عرض للطباعة
السلام عليكم ورحمه الله وبركاته
معايا 100 الف وكنت نويت على التريوس بس سمعت كلام وحش عنها للاسف :waaaht:
ودلوقتى انا عايز عربيه عاليه اولا واخيرا وتستحمل ان يكون مثلا اربعه راكبين فيها وتمشي كويس فى شوارعنا الراقيه
وتكون اوتوماتيك "لازم"
افضل تكون هاتشباك بس مش شرط ..وتكون اقتصاديه الى حد ما "والا كنت جبت الجيب من زمااان" وتكون فيها المواصفات الحديثه من ABS وغيره
ولو عائليه ميضرش :shine[1]:
سواء مستعمل او جديد ؟؟
تنصحونى بايه ؟؟
وجزاكم الله خيرا
السلام عليكم ورحمة الله وبركاته
أولاً ربنا يكرمك و تلاقى اللى نفسك فيه بالظبط
ثانياً ، ممكن تزود حوالى 20000 و تجيب تيجو الجديدة أوتوماتيك ، تجفه بجد
و دى طبعاً وجهة نظرى المتواضعة مش أكثر و إقتراح يمكن يعجبك و ممكن لأ
لو مش شرط زيروووو
يبقي كورولا كامله اوتوماتيك بره وجوه حاله كويسه موديل عالي
في اعتقادي احسن عربيه
What is the issue in the Terios?
رينو سانديرو ستيب اواى 96 مانويل زيرو مفيش اوتو
وعندك التيجو
وفى الfrv كروس
v5
التيريوس جميله جدا و الكلام المشاع عليها دا كان على الموديل القديم و بردو كلها افتكاسات مصريه جوز اختى معاة واحدة و لما جابها محبتهاش 2010 بس لما ركبتها و سافرت بيها و سقتها و مسافه طويله اقتنعت بيها جدا جدا جدا و سعرها جميل بردو و يا سلام لو جبت الجراند تيريوس تبقى تمام التمام
كلامك دا معناه لانسر بومة ,,,اقتباس:
المشاركة الأصلية كتبت بواسطة MUSTANG 54
فيها كل دا و هتستفاد باعادة بيع ممتازة و سهولة الصيانة
او لانسر شارك بس اعادة بيع مش زى البومة و قطع غيار غالية شوية لكنها كويسة خصوصا ف الثبات
و ممكن اوى كورولا 2008 او 2009 بس تكون خليجى مش mmt ,,, ممتازة بمعنى الكلمة و فيها كل اللى انت عايزة بالاضافة لاستهلاك بنزين فوق ممتاز رغم انى مبحبش شكلها اوى
زود وهات سيفيك 2010 ..
جزاكم الله خيرا على الردود والنصائح
شبه مستحيل ان ادفع 100 الف او اقل فى صيني "مهما كانت امكانياته"
اما السانديرو ال ستيب ويي فهى افضل سياره انا شايفها ولكن عيبها الرئيسي بالنسبالى انها مانوال
والكورولا فعلا مش بحب شكلها تماااااااامااااااااا
والايشيوز اللى فى التريوس "سمعت" انها كتيييييره واتمنى لو حد معاه العربيه فعلا يقول عيوبها ايه .. لانى بحاول اطلعها من دماغي بشق الانفس والله .. مع ان سوقها ناااايم ومعرفش اى حاجه عن قطع غيارها او صيانتها
اما اللانسر فمميزاتها كتييييييييير وعيبها الوحيد "اذا كنا هنعتبره عيب" انها قربت على عدد سيارات التكس من كترها وده بسبب نجاحها اكييييد بس اعتقد انها مش عاليه كويس عن الارض ؟؟؟ ... انا جربت وسوقت اللانسر 2006 من حوالى سنه كانت رائعه بصراحه
اما السيفيك فهى معروفه بانها شديده الانخفاااض على الارض
فانا حاليا بصراحه محتار بين التريووس واللانسر مع ميلي للتريوس الا لو فيها عيوب قاتله
ممكن نصيحه عن موديل لللانسر كويس وسعره .. وايضا موديل للتريوس وسعره .. "كلاهما مستعمل والحاله ممتازة"
لو عايز عربية عالية تعدي من المطبات متحكش و تنفع شوارعنا و ملكش في السرعة و الغرز هات التريوس بتحب السرعة و الاوبشنز هات الانسر