غسلت الموتور ويارتني ما عملتها

عربيتي نوبيرا 2001 مانيوال

المتور كان عليه تراب ورمله من مشوار صعب قلت اغسله

سبت العربية لما بردت خالص وجبت خرطوم المية وغسلت المتور وضغط المية كان متوسط مش شديد ولا حاجة ... وسبتها يمكن ساعتين ولا اكتر من غير ما اشغلها خالص

بعد جت شغلت العربية تمام شغاله زي الفل والر بي ام على 0.8 وثابت

بدات اتحرك بالعربية لقيتها مبرجلة خالص وبتفتف جامد جدا ومفيش اي سحب ضعيف جدا جدا لعند الر بي ام يوصل 2.5 كاني عملت كيك داون المتور صوته يرجع طبيعي والسحب يبقى طبيعي انقل على الثاني نفس الحوار والثالث والرابع زيه اما الخامس بقى عشان الر بي ام بيكون قليل اعتبر العربية مفيش سحب لو انا مغير على 80 للخامس عشان اوصل 100 انسى برحتك خالص

الحل اني اغير على 3.5 او 4 ار بي ام بس دا كارثة طبعا

مش عارف المشكلة تبقى انهو حساس اللي عمل كدا ولا فيشة من فيش الرشاشات فصلت ولا الموبينة لو ايه

ارجو الافادة

ماتفك الفيشة بتاعت البوبينة و تنفخ فيها لانه يبدو انه دخلها ميه
و راجع على الفيش التانية للحساسات

و ربنا يكرمها و تتعدل
انا كذا مرة غسلت الموتور بالمياه و محصلش حاجة

حصل خيير مع اننا قولنا فى المنتدا 5 الف 555 و خمسين مرة ان غسل المتور فى العربيات الجديدة غلط العربية كلها كهرباء و حساسات بس حصل خير متزعلش نفسك و دا الى بيحصل معاك دا من حساس الايدل شوف العربية وديها عن كهربائى نضيف يشوفلك المشكلة

نشف سلوك البوجيهات و الموبينة انشاء الله مش حاجة اكتر من كدا

اتاكد ان مفيش مية على البوجيهات

MMamdouh

اقتباس:

---

المشاركة الأصلية كتبت بواسطة kokowasfy

حصل خيير مع اننا قولنا فى المنتدا 5 الف 555 و خمسين مرة ان غسل المتور فى العربيات الجديدة غلط العربية كلها كهرباء و حساسات بس حصل خير متزعلش نفسك و دا الى بيحصل معاك دا من حساس الايدل شوف العربية وديها عن كهربائى نضيف يشوفلك المشكلة

---

انا بقالى 14 سنة بغسل الموتور بمية... المهم ميبقاش الغسيل بضغط مية عالى

MMamdouh

دى بوجيهات فى الغالب زى ما قال استاذنا

هل العربية بتنتش معاك ام لا
اختبرت خرج البوبينة طرف طرف ام لا
الموتور داير سلانسيه اربع ولا ثلاثة
حساس الشكمان وصل مية للفيشة بتاعته ولا لاء
شوف اي فيشة مش راكب حوليها الجوان بتاعها واتاكد انها هيا المشكلة

انا على طول بغسل الموتور في البنزينة
وبينشف بالهوا كويس ومفيش اي مشكلة الحمد لله
اهم حاجة اللي يغسل يبقى فاهم

ممكن تركنالعربيه في الشمس عشان تنشف كويس او تنشفها بخرطوم الهوا....


تحياتي

Sent from my tab using Forum Runner

لو اسلاك البوجيه وحشه بترطب ---غيرها

شكرا جدا جدا لكل الرد وحاول يساعدني ف المشكلة
انا هكتب ايه اللي حصل وازاي المشكلة اتحلت عشان الباقي يستفيد

طبعا البداية كان من آرائكم الجميلة

- العربية مش كان بيان في تتليتة وهي على السلانسية كانت بتبان لما ابدا اتحرك
- بدات اشيل كابلات البوجيهات من الموبينة كابل كابل الحمد لله كل الكابلات كانت تمام الشرر شغال زي الفل ف الاربع كابلات
- بس ف حاجة لما بشيل اي كابل العربية تبرجل ما عدا كابل واحد لما اشيله او اركبه مفيش اي تغيير خالص بس الموبينة شغالة وبتطلع كهربا
- فكيت غطاء الموتور واقدر اوصل للبوجيه اللي مش بيأثر لما بشيل الكابل بتاعه وبرده كان من طرف البوجيه الكهرباء فاصلة بس مفيش اي تاأثيير من شيله او تركيب الكابل
- ربنا هداني اني افكر ف الرشاشات فكيت فيشة الرشاش اللي فاصل مش حصل اي تأثير فكيت الفيشة اللي جمبة المتور برجل
- بدل الفيشتين مكان بعد لقيت ان لما بركب اي فيه صوت الموتور بيتحسن ولما اشيلها الموتور بيبرجل تاني
- ركبت كل فيشة ف مكانها لقيت الدنيا بقيت تمام اللي كانت فاصلة اشتغلت مجرد ما اشيلها او اركبها تأثيرها يبان ف المتور

الحمد لله كانت المشكلة ف فيشة الرشاش بس معرفش هي اشتغلت ليه (ممكن يكون عطل ف الكوبيوتر ولا المية عملت تعارض ولما فكيتها وبدلتها المتور اتظبط والكومبيوتر اتظبط معاه) بصراحة معرفش

بس الامور بقت تمام والف شكر ليكم جميعا