| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 4 1 2 3 4 الأخيرةالأخيرة
النتائج 1 إلى 10 من 34

  1. #1

    الصورة الرمزية Ashraf_Ibrahim

    رقم العضوية : 73872

    تاريخ التسجيل : 26Jun2010

    المشاركات : 5,623

    النوع : ذكر

    الاقامة : Shubra

    السيارة: Fiat 131, 1300, 1976

    السيارة[2]: Hyundai Verna 2010 Gl

    دراجة بخارية: لا يوجد

    الحالة : Ashraf_Ibrahim غير متواجد حالياً

    افتراضي عملت حادث وعربيتي لا زالت محجوزة في القسم ! - Facebook Twitter whatsapp انشر الموضوع فى :

    hasad">

    الحمد لله رب العالمين
    ربنا شاء اني اعمل حادث بالعربية يوم الخميس في تمام الساعة 1.30 ظهرا
    انا كنت راجع عن طريق الكورنيش متجه لشبرا الخيمة فلقيت ان الطريق واقف فدخلت يمين عشان اخدها من جوا من وسط مجمع مدارس

    داخل الطريق ماشي على 20 تقريبا عشان على الصفين العربيات واقفة صف اول وتاني فبالتالي الطريق رايح جاي فمش مستحمل اي سرعة اصلا !
    من الجهة اليسرى عربية بوليس طالعة من احد المعاهد انا شفتها فوقفت عشان اديله المجال انه يدخل الطريق -يعني انا واقف-
    ظهرت فجأة عربية لانوس منطلقة بسرعة عالية جدا جاية في المقابل -في تقديري كانت 100 تقريبا- (الطريق ميستحملش سرعة اكتر من 40 اساسا )
    اصطدم بالجانب الايمن بتاعه في عربية البوليس
    من قوة الصدمة اتنطر بالعربية في اتجاهي وقام داخل بالجانب الايسر بتاعه في الجانب الايسر عندي !
    طبعا الاضرار زي مانتوا شايفين !

    اللانوس:-







    اللانوس من الجهة اليسرى اللي خبطني بيها اكصدام وفانوس وتقريبا المقص اتكسر لأن العجلة الشمال مكسورة تحت العربية وفرقعت كمان

    اما من الجانب الايمن اللي خبط بيه عربية البوليس فاكصدام مكسور والفانوس مكسور من تحت والرفرف زي مانتوا شايفين

    عربيتي:-











    اما سياراتي زوزو المحترمة فالرفرف والباب وكسر في شفة الاكصدام ممكن تتلحم عادي يعني
    دا بيثبت ان الفيرنا قوية الحمد لله :]
    وان اشاعة ان اللانوس قوية وصاجها قوي دي مقولة ليس لها أي اساس من الصحة مطلقا :]
    المهم نزلنا وجبت اللي سايق العربية اللانوس وصوتنا علي وبتاع فخرج معاون المباحث فقلتله انا مش متحرك من هنا غير لما اعمل محضر ومش همشي غير لما اخد حقي ! فقالي حقك طبعا وقلنا رخصكم لو سمحتم
    اديتله رخصتي ورخصة العربية فقال للتاني رخصك فقله حاضر هجيبها من العربية
    اللي راح يجيبها من العربية قام جاري وهرب وساب العربية !
    كدة فهمنا ان العربية دي مسروقة وانها مش عربيته !
    أصريت اني اعمل محضر وبالفعل بعت القسم ونش رفع العربية اللانوس عشان مش بتتحرك اساسا وعربيتي واحد خدها وداها القسم هي ماشية عادي
    اتحجزت عربيتي والعربية التانية ومضيت على المحضر !

    طبعا سبب حجز عربيتي حاجتين ان الطرف التاني مش موجود اساسا فعشان يتعمل فحص فني ليها وتتقدر تكلفة التلفيات قد ايه بالضبط

    الحاجة التانية ان رخصة العربية منتهية وخرجت من فترة السماح

    لقيت مأمور القسم –حاجة كدة معلق نسر و3 نجوم- بيقلي انا هحجزك انت كمان !

    قلتله نعم انا اتحجز ليه بقا ؟!

    دانا المجني عليه وانا المتضرر !

    قلي ايوة انت المجني عليه بس انت سايق برخصة مركبة منتهية ودي لوحدها جنحة جنائية !

    قلتله بص حضرتك انا راجل دكتور مش هينفع اني اتحجز او ابات في الحجز دي خالص

    شوف اي حل تاني غير دا

    فنده على الأمين قله اعمله محضر وخليه يمشي وييجي بكرة علشان النيابة
    خلصنا المحضر فعلا وخدت بطاقتي ومشيت

    بعدها ب 4 ساعات لقيت الأمين اللي عملي محضر بيقلي العربية طلعت مسروقة وصاحبها جالنا وكان عاوز يبوس راسك عشان عربيته رجعت وكدة قلتله طيب خير الحمد لله رب العالمين

    وعلى الساعة 1.30 بالليل لقيت حد بيتصل بيا بيقلي انا فلان الفلاني محامي المهندس فلان الفلاني
    فقلتله ايوة اهلا وسهلا اؤمرني ؟!
    قلي انا بكلم حضرتك بخصوص العربية اللانوس اللي خبطت حضرتك النهردة
    العربية دي موجودة في قسم اول شبرا الخيمة !
    قلتله دا حقيقي فعلا
    قلي العربية دي اتسرقت من 3 ايام من النزهة الجديدة وعملنا محضر في قسم النزهة وحصلت مفاوضات مع اللي سرقوها وكانوا طالبين 30000 جنيه عشان يرجعوها
    واحنا عاوزين نشكرك انك اصريت انك تعمل محضر وان العربية تتحجز وانك ممشيتش وبتاع وكدة
    وانهم هيقابلوني بكرة في النيابة عشان اجراءات الافراج عن العربيتين
    في الواقع انا كنت مضايق وحزين على عربيتي جدا
    ولكن لما العربية دي رجعت لصاحبها انا فعلا مبسوط اني كنت سبب انها ترجع
    اكيد اللي عند ربنا مبيروحش الحمد لله رب العالمين :]

    يتبع بما حدث في النيابة :]

    Ashraf_Ibrahim


  2. #2

    الصورة الرمزية Ashraf_Ibrahim

    رقم العضوية : 73872

    تاريخ التسجيل : 26Jun2010

    المشاركات : 5,623

    النوع : ذكر

    الاقامة : Shubra

    السيارة: Fiat 131, 1300, 1976

    السيارة[2]: Hyundai Verna 2010 Gl

    دراجة بخارية: لا يوجد

    الحالة : Ashraf_Ibrahim غير متواجد حالياً

    افتراضي -

    تاني يوم روحت بعد صلاة الجمعة عشان اشوف قصة النيابة دي
    كلمت صاحب العربية اللي بيقول انها مسروقة عشان يقابلني في النيابة
    وكان فيه واحد وقت الحادثة رجع وقال انا شاهد وانا شفت كل حاجة وعاوز أشهد فاتصلت بيه برده
    بصراحة الشاهد المهندس عاطف راجل محترم جداااااااااااااااااا وصل قبلي بنصف ساعة وفضل معايا من 1.30 لحد 5 لحد ما دخلنا وخلصنا الموضوع مع وكيل النيابة جزاه الله خيرا وشهد بالحق ولا زاد ولا نقص شيء
    جه صاحب العربية المهندس محمد !
    قلتله اهلا وسهلا وقعدنا وشربنا قهوة وحاجة ساقعة وبتاع وبدأت أدردش معاه عشان أستبين منه بعض المعلومات اللي تخليني اقرر ان كانت عربيته فعلا مسروقة واللا دا فيلم معمول عليا عشان اتنازل عن المحضر وخلاص !
    بدأته السؤال هو حضرتك ساكن فين ؟!
    قال في النزهة الجديدة في مصر الجديدة
    قلتله اهلا بيك
    سألته طيب حضرتك عربيتك مسروقة من امتى ؟!
    قال انها مسروقة من يوم الثلاثاء !
    سألته طيب اتسرقت منك ازاي؟!
    قال بلطجية ثبتوه على الدائري وخدوها منه بالاكراه
    تعاطفت معاه الحقيقة !
    قلتله طيب حضرتك عملت محضر ؟!
    قلي لا معملتش محضر -هنا بدأت أشك -
    قلتله طيب معلش هو حضرتك عرفت ازاي ان عربيتك موجودة عندنا في قسم أول مدينة نصر وانت مش عامل محضر وبالتالي مفيش نشرة بعربيتك او حاجة ؟!
    قالي المحامي بتاعي هو اللي شافها وبلغني !
    قلت في بالي آه انت عبيط والمفروض اني اصدق بقا !
    يعني المحامي بتاعك بالصدفة عدا من جنب قسم اول شبرا الخيمة وشاف عربيتك اللي مش باين ليها ملامح وهي مرمية فوق الرصيف وعرفها بالصدفة واتصل بيك خلاك تيجي تعمل محضر في نفس اليوم في قسم شبرا الخيمة ان العربية مسروقة !
    لا دا كلام ميدخلش عقلي خالص !
    العربية دي مش مسروقة واللي كان سايقها حد قريبك او حد تبعك بس مكانش معاه رخص ليها خالص وانت عشان تطلع نفسك منها وتشيل اي شبهة جنائية او مسؤولية قانونية عليك قلت انها مسروقة !
    قلتله تمام تمام
    قالي ان البلطجية اتصلوا بيه وكانوا طالبين منه 30000 جنيه عشان يرجعوله عربيته
    جه وكيل النيابة فقمنا عشان نطلع
    فقبل ما نطلع بقا بيقلي حضرتك تتنازل بقا ونعمل محضر تصالح وكدة
    قلتله تحت أمرك طبعا اعملك اللي انت عاوزه بس صلحلي عربيتي الاول وبعدها اعملك اللي انت عاوزه !
    قالي يعني هعد ألف وراك عند السمكرية واللا ايه انا مش فاضي !
    قلتله لا خالص يا فندم حضرتك هتجيب ونش يرفع العربية يوديها التوكيل ونشوف تكلفة تصليحها قد ايه تدفعه واجي اعملك محضر التصالح اللي انت عاوزه انا تحت أمرك
    قلي هو انا اللي خبطك او انا اللي كنت سايقها اصلا؟!
    قلتله لا مش حضرتك بس دي عربيتك وبعدين عربيتي دي كانت سبب ان عربيتك المسروقة- على حد ما بتقول وبتكدب يعني- انها ترجعلك وبعدين يا سيدي انت كان مطلوب منك 30000 جنيه عشان يرجعوهالك من البلطجية انا مش بقلك هات فلوس انا بقلك صلحلي عربيتي بس مش طالب منك اكتر من كدة
    قالي انا مش هصلح حاجة ومش هدفع حاجة !
    قلتله براحتك خالص على فكرة :]
    راح قايلي انا اصلا مش عاوز العربية ومش هطلع لوكيل النيابة انا همشي !
    قلتله براحتك لو مش عاوز تطلع تقدر تمشي مع السلامة
    قالي انا همشي ايوة مش هطلع
    قلتله مفيش مشكلة خالص بس خلي بالك ! انا هطلع لوكيل النيابة وهبلغه انك جيت وكنت موجود وانك امتنعت عن الحضور وهعملك محضر ضبط واحضار بقوة القانون وهتيجي غصبن عنك !
    وقمت سايبه وقمت طالع لوكيل النيابة
    فعلا بلغتهم ولسة هنعمل محضر لقيناه طالع ورانا -طب مكان من الاول واللا لازم الواحد يبان انه هيئذيك يعني -
    دخلنا لوكيل النيابة بص في البطايق
    استريح يا دكتور قلي اتفضل احكي ايه حصل ؟!
    قمت حاكيله اللي حصل بالتفصيل
    فسأل التاني انت عملت محضر بسرقة العربية ؟!
    قله لا معملتش
    قله ازاي يعني معملتش ؟! دا اللي بيتسرق منه موبايل بيعمله ازاي معملتش محضر !؟
    قله انا كنت تايه ومش عارف اعمل ايه وكنت قاعد بلف على عربيتي في الشوارع
    راح وكيل النيابة باصصله بصه غريبة كدة وقله مفهوم مفهوم
    ماشي
    سكت شوية وقله يا باشا انا لسة كان عندي محضر سرقة للشقة يوم الثلاثاء ومراتي عندي مشاكل زوجية معاها وانا تعبان وتعبت من النيابات والمحاكم ومش معايا فلوس وبتاع
    قلت في بالي هو البلد كلها مفيهاش حد يتسرق غيرك واللا ايه وكله يوم الثلاثاء عربيتك تتسرق يوم الثلاثاء وشقتك تتسرق يوم الثلاثاء دانت فاضي بقا وتروح تعمل محضر للشقة وتنسى تعمل محضر للعربية ؟!
    دانت كداب كدب الابل يا اخي !
    وكيل النيابة قله ايوة مفهمتش انت عاوز ايه يعني ؟!
    فسكت قاله انت خايف متاخدش عربيتك ؟!
    لا هديهالك متقلقش وقام قلنا اتفضلوا برا وهبلغك قراري ايه :]
    انتظرنا برا وبعد 10 دقايق وكيل النيابة طلبني
    قلي بص يا دكتور القرار كالتالي حضرتك هتروح دلوقتي تستلم رخص عربيتك ورخصتك وتستلم العربية فورا من القسم
    قلتله طيب مطلوب مني اي غرامات او اي مصاريف !؟
    قلي ابدا مش مطلوب منك اي حاجة خالص :]
    شكرته وخرجت وطلعت على القسم
    رحت استلمت رخصتي فعلا لكن مرضيوش يسلموني العربية او رخصتها !
    عشان الرخصة بتاعة العربية منتهية !
    قلي هنديلك جواب لمرور مدينة نصر اللي عربيتك تبعه وتجبلنا من هناك شهادة بيانات وتيجي مرور شبرا الخيمة تجيب مهندس يعمل تقرير فني للعربية ويحدد التلفيات قد ايه بالظبط وبعد كدة نبعت رخصة العربية على مرور مدينة نصر ونحررلك مخالفة القيادة برخصة مركبة منتهية وبعد كدة نسلمك العربية بإيصال لحد ما تجدد الرخصة
    قلتلهم شكرا قمت واخد رخصتي ومشيت ولسة هكمل الحجات دي بقا :]

    Ashraf_Ibrahim


  3. #3

    الصورة الرمزية fares_311

    رقم العضوية : 129141

    تاريخ التسجيل : 05Sep2012

    المشاركات : 495

    النوع : ذكر

    الاقامة : Alex, Egypt

    السيارة: Fiat-Uno 1.0 M.T 1993

    السيارة[2]: Seat-Leon 1.6 2012

    دراجة بخارية: None

    الحالة : fares_311 غير متواجد حالياً

    افتراضي -

    حمد الله على سلامتك....بس الشخص التاني حصل معاه ايه؟؟

    Best Regards
    [S]
    F.@.®.€.S
    [/S]


  4. #4

    الصورة الرمزية al_manara

    رقم العضوية : 1746

    تاريخ التسجيل : 14Aug2007

    المشاركات : 3,208

    النوع : ذكر

    الاقامة : القاهرة

    السيارة: .......

    السيارة[2]: Hyundai Excel GLS

    دراجة بخارية: .......

    الحالة : al_manara غير متواجد حالياً

    افتراضي -

    متابع .

    وحمدا لله علي سلامتك


  5. #5

    الصورة الرمزية amoor89

    رقم العضوية : 23252

    تاريخ التسجيل : 26Oct2008

    المشاركات : 691

    النوع : ذكر

    الاقامة : البحيرة

    السيارة: hyundai excel 94

    السيارة[2]: daewoo lanos1 99

    دراجة بخارية: ده اختراع ابن تيت بيموت

    الحالة : amoor89 غير متواجد حالياً

    افتراضي -

    حمد لله على سلامتك وفداك مليون عربية المهم سلامتك
    بس الراجل صاحب العربية ده كدااااااااااااااااااااااا ااااااااااااب الحوار مش راكب على بعضه واكيد اللى سايق كان ابنه او حد قريبه مش معقول عربيتى هتتسرق وهقعد ساكت من غير حتى محضر حتى لو كنت عارف انه ملوش لازمة بس على الاقل يبقى عند الشرطة علم عشان ممكن العربية تقف فى كمين بالصدفة زى ما حصل مع ناس كتير وعربياتهم رجعت بالطريقة دى
    اسف على الرغى الكتير ده
    وحمد لله على سلامتك تانى مرة


  6. #6

    الصورة الرمزية Optiplex

    رقم العضوية : 118828

    تاريخ التسجيل : 08Jan2012

    المشاركات : 523

    النوع : ذكر

    الاقامة : cairo

    السيارة: Corolla 2014

    السيارة[2]: lancer2011

    دراجة بخارية: noo

    الحالة : Optiplex غير متواجد حالياً

    افتراضي -

    ربنا يهديللك الحال يا دكترة و مستنى اعرف التفاصيل معاك


  7. #7

    الصورة الرمزية Muahmmad Honda

    رقم العضوية : 143348

    تاريخ التسجيل : 13May2013

    المشاركات : 452

    النوع : ذكر

    الاقامة : القاهرة

    السيارة: سيتروين Ax 1.4

    السيارة[2]: Honda Civic 94

    الحالة : Muahmmad Honda غير متواجد حالياً

    افتراضي -

    الف سلامة و اهم حاجةان حضرتك بخير ... الراجل صاحب الانوس دة حصله ايه يا ريت نعرف و عموما هو راجل كداب و دي تمثيلية عملها المحامي بتاعه عشان يخرج ابنه او الشخص اللي كان سايق من القصة ... :) متابع

    بسم الله ما شاء الله و لا حول ولا قوة الا بالله [rmade]http://nileup.com/up/uploads/nilemotors_13689759171.jpg[/rmade]


  8. #8

    الصورة الرمزية shaddadfalcon1

    رقم العضوية : 22704

    تاريخ التسجيل : 20Oct2008

    المشاركات : 6,911

    النوع : ذكر

    الاقامة : Alexandria-Sidi Bishr

    السيارة: ربنا يسهل

    السيارة[2]: Daweoo Lanos 1 model 99

    دراجة بخارية: لا

    الحالة : shaddadfalcon1 غير متواجد حالياً

    افتراضي -

    الف سلامه وشكل وكيل النيابه شاطر ولئيم وفاهم الراجل كويس

    بس اللي مستغربله ازاي البوكس مجراش ورا الواد اللي كان سايق اللانوس؟


  9. #9

    الصورة الرمزية elmo7amed

    رقم العضوية : 130444

    تاريخ التسجيل : 20Oct2012

    المشاركات : 463

    النوع : ذكر

    الاقامة : ايتاى البارود

    السيارة: قريب ان شاء الله

    السيارة[2]: ACCENT RB 2012

    الحالة : elmo7amed غير متواجد حالياً

    افتراضي -

    حمد الله على السلامه يا دوكــتور بس عمل ايه وكيل النيابه مع الشخص التانى دا وانت اخدت حقك منه ولا ايه


  10. #10

    الصورة الرمزية msobhy

    رقم العضوية : 13332

    تاريخ التسجيل : 21Jun2008

    المشاركات : 3,084

    النوع : ذكر

    الاقامة : Giza

    السيارة: Lanos I -2000

    السيارة[2]: Elentra HD 2010

    دراجة بخارية: Soon ISA

    الحالة : msobhy غير متواجد حالياً

    افتراضي -

    hasad">

    الف سلامه عليك يا دكتور وان شاء الله خير

    أبو مروان -------- أسألكم الدعاء لوالدتى بالشفاء ..... يا رب



 
صفحة 1 من 4 1 2 3 4 الأخيرةالأخيرة

المواضيع المتشابهه

  1. عملت حادث اليم بالياريس
    بواسطة mohamedkandel في المنتدى تـويوتـــا
    مشاركات: 15
    آخر مشاركة: 10-02-2013, 12:26 AM
  2. عملت حادث , والحمد لله على كل شئ
    بواسطة sehry في المنتدى نيـــــــــسان
    مشاركات: 24
    آخر مشاركة: 01-04-2011, 08:45 PM
  3. انا عملت حادث و مىش عارف ا رخص
    بواسطة adhammm في المنتدى ساحة المرور وموضوعات التأمين في مصر
    مشاركات: 23
    آخر مشاركة: 07-01-2011, 04:53 AM
  4. عملت حادث بس الحمد لله على كل شىء
    بواسطة slayer في المنتدى قـــــسم التهانى و المناسبات و الواجبات
    مشاركات: 66
    آخر مشاركة: 16-06-2009, 07:50 PM
  5. عملت حادث انهردة باليارس...... :-(
    بواسطة moudyman في المنتدى تـويوتـــا
    مشاركات: 12
    آخر مشاركة: 29-10-2008, 04:12 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2