني جدا لما غسلتها و حصل اللي حصل. فعلا الطارة بقي شكلها قبيح جدا.

**ahmed_h_g** · 23-06-2013 02:44 AM

أنا برضه محتاج سروجى نضيف يعملى فرش سقف زي شغل جينز كار

**MIVEC.A92** · 24-06-2013 03:05 AM

للرفع

**akrumcs** · 24-06-2013 02:57 PM

متابع

**windofchange** · 24-06-2013 03:20 PM

متنضف الطبقة ديه بالراحة كده وبمنظفات مخصوصة للعربية....

**MIVEC.A92** · 25-06-2013 02:34 AM

الطبقة متقشرة مش فوق الجلد

**Ahmed Selim** · 25-06-2013 09:17 AM

ممكن تشوف جينز كار.........بس هما عندهم خامات مخصوصة للدركسيون و ساعات بتكون مش متوفرة

و فيه سروجي ممتاز في الحرفيين اسمه حربي.....بس مشكلته في الوقت.......بياخد وقت طويل شوية.....يعني ممكن تسيبها عنده يوم او اتنين علشان يخلصها بس شغله ١٠ على ١٠

**Hossam_hassan4** · 26-06-2013 03:17 AM

جرب بمفتاح كده تشيلها و جرب اول مره كده جامد شويه لانها لو طبقه فوق بتبقي سميكه مش بتتقشر بسهوله لو لقيتها بتتطلع حاول تدور علي طريقه تشيلها بيها و لما تلاقي ان شاء الله قوالي علشان انا عندي نفس الموقف :d