المشكلة من الصب ولا الجي ام !! ؟ هتجنن !!!!!!
السلام عليكم ورحمة الله وبركاته
عندي مشكلة يا جماعة وبعد عدة بحث تشخيص المشكلة بإختصار شديد كالتالي
الصب "كيكر 400 rms " راكب على جي ام بايونير 820 وات 2 شانيل
موصله على البريدج وظبطة الجي ام زي في الصورة كدة
http://imageshack.us/a/img812/7356/zexq.jpg
الدنيا تمام التمام ومافيش اي مشاكل واستمر الوضع لمدة شهر تقريبا
بعد كدة مرة واحدة الصب بقى بيهرتل والهرتلة بعد يومين زادت وبقت ملحوظة اوي اوي
عشان اتجنب موضوع الهرتلة لازم حاجة من 2
اوطي الصوت من الكاسيت بحيث مايعلاش عن 17
اوطي الجين من الجي ام بحيث يبقى اقل من الربع !!
فصلت الجي ام وفضلت فاصله لمدة يومين / تلاتة كدة تقريبا
وصلته تاني لاحظت ان الهرتلة قلت شوية عن الاول !! بس لسه برضوا بيهرتل وبتبقى واضحة اوي لما بعلي الصوت
المشكلة دي بقى مشكلة جي ام ولا صب ؟؟
لان اختلفت الاراء بصراحة ناس قالت من الجي ام وناس قالت من الصب !! ورحت لادريان قالي من الصب لان الجي ام البايونير مابيعلمش الكلام ده خالص والصب كفاءته قلت عشان كدة لما بتدخله باور عالي - نتيجة انك عليت الصوت - بقى بيهرتل !!!
كان فيه مقابلة لنايل موتورز النهارده وقابلت احمد ايهاب وقالي المشكلة من الجي ام !!!!!
انا ان شاء الله هقابل احد الاعضاء هنا واجرب الصب على جي ام تاني عشان برضوا اتاكد
لكن انتو تفتكرو كدة دي مشكلة ايه ؟؟ صب ولا جي ام ؟؟
ولو المشكلة من الجي ام ؟؟ ياترى ايه اللى حصله عشان يعمل كدة ؟؟
ولو من الصب برضوا نفس السؤال ؟ ايه اللى يخلي كفاءته تقل ؟
