سوزوكي فان 7 راكب خدمة لاعضاء المنتدى الكرام

**مصطفى-حسن** · 23-06-2013 07:46 PM

ربنا يعينك يا حسام
وعلى فكرة مفيش احسن من العمل الحر
بس هقولك على كام نصيحة صغيرة كدا

1 - متتطلعش الاماكن المحدوفة بعيد واللى بتبقى على اطراف المدينة
2 - متطلعش مع ركاب متكونش مرتاح لشكلهم او لتصرفاتهم
3 - اعمل اى ابتكار او زرار فصل فى مكان متدارى وجنب ايدك تفصل منة كهربة العربية فى لحظة من غير ما حد ياخد بالة عشان لقدر الله الحالات الطارئة وعشان الامان لما تبيت العربية بالليل
4 - اى مشوار يجيلك مع حد متعرفوش ويقولك - هديلك اللى انت عايزة - اعرف ان الموضوع فية انه
5 - اسئل بفسك فى الشركات على اى وردية (هتظبط معاك اخر الشهر) وابحث عن الموضوع دة باهتمام
6 - لو جالك زباين سوريين اتفق معاهم قبل ما تطلع عشان دول ما بيهونش عليهم الجنية

النصائح دى كلها اللى قالى عليها واحد صاحبى معاة فيرنا ملاكى وشغال بيها عندنا فى العاشر من رمضان

بس اوعى تبطل تكتب القصص الكوميدية بتاعتك
والا اقولك
اليوم اللى تروح فية بدرى وتلاقى نفسك فايق
ابقى احكى لنا على النوادر بتاعة الركاب

**Ahmed_Ramadan** · 24-06-2013 10:31 AM

ربنا يكرمك و ويوسعلك رزقك و أشوفك صاحب أسطول

**w-m-a** · 24-06-2013 10:55 AM

ربنا يكرمك ويوسع رزقك ويعطيك خيرها ويكفيك شرها

**mohammedabdallh** · 24-06-2013 12:51 PM

ربنا يكرمك ويرزقك خيرها ويبعد عنك شرها
اهم حاجه الامان بليل بيتها فى جراج
وركب فيه اى جهاز تتبع
دى غلطتى وللاسف العربيه اتسرقت ومرجعتشى
فاتعلم من اخطاء الغير

**Karim_Monir** · 24-06-2013 12:57 PM

يا اخي الله يكرمك وانا ماستحقش الكلام ده بحاول بس اعمل اللي اقدر عليه وفي استطاعتي
وربنا يفرجها عليك وعلينا من حيث لا نحتسب
والصدقه فعلا مفعولها سحر في الرزق وكمان بقي ربنا يربيها لنا عنده فهي كالجبال ان شاء الله نستظل بها يوم لا ظل الا ظله
وخد بنصايح اخونا ظريف

وكمان مهم قوي لو شوفت 4 او 5 زمايل في شغل واحد تعملها دورة توصيل رايح جاي هاتفرق معاك قوي باذن الرحمن
ربنا يوفقك والصيف الجاي ابقي ادرس حوار التكييف اعتقد مش هاييد عن الفين او الفين ونص
ربنا يعينك