العربيه الf3 عملالي جنان و عجبااني جدا و نويت اشتريها بس عايز مساعديتكوا . انا عايز اجيب واحدة موديل 2008 .
عايز اعرف سعرها كام دلوقتي لو حالتها كويسه , و الكلام الباقي كله بتاعكوا انتوا اللي عايز يفيدني بمعلوومة يبقي كتر الف خييروا :wink10:
كان معكم و يحدثكم اخوكوا ابراهيم :camera2:
ربنا يكرمك ان شاء الله وتجيبها .... اللى اعرفه عنها انها سياره كويسه جدا وحموله وغالبيه العفشه بتاعتها بتاعه التويوتا الكورولا .
كفايه انها شغاله تاكسى تبقى بتاعه شقى و حماله قسيه و هتلاقى قطع غيارها متوفره
اسمع انها عفشه الكرولا و موتور اللانسر
شكرا لردودكوا . انا عارف حاجات كتير عنها و دارسها كويس
و قررت اشتريها ان شاء الله بس عايز حد يفيدني فموضوووع السعر بتاع موديل 2008 و لو حد قدامة عربية ممكن يدلني عليها .
اين انتم يا رجال المنتدي :36_2_33:
استاذ باسم نجيب و استاذ ايهاب بوب , ابو جني
دا انا مزاكر القسم بتاع الbyd كويس يعني بالناس اللي فييه والله :B4_007:
لا والله يا فندم مفيش قدامي عربية حد بيبيعها .. بس السؤال هنا اشمعنى 2008 .. ليه مش 2007 أو 2009 أو بعد كدة ؟!اقتباس:
المشاركة الأصلية كتبت بواسطة aghour1111
ممكن تدور على النت (كونتاكنت كارز مثلاً) وتشوف المعروض أيه وتروح وتعاين على الطبيعة ويكون معاك حد بيفهم كويس في تقليب العربيات .. والله الموفق إن شاء الله .
أما بالنسبة للسعر فده بيختلف من عربية لعربية (لو هي نفس الموديل) على حسب الحالة العامة ليها .
فى كونتاكت كارز عربية 2008 ... معروضة للبيع ...
بس طبعا ماينفعش نتكلم فى السعر غير لما تشوف العربية زى ما قال باسم ... ويكون معاك حد بيفهم كويس فى العربيات ...
بعد كدة هاتلاقى نفسك بتقيمها لوحدك ... بعد ماتقارنها بمثيلاتها فى الفئة السعرية ... اقصد الفرنا والدايو واللوجان والاسبرانزا ...
هو حاطط عليها 60000 جم ... شوف حالتها كويس وقارن الاربع انواع اللى انا كاتبهم موديل 2008 منهم المعروض بكام وحاول تقيم الوضع .. قارن السعر وقارن الاوبشن طبعا ...
انما لو فية عربية للبيع امامى او اى حد من القسم هنا ... اكيد ماحدش ها يتأخر عنك طبعا *
وده لينك كونتاكت كارز اللى فية العربية المعروضة
http://www........cars.com/usedcars_...1&CarModel=386
قصدى سى الاستاذ المبجل باسم ... عفوا نسيت الالقاب ... احسن سى الاستاذ المبجل باسم يزعل منى ولا حاجة ...اقتباس:
المشاركة الأصلية كتبت بواسطة ehabpopo
عمو ؟؟؟؟ مبسوط منى ؟؟؟:10_1_104v[1]:
ماشاء الله شخصيتة قوية ... بخاف عليك من الحسد يا بنى والله
استاذ بسام
قبل اي حاجة اشكرك لردك و اهتمامك
هو الموضوع مش في 2008 ,الموضوع في السعر اللي انا محددة يعني يكون في حدود 55 الف , بمعني كانت 2008 او 2009 ايهما اقرب في السعر مع مراعاة الحالة و اهمهم الشكل الجديد اللي علامتها مكتوبة byd
برضو استفسار صوغنن معلش ,هو في فرق بين 2008 و 2009 ولا هي نفس العربية ؟؟؟؟؟؟
استاذ ايهاب
شكرا لردك و تفصيلك
انا شفت العربيات اللي فكونتاكت كارز و متابع و فغيرها من كذا يوم , غير ان انا قيمتها فعلا و قارنتها بحاجاات كتير فنفس الموديل و موديلات تانية , لقيت الbyd برضو كسبانه في المقارنة .
انا اصلا شغال في مجال العربيات كنوع من الهوايه اللي كبرت معايا و بقت اسلوب حياه , بس كل الموضوع اني الاقي عربية و انا هروح اخلص فيها .
(((( ملحووظة ))))
(( انا بكتيب " استاذ " للكل معرفش مين دكتور و مين مهندس , انا بتعامل مع اخواتي الكبار يعني ))
انا اسمي ابراهيم 23 سنة في الاكاديمية البحرية
(( شــــــــــــــــــــبـــ ـــــــــــــــــرا ))
اقتباس:
المشاركة الأصلية كتبت بواسطة aghour1111
هي نفس العربية مفيش فرق .. حتى مفيش اختلاف عن الموديلات المتقفلة في الصين .. وإن كانت الموديلات المتقفلة في الصين متفوقة في الدهان والتقفيل .. فالموديلات المصرية متفوقة في نقاط لحام (بونط اللحام) أنها أكتر .
بعد المقارنات اللى انت عملتها ... اكيد عرفت تحدد سعر ...اقتباس:
المشاركة الأصلية كتبت بواسطة aghour1111
لو فية زيادة بسيطة وده هايكون مقابل نضافة العربية وفابيريكتها وعدد الكيلو متر بتاعها ... فا مفيش مشكلة ... بس افحص العربية كويس *
فية حاجة مهمة جدا فى شرى العربيات المستعملة .. هى انك تكون عارف تاريخ العربية كويس ... وده هايديك فرصة انك ماتتعبش فى الاختيار ... وده طبعا مش متاح بنسبة كبيرة لكل مشترى ...
وزى ماقالك سى الاستاذ المبجل باسم ... التقفيل المصرى بيتميز عن الصينى فى اللحام * تخيل بقينا كويسين فى حاجة *
ماتشغلش بالك بالالقاب احنا كلنا هنا اخوة ... دى حاجة بينى وبين المبجل
وبعدين اهم حاجة تصلى صلاة استخارة .. وإن شاء الله هاتلاقى عربية كويسة *
وشرفنا المقابلة بعد بكرة هاتستفاد كتييييير ويمكن تلاقى حد عايز يبيع عربيتة فجأة .... :10D5C8w1107::10D5C8w1107::10D5C8w1107:
http://www.nilemotors.net/Nile/364255-a.html
موفق في الشراء ان شاء الله
اقسم باللة العربية دى رديئة جدا اخويا اتقلب بيها والايرباج مفتحش ولا اى بى اس نفع ولا اى حاجة نص العربيات المرمية فى التوكيل كلها مقلوبة .
لو الايرباج و ال abs مشتغلوش يا باشا و العربية في الضمان يبقي عيب صناعة ولازم التوكيل يلبس التصليحاتاقتباس:
المشاركة الأصلية كتبت بواسطة kobara
التوكيل مش بيلبس حاجة
التوكيل بيخلع من كل حاجة وعن تجربة
انا انصحك تهتم اكتر بخدمة ما بعد البيع ودى مش موجودة ف البى واى دى
[QU
OTE=M I D O;3875155058]لو الايرباج و ال abs مشتغلوش يا باشا و العربية في الضمان يبقي عيب صناعة ولازم التوكيل يلبس التصليحات[/QUOTE]
يارب التوكيل يتسحب من شركة الامل ويروح لحد يهتم بيهااقتباس:
المشاركة الأصلية كتبت بواسطة m i d o
التوكيل دة اسوا توكيل فى مصر ولو رجع بية الزمان مكنتش اشتريت العربية دى الناس بتوع التوكيل دول قمة فى سوء معاملة العملاء دة غير الاستغلال الشديد فى تغيير كل شىء فى العربية عندهم مهندس ولا فنى مش عارف اسمة حسام دة ماسك المعاينات والتصليح فى الدراسة الراجل دة قمة فى قلة الذوق فى التعامل اما تتناقش معاة تحس انوا شخص مش طايق يكلم حد دة غير الجشع وقلة الذمة فى تغيير مكونات السيارة اللى حتى ممكن تكون كويسة بس كل همة التغير غير غير بس دة غير انهم ممكن يكرروا بند مرتين فخلى بالكم عموما يا جماعة نصيحة اوعى حد يشترى العربية دى واللى هيشتريها يعرف انوا بيتعامل مع توكيل لادا فعلا تحس انك مش عميل عندهم تحس انهم مشغلينك عندهم لازم الناس تفكر فى التوكيل وانو يكون محترم قبل ميشترى اى عربية , حسبنا اللة ونعم الوكيل .