الموضوع: مشكلة فى فتيس الاتوماتيك a4 والحمدلله اتحلت

المشاركة الأصلية كتبت بواسطة samiazab

انا حبيت انقل الموضوع للمنتدى للافادة انا معايا a4 2003 اتوماتيك وحصلت معايا مشكلة وانا مسافر الاسكندرية من الشرقية والطريق كان زحمة جدا واخدت الطريق فى 6 ساعات بسبب الزحمة المهم ان لما وصلت اسكندرية لاقيت الفتيس بيهيس خالص وبيحرق على الغيارات يعنى بدل ما يغير على rpm 2.5 لا كان بيغير على 3.5 وصوت العربية يعلى على ما يغير وبيبقى فيه نتشة فى الغيار المهم الحمدلله وصلت بالسلامة وطلعت نمت وتانى يوم دورت وبجرب لاقيت الفتيس شغال كويس لغاية ما العربية سخنت تانى وبدا التهييس تانى المهم دخلت على المنتدى وعرفت مركز اسمه tvag بتاع سكودا وفولكس المهم طلعت عليه وهو مكانه على اول الطريق الزراعى وبصراحة المركز كان شغال فى 9 عربيات كلهم اسكودا فأطمنت المهم فضلت قاعد لغاية ما العربية بردت خالص وبدا يكشف عليها وهو كان شاكك فى المبرد بتاع الفتيس وفعلا طلع مكتوم خالص ولاقيته عندهم جديد ب2000 جنيه واستيراد ب950 جنيه والتركيب خدوا 80 جنيه والحمدلله المشكلة اتحلت

اولا الحمد للة ان المشكلة اتحلت
ثانيا انا حاسس ان الكويلر دة كدة سعرة غالى اوى