-
شاري 405 من شهر
وعايز اعرف شويه حاجات عنها من اللي معاهم العربيه من زمان اولا عربيتي 405 موديل 1993 1600 عند تغيير زيت الموتور بتاخذ كام كيلو لاني في اول غيار حطيت 3.5 ك كما قال لي البعض ولكني عندما شوفت مقاس الزيت في الصباح وجدته عند العلامه السفلي فمش عارف ازود شويه ولا كده كويس ثانيا العداد الصغير علي يسار لوحه العدادات بتاع ايه بالضبط ثالثا العربيه بتسخن لان الرادياتير فيه شرخ بينزل الميه فلو حبيت اشتري واحد جديد يكون سعره كام ولو استيراد يبقي سعره كام وشكرا للجميع
-
انت قست الزيت والعربية سخنة ولا وهيا باردة علشان هاتفرق جامد
-
ماتور 405 ال 1600 بياخد:
4.5 لتر زيت من غير تغير فلتر الزيت
5 لتر زيت لو هتغير زيت و فلتر الزيت
الكلام دة من كتالوج العربية
-
تمام زي ما استاذ محمود قال
405 بتاخد 4.5 لتر زيت بدون فلتر و 5 لتر مع تغيير الفلتر
-
بالنسبة للعداد الصغير في الموديلات الاحدث بعد 94 بيبقى عداد البنزين اعتقد عند حضرتك هو عداد الحرارة ممكن حضرتك تورينا صورته او تقولنا اي علامه فيه لانه بيختلف حسب موديل العربية
بالنسبة للسخونة هوالمؤشر بيبقى على كام ؟ العادي بتاع العربية دي ما بين 85 ل 90 لكن لو في شرخ فعلا في الردياتير يبقى لازم تغيره ضروري بس بصراحة معرفش سعره بالظبط
-
لو عايز الرادياتير جديد ممكن تسأل علي سعرة في التوكيل وعند المسيري في شارع مجلس الأمة دا أسرع لك أو تسال بشمهندس هيثم في الموضوع دا.
http://www.nilemotors.net/Nile/188597-a.html
والأستيراد هتلاقيه في وكالة البلح عند كل بتوع البيجوهناك.
ونصيحة متستهونش بالرادياتير اليومين دول وغيرة قبل أي حاجة,
عشان العربية متسخنش منك أكتر من كدا وتجيب وش السلندر.
وقيس الزيت تاني الصبح وهيا العربية باردة, لو ناقص زودة نص لتر من نفس النوع اللي حطيته وأمشي بيها عادي اليوم دا,
وتاني يوم أبقي قيسة تاني وهيا باردة الصبح وشوف لو لسه ناقص زودة نص لتر كمان.
"متزودش اللتر كله مرة واحدة"
وغلط تمشي كدا بالعربية زيت ناقص, وشرخ في الرادياتير بينزل المية !!
-
الموتور بياخد 5لتر زي بالفلتر، والردياتير يفضل تشتريه جديد من شارع مجلس الأمة كذا واحد متخصص بيجو
-
شكرا لكل الاخوه الاعزاء وبالنسبه لوقت قياس الزيت بيكون الصبح والعربيه بارده وان شاء الله هزوده كمان لتر علي مرتين كما قال الاخ ليتو وبالنسبه للردياتير هغيره علي طول لاني طلعت النهارده مشوار لايزيد عن10 كيلو متر وعلي مارجعت كان موشر الحراره علي95 والعربيه مطلعه بخار من الموتور والله بصراحه خفت افتح الكبوت وربنا يستر وشكرا للجميع مره اخري
-
امبارح رحت للميكانيكي وحليت الردياتير ووجدت فيه شرخ فذهبت الي منطقه الحسينيه بالمنصوره وسالت علي الردياتير جديد وجدته ب700 جنيه واشتريت واحد استعمال خارج ب300 جنيه وركبته والحمد لله العربيه معدتش بتسخن زي الاول
-
بس المروحه مش بتشتغل الا لما الموشر يوصل 90 فهل ده طبيعي ولا اغير ساعه الردياتير(الترموستات)
Content Relevant URLs by
vBSEO 3.6.0 PL2