الموضوع: مشرف القسم ومساعده عاملين اعاره فى قسم فولكس اللى عاوز يستفاد يروح هناك ههههههههههههه

المشاركة الأصلية كتبت بواسطة nesr6060

انا دخلت على قسم فولكس انهرده علشان اشوف المواتير وانواعها وايه اخبار المكنه ال 1400 سىسى لاقيت المفجاه

لاقيت ان سيد باشا و كريم باشا خبراتهم موقفتشى عند الابيزا وبس لا ده انا لاقيتهم هناك بيتكلموا عن الجولف والبولو
عاوزين الصصراحه انا استفدت هناك اكتر من هنا خاصه منهم ده معلوماتهم كلها هناك يا جدع
يمكن احنا اللى غلطانين علشان مش عارفين نستفيد منهم :n_no[1]:

المهم انا شوفت المواضيع اللى هناك وشوفت مواتير كتير نفس المشكله بتاعتى ان البوجيهات بتعرق زيت والعربيه بتلت وبتفصل نفس الكلام اللى قالهولى الميكانيكى و الكبس بيهرب فى الكربراتير

المهم وانا بدور لاقيت كل ملاك الجولف 4 بيشتكوا من الموتور ال 1400 سىسى 16 صباب ليه ده الموتور اللى عاجبنى وبفكر اسقطه هو فيه مشاكل ولا حاجه يا جدعان ولا ال 1400 ال 8 صباب احسن منه يريت حد يفدنى فى ده

بالنسبه لعفشه عربيتى كانت لموتور 1300 سىسى هاف انجيكشن و الطرمبه عندى ورا تحت الكرسى يعنى مش هحتاج طرمبه المشكله دلوقتى هو انا لو حبيت اسقط الموتور ال 1400 16 صباب لازم اغير العفشه

طيب انا مش عاوز اغير العفشه العفشه لسه جديدهه وكويسه وماشتكتشى منها ليه اروح اجيب استراد وتبقى هلكانه ياريت تفدونى اعمل ايه علشان اسقط الموتور ده من غير ما اغير العفشه ودى اول مشكله اقابلها لغايه دلوقتى ياريت يكون ليها حل انا نفسى اسقط مكنه 1400 سىسى 75 حصان 16 صباب
اللى سمعته ان المكنه ال 1400 ال 101 حصان ملهاش قطع غيار وتعبانه علشان كدا قولت بلاش طيب ايه رايكوا فى ال 75 حصان وقطع غيارها اخبارها ايه ووالفتيس بتاع عربيتى ينفع عليها ولا لازم اجيب فتيس جدبد اصل معتقدشى ان الفتيس يفرق اوى بين ال 1400 و ال 1300 ولا ايه رايكوا انا يا جدعان مش عاوز ادخل فى مصاريف كتيره خاصه عندى فى البيت مش مقتنعين بالتسقيط وعاوزين اعمله نص عمره وانا الصراحه مش عاجبمنى ال 1300 شايفه موتور تعبان اوى

مش فاهم قصدك ايه بكلمة (ده معلوماتهم كلها هناك يا جدع) !!!!!
يا ريت لما حضرتك تحب تتكلم يبقى يكون عن لسانك وليس لسان باقى الأعضاء (يمكن احنا اللى غلطانين علشان مش عارفين نستفيد منهم)
من الواضح ان المشكلة عندك لأن بفضل الله مفيش حد قال الكلام ده قبل كده
حضرتك اللى بتستسهل ومش بتحب تتعب نفسك وتبحث فى المواضيع وكل حاجة عايز تعرفها بتعمل ليها 3 - 4 مواضيع واحنا سواء منسق او مساعد او اعضاء مش فرض علينا اننا نفضل نعيد ونزيد فى نفس المعلومة
الكلام اللى حضرتك اتفاجأت بيه فى قسم فولكس احنا قولناه قبل كده فى قسم سيات ولو تحب اجيبهولك مفيش مشكلة

عموما نقول تانى
بلاش الـ1400 الـ2 كامة لأن ده للابيزا موديل 2000 - 2002
انا مش بقول انه مش هيركب
خليك أحسن فى الموتور الـ 1600 الـ75 حصان الكود بتاعه aee او alm او ahs
الموتور بالفتيس بالضفيرة بالكونترول هيكونوا أرخص من الـ1400 الـ2 كامة
الفرق بينه وبين الـ1400 الـ2 كامة انه 8 صباب مش16 وده هيوفر معاك بنزين وصيانة أرخص
والعزم بتاعه أعلى من الـ1400
عزم الـ1600 = 135 نيوتن
عزم الـ1400 الـ2 كامة = 128 نيوتن
موتور فول انجيكشن 4 رشاشات 75 حصان وقطع غياره هى نفس قطع غيار الـ1000 والـ1400 الـ1 كامة
العفشة بتاعتك تركب مفيش مشاكل بس قدام شوية ابقى غير الطنابير وجهاز الفرامل قدام وهاتهم أكبر