ربنا معاكوا شوف جهاز حماية المستهلك وحاول تبعت شكوي ل الفرع الرئيسي ل جيلي في صين عن طريق الانترنت
عرض للطباعة
ربنا معاكوا شوف جهاز حماية المستهلك وحاول تبعت شكوي ل الفرع الرئيسي ل جيلي في صين عن طريق الانترنت
السلام علكيم,
استاذ msds_eg انا اول مرة اشارك في المنتدي هنا و كان ليا الشرف ان اول موضوع ارد عليه هو موضوع حضرتك , انا من ملاك العربية من اكثر من 6 شهور و العربية عاملة معايا دلوقتي 5200 كم و ما شاء الله العربية ممتازة و انا راضي عنها جدا ,اما المشاكل اللي عند حضرتك هي في الاصل مشاكل بسيطة ماعدا موضوع التكيف لان في الاغلب السربنتينة عايزة تتغير مش الكمبروسور بتاعه لان فيه عربيات و انا الحمد لله منهم التكيف عندي ممتاز و في عربيات السربنتينة بتبقا مخرومة و مش بيقولو غير لما تزنقهم و للعلم السربنتينة دي من الاجزاء المصرية اللي راكبة في العربية فا لازم حضرتك تضغط عليهم في التوكيل عشان يعترفوا بكده و يغيروها اما بالنسبة لضبط الزوايا فا هو بالفعل الجهاز عندهم بايظ و كانو قايلين انهم هايجيبوا جهاز جديد علي شهر 7 فالافضل انك تظبطها بره زي مانا عملت ولو السوفت وير بتاع العربية مش موجود هي بتتظبط علي تويوتا كرولا ,اما بالنسبة للكاسيت فهو بالفعل توكيله مش مع غبور مع واحد اسمه فيديو باص في العاشر من رمضان رحلهم و هيغيروه لحضرتك علي طول ,المهم ان المشكلة الوحيدة في الاشخاص اللي شغلين في التوكيل مش العربية لان ما شاء الله العربية ممتازة و لكن حضرتك تقدر تكلم الكول سنتر و تشتكي الاشخاص اللي في التوكيل و تهددهم بحماية المستهلك و يوم او اثنين هتلاقيهم بيكلموك و بيقولو لحضرتك تعالي و هيعملو اي حاجة حضرتك عايزها , هو للاسف مش بيجوا غير لما الواحد يههدهم, و ان شاء الله العربية تبقي زي الفل مع حضرتك بس بمنتهي الامانة العربية فعلا ممتازة و كل مشاكلها مشاكل تقفيل بسيطة.
فتيس راكب غلط ؟؟ والله انا مش لاقي شتيمة اشتمها هية الناس دي مبتفهمش و مبيجربوش العربية بعد التجميع وبالنسبة للتكييف هية حالة عامة فعلا و اغلبية الناس بتقول علية كلام وحش وقليل الي بيشكر فية و فعلا انت قابلتك عيوب كتيرة اوي وكنت طلعت علي حماية المستهلك والناس الي بتقول خليك ورا التوكيل عشان تاخد حقك معا احترامي الكامل لحضراتكم هوة الواحد جايب عربية جديدة عشان يفضل يجري ورا حقة في التوكيل ولا عشان تريحة علي الاقل 5 سنين ؟؟ ربنا معاك يا باشا و العيوب دي تخلص ومعلش استحمل نصيبك كدة وان شاء الله كل العيوب دي تتصلح
قلبي معاك
بص يباشا لو العيب في السربنتينه مكنش الكمبرسور يطلع صوت قوي زي الي بيطلعه وده عند الناس برضوا مش عندي انا بس وبعدين يباشا ده بيقولي الفتيس مكنش راكب مكانه وبعدين عندك حوار البطريه وبعدين يباشا في توكيل محترم جهاز الزوايا ميكونش شغال عندهم المده دي وحوار الكست المفروض التوكيل هو الي غيره انا عندي في الانسر كينود والتوكيل هو الي بيغيره مش يوديني العاشر من رمضان مع احترامي الكامل ليك يباشا العربيه مش كويسه ولا التوكيل كويس خالص
حسن السوق ولا حسن البضاعه
كل اللي حضرتك قلته بأستثناء التكيف راجع لسوء التوكيل مش العربية و طالاما قالو انهم هيغيروا الكمبريسور يبقوا فعلا هايغيروه المسألة مسألة وقت و نرجع و نقول ان برضه كل دي مش مشاكل تعيب العربية في حاجة دا مشاكل توكيل و احسن العربيات و التوكيلات فيها المشاكل دي انا ليا ضديق معاه MBW x1 , و غير فتيس كامل في التوكيل بعد خمس الاف كيلو و دي طبعا حاجة تعيب العربية لان بتوقفها,فما بالك بقا بشوية مشاكل انا شايف انها بسيطة جدا بالنسبة لمشاكل موجودة في عربيات تانية فعلا تعيبها ,فا اصبر شوية و ان شاء الله حضرتك هاتعرف اد ايه العربية جميلة و لو دخلت علي جروب العربية علي الفيس هاتعرف اد ايه الناس بتحبها و بتشكر فيها بأستثناء مشاكل التقفبل اللي بتتحل في زيارة او اثنين بالكثير للتوكيل
الاعضاء المحترمين لما بيجوا يقارنوا بيقولوا شوف bmw و و اوكتافيا .......................ماعرفش حصل اية ليهم و تم تغييرة اولا كم نسبة المشاكل بالنسبة لعدد العربية و هل المشكلة مكررة و لا حالة فردية و بعدين التوكيل المحترم كيف بيتعامل معها
و بعدين كان فية اكتر من عضو اشتكى من موضوع التكييف و الغيارات
يا ناس فية توكيل جهاز ضبطاا لزوى لا يعمل نعملة جمعية و يقبضها الاول علشان يشترى جهاز جديد
دى على حسب معلوماتى انة جهاز موش غالى
انا مش بقارن علي اساس ان دي مشاكل متكررة انا بدي مثل ان اي عربية ممكن يبقا فيها مشاكل حتي لو من اعلي الماركات و بالنسبة لمشاكل تكيف العربية هي بالفعل بتتحل ,اللي عايز اوصله ان كل ده مش مشكل تعيب العربية في حاجة خالص عشان يحصل عليها الهجوم دا كله دي كلها مشاكل التقفيل المصري المصري المصري و مش في الامجراند بس ممكن حضرتك تدخل علي منتدي نيسان و تشوف الناس بتشتكي اد ايه من الصني الجديدة و برضه راجع لمشاكل التقفيل,اما بالنسبة لجهاز ضبظ الزوايا فا دي مشكلة غبور مش مشكلتنا ولا مشكلة العربية مهو ملاك المازدا برضه مش عارفين يظبطوا الزوايا في التوكيل عشان بيستخدموا نفس الجهاز