استطلاع عن استهلاك البنزين لكيا ريو

**amirzaghlol** · 23-06-2013 10:10 PM

عندى سيارة كيا ريو موديل ٢٠١٣. استهلاك البنزين الليتر يعمل حوالى ١٠ ك م مع انى سمعت ان الاستهلاك المفروض اقل من كده فى اول صيانه سالت التوكيل وقالى ان ده المعدل الطبيعى ارجو من الجميع ذكر تجربته مع استلاك البنزين عمليا

**Ahmed Amin** · 24-06-2013 12:07 AM

بص عن تجربة في عربيتين من الزيرو,
أي عربية جديدة معدل أستهلاك البنزين فيها بيبقي أعلي من الطبيعي بشكل ملحوظ,

بس بعد أول 1000 كيلو وممكن توصل ل 3000 بيقل تدريجي لحد ما يوصل للمعدل الطبيعي واللي مفروض مكتوب في الكتالوج.

وخلي في بالك إن السواقة كدا كدا جوا البلد = أعلي معدل أستهلاك للبنزين مكتوب ف الكتالوج, + ومع التكييف بيزيد أكتر خصوصاً في الجو الحر الكمبروسيور بيفضل شغال طول الوقت.

لو عايز تحس بفرق الأستهلاك ممكن تطلع بيها مشوار طويل زي سفر للسخنة أو أسكندرية صحراوي وأنت هتشوف أن أستهلاك البنزين هيكون أفضل معاك.

هيا العربية عاملة كام ألف كيلو لدلوقتي ؟

**hossam_elwani** · 24-06-2013 12:41 AM

شوف الموضوع والاستطلاع ده

http://www.nilemotors.net/Nile/303548-2012.html

**amirzaghlol** · 26-06-2013 05:01 PM

المشاركة الأصلية كتبت بواسطة leitosr

بص عن تجربة في عربيتين من الزيرو,
أي عربية جديدة معدل أستهلاك البنزين فيها بيبقي أعلي من الطبيعي بشكل ملحوظ,

بس بعد أول 1000 كيلو وممكن توصل ل 3000 بيقل تدريجي لحد ما يوصل للمعدل الطبيعي واللي مفروض مكتوب في الكتالوج.

وخلي في بالك إن السواقة كدا كدا جوا البلد = أعلي معدل أستهلاك للبنزين مكتوب ف الكتالوج, + ومع التكييف بيزيد أكتر خصوصاً في الجو الحر الكمبروسيور بيفضل شغال طول الوقت.

لو عايز تحس بفرق الأستهلاك ممكن تطلع بيها مشوار طويل زي سفر للسخنة أو أسكندرية صحراوي وأنت هتشوف أن أستهلاك البنزين هيكون أفضل معاك.

هيا العربية عاملة كام ألف كيلو لدلوقتي ؟

شكرا على الاهتمام انا عربيتى عامله ٤٥٠٠ كم وانا حسبت الاستهلاك جوة البلد و كذلك فى السفر على الطرق السريعه بس احسن استهلاك كان ٢١٠ كم لكل ٢٠ لتر

**hossam_elwani** · 26-06-2013 05:11 PM

على فكره ياجماعه انسو ان اى عربيه فى الزحمه والمطبات تعمل اكتر من 200 كيلو فى الصفيحه الطرق السريعه هيا الوحيده الى الاستهلاك عليها اقل وبما إن مبقاش فيه طرق سريعه بخلاف طريق السخنه والصحراوى اسكندريه يبقى ارضى بنصيبك فى الاستهلاك لان كلنا فى الهوا سوا

الالنترا بتعمل نفس الاستهلاك

الكروز بتعمل نفس الاستهلاك حتى الياريس فى الزحمه بتعمل نفس الاستهلاك

**Mohab555** · 26-06-2013 06:46 PM

المشاركة الأصلية كتبت بواسطة hossam_elwani

على فكره ياجماعه انسو ان اى عربيه فى الزحمه والمطبات تعمل اكتر من 200 كيلو فى الصفيحه الطرق السريعه هيا الوحيده الى الاستهلاك عليها اقل وبما إن مبقاش فيه طرق سريعه بخلاف طريق السخنه والصحراوى اسكندريه يبقى ارضى بنصيبك فى الاستهلاك لان كلنا فى الهوا سوا

الالنترا بتعمل نفس الاستهلاك

الكروز بتعمل نفس الاستهلاك حتى الياريس فى الزحمه بتعمل نفس الاستهلاك

شفت بقه يا حسام بيك .... الزحمه لا دين لها
الفكره الى اتأكدت منها هى ايه تخيل !!!
نص تنك الريو قد ايه وانا متأكد من الكلام ده .... تخيل ... ( 17 لتر ) بالتمام و الكمال
الناس كلها متعرفش القصه دى و الى اكتشفتها لما بدأت اتابع معدل البنزين و التفويل و العربيه بتاخد كام لترو اكتشفت نص تنك الريو 17 لتر .... و بعد الاكتشاف ده يبقى العربيه برأه من قصه استهلاك البنزين العالى...