الموضوع: استفسارات بخصوص شراء جين 2 اتوماتيك

gen 2 club على الفيسبوك ها يفيدوك اكتر كملاك هارسين العربية :)

انا كواحد ركب العربية وساقها كتيير مع رضا ممكن افيدك على قد معلوماتي

الفتيسات بتاعت بروتون محدش اشتكى منها تماما والحمد لله سواء مانيوال او اوتوماتيك ولا بنتشات ولا بغيره تماما تماما :) فكرة السحب بصراحة بتقل اه بس على سرعات عالية ها تلاقي المكنة حاضرة معاك :)
الإستهلاك بصراحة مش ها اقدر احكم لأني عربيتي التانية برضوا بروتون فمش عايز اقول لحضرتك معلومة مش صح ولكن رضا مشتكاش منها في البنزين في حاجة مع العلم انه معاه سيراتو 2012 وتقريبا نفس المعدلات

التوكيل المشكلة اللي فيه مش انه بيماطل لا يعني لو العربية فيها حاجة ومحتاجة تغيير فهي بتتغير للأمانة معندوش جو غبور وغيره لكن مشكلته انه ساعات القطعة متبقاش موجودة هيا دي النقطة الوحيدة ولكن دلوقتي بقى عندنا مركز عصام وصفا الحمد لله للخدمة وتابعين للتوكيل يبقى استغنى تماما عن زيارات التوكيل :) لأنه عصان وصفا مركز معتمد من التوكيل

العربية بيبانها تقيلة تحس انك بتفتح باب خزنة دي حقيقي وصاجها تقيل

ملحوظة ملفتة جدا ! الجين تو من افضل العربيات ثباتا على الطريق وبشاهدة ملاكها وغير ملاكها من الكثيرين وممكن حضرتك لما تسوقها ها تعرف انا بتكلم في ثبات شكله عامل ازاي !

وبالنسبة للعلو انا شايف فيه مع حضرتك فيرنا فهي اه عالية عن الأرض ومش ها تعملك مشكلة تماما في الحوار بتاع الحك حتى مع التحميل :) توكل على الله وانا تحت امرك في اي اسئلة تانية لحد ما الإخوة يردوا عليك بإيجاز افضل مني :) العربية مدام حاببها ها تعشقها لما تشتريها اسمع مني :)

والله العربية أنا برده لسه مستلمها من يومين بالظبط من كتر حلاوتها عمال الف بيها وعملت 150 ك مرة واحدة عربية عالية ولما تحمل مش بتوطى والسحب ما شاء الله زى الفل وتحس إن كل حاجة جنب أيدك بس هو الزراير إلى فى البيبان هيا بعيدة شوية عن إيدى وإستهلاك البنزين لسه مقدرتوش بس أعتقد طالما العربية مريحانى فى الجرى والسحب فممكن مفكرش فى البنزين
نصيحة لو كنت حاببها إتكل على الله ومش حتتندم

معلش يا جماعه نسيت استفسارين مهمين :

5- الفرامل .... قريت ان فيها مشكلة انها بتزحف بسبب ال ِabs هل الموضوع مقلق و لا الواحد هيتعود عليها بعد كده خاصة اني مش هسوقها لوحدي (زوجتي هتسوقها معايا)
6- الدهان .... هل فيه مشكلة قابلت حد فيه (اصلي معقد من دهان الفيرنا اللى بهت من الشمس )

المشاركة الأصلية كتبت بواسطة sayed911

gen 2 club على الفيسبوك ها يفيدوك اكتر كملاك هارسين العربية :)

ان شاء الله هدخل عليه

انا كواحد ركب العربية وساقها كتيير مع رضا ممكن افيدك على قد معلوماتي

الفتيسات بتاعت بروتون محدش اشتكى منها تماما والحمد لله سواء مانيوال او اوتوماتيك ولا بنتشات ولا بغيره تماما تماما :) فكرة السحب بصراحة بتقل اه بس على سرعات عالية ها تلاقي المكنة حاضرة معاك :)

طاب كويس الحمد لله ان الفتيس تمام بس بالنسبة للسحب المشكلة اني معايا فيرنا و سحبتها من السكون و على السرعات القليلة عالية فالواحد مش عايز يحس انه ناقصه حاجة بس ديه طبعا كانت الميزة الوحيدة فى الفيرنا :-)

الإستهلاك بصراحة مش ها اقدر احكم لأني عربيتي التانية برضوا بروتون فمش عايز اقول لحضرتك معلومة مش صح ولكن رضا مشتكاش منها في البنزين في حاجة مع العلم انه معاه سيراتو 2012 وتقريبا نفس المعدلات

فيه مواضيع هنا بتتكلم على الاستهلاك بس المانيول مش عارف الاتوماتيك هيبقى نظامها ايه

التوكيل المشكلة اللي فيه مش انه بيماطل لا يعني لو العربية فيها حاجة ومحتاجة تغيير فهي بتتغير للأمانة معندوش جو غبور وغيره لكن مشكلته انه ساعات القطعة متبقاش موجودة هيا دي النقطة الوحيدة ولكن دلوقتي بقى عندنا مركز عصام وصفا الحمد لله للخدمة وتابعين للتوكيل يبقى استغنى تماما عن زيارات التوكيل :) لأنه عصان وصفا مركز معتمد من التوكيل

مانا عارف ان المركز ده محترم بس المشكلة اني من الاسكندرية فمش عارف فيه مركز زيه هنا و لا لأ

العربية بيبانها تقيلة تحس انك بتفتح باب خزنة دي حقيقي وصاجها تقيل

ملحوظة ملفتة جدا ! الجين تو من افضل العربيات ثباتا على الطريق وبشاهدة ملاكها وغير ملاكها من الكثيرين وممكن حضرتك لما تسوقها ها تعرف انا بتكلم في ثبات شكله عامل ازاي !


ما ده اكتر حاجة عجباني فيها ما شاء الله



وبالنسبة للعلو انا شايف فيه مع حضرتك فيرنا فهي اه عالية عن الأرض ومش ها تعملك مشكلة تماما في الحوار بتاع الحك حتى مع التحميل :) توكل على الله وانا تحت امرك في اي اسئلة تانية لحد ما الإخوة يردوا عليك بإيجاز افضل مني :) العربية مدام حاببها ها تعشقها لما تشتريها اسمع مني :)
ان شاء الله :-)

جزاك الله خيرا و في انتظار اراء باقي الزملاء

المشاركة الأصلية كتبت بواسطة bondok20002002

والله العربية أنا برده لسه مستلمها من يومين بالظبط من كتر حلاوتها عمال الف بيها وعملت 150 ك مرة واحدة عربية عالية ولما تحمل مش بتوطى والسحب ما شاء الله زى الفل وتحس إن كل حاجة جنب أيدك بس هو الزراير إلى فى البيبان هيا بعيدة شوية عن إيدى وإستهلاك البنزين لسه مقدرتوش بس أعتقد طالما العربية مريحانى فى الجرى والسحب فممكن مفكرش فى البنزين
نصيحة لو كنت حاببها إتكل على الله ومش حتتندم

الف مبروك يا باشا و ربنا يباركلك فيها

المشاركة الأصلية كتبت بواسطة EmadMohiy

بمنتهى البساطة لو حابب العربية إتكل على الله و هاتها و مش هاتندم بإذن الله
مبروك مقدما و أهلا بيك معانا هنا فى المنتدى المفيد ده
و أنصحك و إنت بتستلمها تكون قريت موضوع زميل هنا بخصوص كيفية إستلام الجين تو

من جهة حاببها فانا حاببها جدا بس الواحد يحب يعرف العيوب و المشاكل اللى ممكن تقابله فيها ...... و الله يبارك فيك و ربنا يكرمك........ و الموضوع ده ممتاز انا قريته و استفدت منه و هبفى اذاكره بقا قبل ما استلم ان شاء الله

الفتيس الحمد لله مفيهوش مشاكل (الفتيس صناعة ميتسوبيشي اليابان - الموتور و بقية العربية ماليزي )

السحب ...... سحب الفيرنا على السرعات القليلة من السكون أفضل طبعا بسبب الوزن .......... و لكن الجين 2 حاجة تانية ع\و مختلفة تماما عن الفيرنا ....... السحب ممتاز لو حرقت طبعا ........ و الفتيس و السرعة حاضرة معاك من أول الغيار التاني .
مفيش نتش في الفتيس خالص إن شاء الله .

التوكيل في اسكندرية (سمعت أن فيه مشاكل فمحتاج حد من أسكندرية معاه الجين يأكد الكلام أو يقولك الاخبار دلوقتي عاملة أيه ) و بالنسبة للقاهرة مفيش مشاكل من ناحية التوكيل إن شاء الله )

الفرامل أنا شايفها ممتازة و مش بتزحف .........بل على العكس ...... المفروض الأ بي أس يخليها ما تزحفش و ان شاء الله ده اللي بيحصل .


الدهان أن شاء الله مفيهوش مشكلة و أعتقد أنه أحسن من دهان الفيرنا .

استهلاك البنزين ........ من 200 إلى 250 كم في الصفيحة حسب رجلك على البنزين و سرعتك و ممكن توصل لأكتر من كدا كمان . ( و تقريبا أستهلاكها زي أي عربية 1600 )

بالنسبة لصاج العربية ..... أيوة هو تقيل و ده الطبيعي بتاعه على عكس الفيرنا الخفيف جدا و ده اللي مخليك حاسس بتقل الباب في الجين 2 .
و لو عايز أي حاجة أو أي سؤال أحنا تحت أمرك ... انما معايا العربية من 2007 و أشتريت منها المانوال و الاوتو .

المشاركة الأصلية كتبت بواسطة tutankhamoun

الفتيس الحمد لله مفيهوش مشاكل (الفتيس صناعة ميتسوبيشي اليابان - الموتور و بقية العربية ماليزي )

السحب ...... سحب الفيرنا على السرعات القليلة من السكون أفضل طبعا بسبب الوزن .......... و لكن الجين 2 حاجة تانية ع\و مختلفة تماما عن الفيرنا ....... السحب ممتاز لو حرقت طبعا ........ و الفتيس و السرعة حاضرة معاك من أول الغيار التاني .
مفيش نتش في الفتيس خالص إن شاء الله .

التوكيل في اسكندرية (سمعت أن فيه مشاكل فمحتاج حد من أسكندرية معاه الجين يأكد الكلام أو يقولك الاخبار دلوقتي عاملة أيه ) و بالنسبة للقاهرة مفيش مشاكل من ناحية التوكيل إن شاء الله )

الفرامل أنا شايفها ممتازة و مش بتزحف .........بل على العكس ...... المفروض الأ بي أس يخليها ما تزحفش و ان شاء الله ده اللي بيحصل .


الدهان أن شاء الله مفيهوش مشكلة و أعتقد أنه أحسن من دهان الفيرنا .

استهلاك البنزين ........ من 200 إلى 250 كم في الصفيحة حسب رجلك على البنزين و سرعتك و ممكن توصل لأكتر من كدا كمان . ( و تقريبا أستهلاكها زي أي عربية 1600 )

بالنسبة لصاج العربية ..... أيوة هو تقيل و ده الطبيعي بتاعه على عكس الفيرنا الخفيف جدا و ده اللي مخليك حاسس بتقل الباب في الجين 2 .
و لو عايز أي حاجة أو أي سؤال أحنا تحت أمرك ... انما معايا العربية من 2007 و أشتريت منها المانوال و الاوتو .

جزاك الله خيرا يا استاذ توت انت كده طمنتي ... و فى انتظار اي اخ من اسكندرية لتقييم التوكيل