الموضوع: صيانة 30000 لنيان تيدا وبعض المشاكل بتقابلني

المشاركة الأصلية كتبت بواسطة mego20082007

انا عايز اعمل صيانة 30 الف لتيدا 2011 هاتش باك .....ايه اللي بيتعمل فيها وبتكلف كام تقريبا؟
غير اني عندي كام مشكلة الازاز الشمال بيعلق ساعت مبيطلعش وساعات الاوتوماتيك بتاعه بيقف
وبسمعه صوت طقطقة في اليمين مع المطبان .... والسي دي مبيدخلش اسطوانات او ساعات بيبلعها

في الغالب صيانة ال 30 ألف زيت + فلتر زيت ومراجعة علي السوائل زيت الباور والفرامل وسائل التبريد
وممكن يغير لك فلتر هوا و فلتر تكيف وبوجيهات لو في الجدول.

الأزاز لو بيعلق في الطلوع والنزول, وطلما بتقول الأوتوماتيك بيقف..
بيبقي في الغالب العيب من الزار مش من الأزاز نفسه ولا المكنه بتاعته..
لو كانو الأزاز بيتحرك بيسهولة لما بتطلعه وتنزلة لما بيكون الزرار مش بيعلق يبقي عيب زرار,
أما لو تقيل في الطلوع والنزول لما بيكون الزرار مش بيعلق يبقي كدا العيب في المكنة بتاعت الأزاز ممكن يكون دخلها تراب أو مية او في حاجة بتحوشها.
والزرار اللي هوا في الغال المشكلة الحالية اللي عندك بيطلعوه وبينضفو البوردة اللي ثابت عليها الزرار بتاع الأزاز بإسبراي للألكترونيات وبيرجع زي الفل.

الطقطقة اللي عندك دي إن شاء الله تروح مع تربيط العفشة لأن طرقنا بقت صعبة.
ولأن عربيتك لسه عاملة كيلو متر قليل فإن شاء الله مش هتحتاج تغير حاجة في العفشة إلا لو حاجة من الكاوتش أتاكلت.
ياريت تبقي تحدد الصويت يمين قدام ولا ورا عشان اللي يرد عليك يقولك راية لو حصل له نفس التجربة.

بخصوص السي دي أنا كان عندي مشكلة زمان أول ما جبت الأنسر كان فيها كاسيت Keenwood هوا أسطوانات بس طبعاً, وأنا معرفش اللي عندك نوعه أيه ممكن تبقي تحدده أفضل برضه, بس عمتا معظمهم واحد ونفس الميكانيزم الفرق في الزرار اللي برة والأوبشن.

المهم كنت بدخل الأسطوانة تدخل ولما أجي أطلعها تتحشر,
وأفضل أضغط علي الزرار كذا مرة تطلع شوية وبمسكها بأيدي وبسحبها لأن في حاجة مكنتش بتخليها تطلع للأخر, والكاسيت وبيفكر أني بدوس عليها عشان تدخل فبيدخلها تاني.
لحد ما في الأخر بقي الزرار مش بيطلعها من الأساس وفضلت نفس الأسطوانة فيه حوالي شهر,

المهم روحت لواحد شاطر بتاع تصلح كاسيت نضيف طلعه والعملية سهلة مش صعبة وفكه نضفه باسبراي للألكترونيات ولاقي سير اللي بيلف مع تطليع الأسطوانة مرخي, المهم غيره وركبناه أشتغل زي الفل مرتين قبل ما أمشي عملها تاني.!!
فقالي أطلع علي توكيل Keenwood ومرضاش يحاسبني, كان محترم الصراحة.

فأنت قدامك حلين يا تروح لحد

المهم روحت توكيل Keenwood في أسكندرية كان في سموحة أيامها قدام بوابة نادي سموحة علي طول, الصف اللي فيه المالكي وكنتاكي.
سبته لهم وأخدته بعدها بيومين وبقي زي الفل بعدها.

أنا الكاسيت كان جديد, والبلية اللي كان بيلف عليها السير كان فيها عيب صناعة, فكانت بتاكل في السير وتخليه يرخي..
أما أنت لو بتمشي كتير والشباك مفتوح في الغالب ممكن محتاج تنضيف للتراب بس ويبقي كويس عشان متشغلش بالك بموضوع السير دا.

المشاركة الأصلية كتبت بواسطة mego20082007

اولا الف شكر ليك عالاهتماام
الصوت اللي عندي يمين قدام
والكاسيت اللي بيجي مع كل عربيات النيسان اللي هو بتاعهم
وسرعة الازاز عادية بس ساعات الازاز مبيطلعش غير لما اقفل الكونتاك وافتحه تاني

الشكر لله
والصوت لو من قدام يبقي زي ما قلت هتربط علي العفشة الأمامية من تحت بس.
ولو الصوت من ناحية الطابلوة هيتربط علي البطاحات من فوق كمان بالمرة.

والكاسيت لو من نيسان يفضل أنك تعمله في التوكيل,

ولو سرعة الأزاز عادية ومش بطي في الطلوع والنزلو يبقي كدا عيب الزرار, هيفكو الزرار ويطلعو البوردة اللي ثابت عليها بتتنضف وإن شاء الله تبقي كويسة لو كان تراب بس اللي داخلة.

أما لو بيعلق زي ما بتقول وبيرجع تاني كويس مع الكونتاك يبقي كدا في ic ضارب في البوردة بتاعت الزراير وهيبقي صعب يتغير ال ic وهيقولك غير.

أنا كان حصل عندي إن وقع عصير علي زرارير الازاز اللي ناحية السواق,
ووصل للبوردة وحرق أي سي فيها, ومكنتش بعرف أطلع أي ازاي تاني غير اللي ناحيتي بس وبيعلق كمان,
المهم قالولي هتتغير كلها, قلت لهم طيب نحاول ننضفها الأول, وأتفكت وأتنضفت وبقت أحسن من الأول, كله بقي شغال بس لأزم أضغط نص تكة عال الزرار مش تكة كاملة عشان الازاز يطلع معايا.
لو ضغطت تكة كامة كان ينزل بدل ما يطلع.!