الموضوع: بتسخّن عربيتك الصبح ولّا لأ ؟

شوف يا باشا على حسب معلوماتى العربيات الجديده كلها تسيبها 15 ثانيه قبل ما تطلع بيها و بعدين لما تيجى تمشى بيها ماتقرص عليها فى الأول لغايه ما مؤشر الحراره يبقى فى وضع السخونيه الطبيعى بتاعه , بالنسبه للعربيات القديمه مهم التسخين لها لمده 3 دقائق ........
فيه حاجه تانيه بقى بخصوص العربيات الجديده اللى طرمبه البنزين فيها كهرباء انك قبل ماتدور العربيه شغل الكونتاكت على المارش بحيث ان التابلوه ينور انوار الزيت و البطاريه و تسيبه كده لمده 3 ثوانى و بعد كده تروح مدور و ده علشان توصل الكهرباء لطرمبه البنزين علشان تبتدى عملها بضخها للبنزين و ده علشان ماتوصلش الكهرباء و تشغلها مره واحده و ده ممكن يقلل من عمر الطرمبه الأفتراضى.
و ده على حسب معلوماتى القليله .
a7'ook
Sherif

السلام عليكم ورحمه الله
بالنسبه لى انا باترك السياره تسخن لمده ثلاث دقائق تقريبا
ثم ابدا اتحرك


تحياتى اخوكم سعيد

المشاركة الأصلية كتبت بواسطة جندى مجند

3 دقائق كتير جداً على العربيات الجديدة يا أستاذ سعيد ... لو حضرتك قريت الكاتالوج حتلاقيهم أكيد كاتبين انه لا يوجد داعى لتسخين السيارة قبل التحرك بيها و ان كل اللى التسخين بيعمله هو استهلاك بنزين عالفاضى .... أعتقد 20 أو 30 ثانية هو كل ما تحتاجه ...

اخى احمد السلام عليكم
الموضوع كله ان سيارتى موجوده فى جراج خاص بى اسفل منزلى - فافتح الجراج واشغل السياره وامسح الزجاج من التراب وابص بصه فى الشارع الاقى مر 3 او 4 دقائق

ونفس الموضوع وانا مروح الى المنزل اخر النهار اذهب الى الجراج الذى اركن فيه سيارتى وبعد ان اشغلها انزل ابص حواليها ليكون بتوع الجراج خبطوها او شى من هذا القبيل واخليهم ياخذوا فوطه على الماشى

هذا الذى يحدث
انما انا مش قاصد ان اتركها تسخن كل هذا الوقت

تحياتى اخوك سعيد