دلوقتي في سرقه العربيات بيشدوا العربيات ايه الحل في تامين الموضوع دا
عرض للطباعة
دلوقتي في سرقه العربيات بيشدوا العربيات ايه الحل في تامين الموضوع دا
مفيش حل للبلد دي خلاص
Gps وأربطة بموبايلك,
من النوع اللي بيبعت رسايل مع الهزة والخبطة مش اللي بتتبع بيه بس.
بس المشكلة أنك لو عرفت أنها بتتسرق وبتتحرك, هتعمل أيه ساعتها ؟ :U_thin1[1]:
البلد مبقاش لها كبير,,
انا قاعد بفكر مش لاقي حل يمنع العربيه من الحركه خالص الا اني اشيل الكاوتش كله كل يوم هههههههه
ربنا هو الستار
هيجيبو جوز كاوتش ويركبهولك الأول لو ناوينها :Copy of m-s5:
ممكن تركب لها الكلابش بقي لو عايز تصعبها أكتر.
بصوا هو في حل مكلف شويه و مقلقني و مش مناسب لاي فئه غير الشباب بس لو عملتوه ان شاء الله متتسرقش ... الطريقه انك بتركب طاره اسبور و زور اسبور فيه الطاره تبقي كبس يعني تركن و تطلع بالدركسيون في ايدك :) و تنام مطمن انك عملت بالاسباب و الباقي علي ربنا و فيه كمان حوارات بتتعمل بتخليك تقدر تخلي العربيه تبطل في مكانها و متطلعش -معنديش بيانات او معلومات عنها قوي بس اسألوا هي حاجه زي حوارات الموبايل اللي بيتساب في العربيه و ال gps كده- و ربنا يسترها علينا فعلا زمان الواحد كان حاسس انه مطمن و مامن علي نفسه و اسرته بليل و الصبح دلوقتي لو شفت واحد بيموت قدامك ممكن تجري و تسيبه علشان خايف يكون كمين :/
القصة اللي بيتكلم فيها أستاذ رومبو أنها لو أتشدت
مش هيفرق فيها دركسيون ولا لأ, والدركسيون معملوه لوك ولا لأ.
والحاجات التانية عندك أنك تفصل طرمبة البنزين, أو تعطل علبة الفيوزات. بس كل دا مش هيفيد بحاجة لو العربية أتشدت.
وربنا يعينا علي الإبتلاء اللي أحنا فيه دي, ويفك عن مصر كربها قريب..
الحل ان كل 3 او 4 يتفقوا مع بعض ويركنوا العربيات ورا بعض بفارق صغير جدا بحيث انه يبقى صعب العربية تطلع من مكانها وبحيث ان يبقى اول عربية مزنوقه لشجرة او جدار والاخيرة نفس القصة ويبقى يطلع عربية لو عرف انا بعمل كده انا وجرانى بس بصراحة عايزة حرفية فى السواقة خصوصا اخر عربية هتركن
طيب انا سمعت ان كلابش المرور بيتباع الكلام دا صح ولا لا
حكاية الكلابش مش هتنفع لو العربية حد شدها لانك مش محتاج الكلابش لانك اصلا بتبقى مشغل الهاند بريك و معشق اول او عامل العربية على الوضع بارك فى الاتوماتك يعنى العربية متكلبشة انما ممكن تشترى جهاز جى بى اس تراكر يبعت رسايل فى حالة الخبطة او فتح الباب او تدوير العربية او القطر او التحرك بها كمان عن نطاق خمسة متر من مكانها ساعتها ممكن تكلم حد يشوفها و يتصرف لو انت مش موجود
كل واحد يضرب عامود حديد فى الارض جنب عربيته ويحط فيه جنزير ويربط الجنزير بمقص عربيته كل يوم :18_6_111[1]:
افضل حل ان الواحد يربطها فى شجرة او فى حيطه.
هوة فيه حل بس مش عملي ومتعب ومقرف فى نفس الوقت
هتعمل قطعة خرسانية اسفل السيارة وتركب فيها حلقة من الحديد الصلب بذارع طويلة تركب فى مقص العربية من الاسفل
أو ممكن تعملها بسلسلة وتربط مقصات العربية الامامية بتلك القطعة
بس طبعا بهدلة علشان تطلع بالعربية لازم حد ينزل تحتها ويفك الكلام دة بس المضطر يركب الصعب
انا عندى فكره
كل سكان عماره يتفقوا مع بعض
ويجمعوا مبلغ شهرى
وبتفقوا مع شخصين يقوموا بالحراسه بالتناوب
ويعطوهم مرتب شهرى
ويكونوا مسؤلين عن السيارات
كلابش مرور و بيبقى ب 450 جنيه
الصينى المضروب ب 100 جنيه
اظن كل الحلول غير عمليه
الأمل الوحيد تلاقى شركه تأمين تأمنلك العربيه ضد السرقه
مفيش حل جذري
ربنا هو الستار
هو مفيش حل جذري ضد السرقة لكن ممكن انتوا كسكان عمارة مثلا 20 فرد
تجيبوا واحد غفره من 10 بالليل ل10 الصبح وتجمعوا مع بعض لو مثلا 100 جنيه كل واحد او 50 جنيه
او تشوف جراج بفلوس تركن فيه ع الاقل تنام مرتاح
وربنا هو الستار
انا شايف بقا ان مرسي يمشي وترجع الشرطة تشتغل تاني وتقبض على المجرمين
عندى فكرة عبقرية شيل كاوتش من قدام و كوتش من وراة و خدهم معاك ينامو فى حضنك هههههههههههههه هم يضحك وهم يبكى واللة اللة يكون فى عونا فى الايام السودا دى و لعلمك لو مكتوب للعربية تتسرق هتتسرق مهما عملت وربك هوة الى يستر بس
ربنا هو الستار واللي مكتوب لازم يكون