انا بصراحة متعود علي الثقة في كل كلامك يا باشا بس انا مستغرب شوية من موضوع التكييف حضرتك متاكد انة ممتاز ؟؟ امال الناس بتشتكي منة لية ؟؟ ومقارنة تكييف الامجراند بتكييف ال 516 مين اقوي ؟؟
عرض للطباعة
انا بصراحه استغربت زيك كده من موضوع الشكوي من التكييف
العربيه كانت مركونه في الشمس
وبعد الصلاه حضر قريبي اللي اشتراها
نزلت معاه
اخدت المفتاح علشان اجرب العربيه واشوفها
دورت في حاجه غريبه لاحظتها
ارتفاع مؤشر ال ار بي ام عند بدء التدوير
مش عارف ده طبيعي في العربيه ولا لاء
دي حاجه
صوت الموتور مسموع وكنا في شارع دوشه مش منطقه هاديه
المهم دورت العربيه وطلعت
لقيت الدبرياج عالي عن الطبيعي
السحب والطلعه زي ماقولت كويسه
العرببه بتجمع بين الغيارات كويس
شغلت التكييف
قولت له في الاول ضعيف
لكن لفت نظره انه يشغله بنظم دوره داخليه
وبظبط وضعيه مخارج الهواء لان لقيت الهواء ناز ل في الدواسه
وكمان يظبط درجه الحراره كانت علي 25
بعد لحظات العربيه بقت ساقعه ومفيش احساس باءي سخونه
ال 516 او اسبرانزا عموما
قوه اندفاع الهواء اشد من الجيلي
يعني تشغيل المروحه في الجيلي علي اعلي سرعه
تعادل مثلاالسرعتين قبل الاخير في اسبرانزا
تستحمل ياباشا
ايه اللي يمنع
الجيلي اخف في الوزن من ال 516 واظن الانفي
لو هاتقارن
الجيلي حتي الان اثبتت وجودها في فتره قصيره
واظن واكيد كمان ان موتورها اقل تعقيدا بكثير من مواتير اسبرانزا او شيري
خامات التابلوه جيده
وفرش الابواب
تقفيل الكابوت ووضعيه الموتور في الحوض
جيد جدا مفيش لعبكه ولا كركبه في الحوض
يعبها نزولها ببطاريه سائله
وفينش العربيه ككل جيد جدا
بالنسبه لسعرها
بامانه لو اي حد شافها وما يعرفش انها صيني
مش ممكن يقول ان العربيه دي صيني
[quote=m i d o;3875069708]هية عمرها ما هتنتشر زي الفيرنا ولا تاخد وضعها لاكن برضو هتنتشر وهتاخد حصة من السوق بس اية وجهة نظر حضرتك في حتة انها لا تصلح للشوارع المصرية ؟؟[/q
انا اسف انى اتاخرت فى الرد على حضرتك بس هى فعلا لاتصلح للشوارع المصريه مش لكونها عربيه سيئه بالعكس هى اصلا مصنعه فى الصين وموجهة لدول الخليج واوربا يعنى مش لمصر بس المشكله ان الى فى مصر غبور بيجمعها هنا مش بيستوردها وهنا تكمن المشكله انه عايز يكسب الضعف ومش هايعرف يوصل للتقفيل اللى بيتصدر لاوروبا
مشكور علي الرد وهوة فعلا مش هيوصل ابدا لتقفيل اوروبا بس خلي بالك الشاصية الي هنا هوة هوة الي في اوروبا يعني تقريبا مستوي الامان واحد ودي نقطة تميز لانها واخدة 4 نجوم في اوروبا لاكن باقي العربيات من خامات اقل جودة من برة طبعا بكتير وزي ما حضرتك قلت عاوز يعلي ارباحة بمراحل
كل ده فعربية جديدة
maintenance at abo Rawas is very bad...
والغريب ان العربية بتنتشر بسرعة عالية رغم كل العيوب دي لان للاسف في العالم كلة التوكيل بيجري ورا الزبون الا في مصر الزبون بيجري ورا التوكيل وكلة بيقول من غبور يبقي وسع زي الفل واهو غبور مطلع عين كل الناس وبتوع هيونداي مسلموش منة يبقي بتوع الجيلي هما الي هيسلمو :whtauwant::whtauwant:
و الله كل الي أنا شايفه بيحصل أدامي دلوقتي نفس الي كان بيحصل سنة 2007 أول ما نزلت الإسبرانزا و أنا جبتها و الله كمان مره في عيوب ظهرت أكبر و أخطر من كده في الإسبرانزا و التيجو سواء 1600 أو 2000 و كانت مهازل عند أبو الفتوح بس أنا الحمد لله جظي جه في مشكله التكيف و علبة البيئة الي في الشكمان و غلبوني حوالي أربع شهور على ما حلوها بس حلوها لما طلعت على مدير مركز الصيانة و هو راجل محترم بصراحة و سمعني و هداني لأني كنت على آخري و شااااااااايط و مش طايق نفسي حته لكن الراجل مكدبش خبر و نزل معايا و كشف على العربية بنفسه و آتاري إن الإستهبال جي من مهندسين التوكيل و الصنيعية يقلك هنبعت نجيب كبرسور و مفيش طب جبنه و نركبه و مفيش يومن ويضرب و يبوظ آتاري بقه الي أنا عرفته بعد كده بسنتين من مهندس صاحبي في bmw أبو الفتوح برضو اياميها إنهم كانو بيلصمو أيوه بيلصمو و يزود شحن الفريون و شكراً كسل بقه قله ضمير متعرفش ... المهم مش هطول إلي أنا عايز أقولو إنك يا باشا متسبش حقك مهما كان حتى لو تعريفه و متسمعش لحد أهم حاجة إنك تهدى و تصبر شويه معلش و إن شاء الله كلو هيبقى تمام ... قلبي معاك و الله و حاسس بوجعك ... أخوك في الله ...
أيها اﻷخوة.المواطنون
الناس في الغربيات نوعين
يا إما بيعتبر العربية غاية
يا إما
يعتبر العربية وسيلة
و واضح إن صاحب الموضوع من النوع الثاني ﻷنه قليل الصبر وهو عايز عربية تقضيله مشاويره مش زي الناس اللي بتبقه من الصنف اﻷول عندها ركوب العربية غاية وتقعد أشهر وسنين تدور على عربية.نادرة.أو تجيب زرار أصلي أو يسافر أقاليم عشان سمع واحد عنده قطعة غيار وأحيانا تجيب دينمو وتركبه يشتغل يومين ويعطل متزعلش ترجع تفك تاني
وكل أعطال صاحب الموضوه بما فيها كباس التكييف من التوافه البسيطة وممكن حلها بالصبر والكلمة الطيبة وأنا معاه إن غبور لا يحترم الزبائن في الصيانة وده ﻷنه بيبيع عربيات كتير فالظغط عليه عالي فتلاقيه شوية.شوية.لا يحترم الناس بالطريقة المطلوبة فصدقني مشاكلك كلها بسيطة و90% لو.عملتها بره أرخصلك وأحسن لك من وجع الدماغ يعني أنا عندي إسبرانزا 620 زيرو عيبها في المساعدين حيعمل لي إيه التوكيل حيغيرهملي بالضمان بس إيه الفايدة مهو حيركب نفي النوع الوحش فأشرف لي أغير لعربيتي حاجات على مزاجي تعيش معايا العمر كله
نيجي لموضوع الكباس وناس بتقللك ده عظيم وناس بتقللك ده حقير والخلاصة اﻹثنين كلامهم صح إزاي
الكباس ككباس طالما هو شغال فتكييفها محترم جدا بس لما عطل فهو سيء والعربيات الصينية فيها ثلاثة عيوب مستديمة حتى اللحظة وهي الدينمو والكباس والراديتير
نيجي للناس اللي بتقول ليه العربية.ناس بتشكر فيها وناس بتقول عليها وحشة وده عندي معاه تجربة زمان كان عندي شركة تكس في الخليج فكنت بستلم عربيات كتير من التوكيل بس صنف واحد ودايما وحده من كل 7 أو 8 تطلع معيوبة زي كرونة بتون أو تكييف مش شغال أو حتى كاوتش قديم حاجات بتحصل وعادي الواحد بيحلها
وبالنسبة للإمجراند حاليا ومقارنة بأسعار السيارات الخزعبلية الزيرو طبعا فتعتبر مقبولة جدا أما كمستعمل فغالية وإهدأ وكل اللي في عربيتك بسيط ولا يقلق وهون على نفسك ودمتم
اكيد سيبك منها دلوقتى
مشاكل ايه اللى بسيطه فى عربيه زيرو ربنا معاك بجد ده لو عيب واحد فى العربيه يخلى الواحد قرفان منها ومش عاوز يركبها
اول ماجبت m11 كان فى مشكله فى البطاريه وتم تغيرها فى نفس اليوم بصراحه ابصم بالعشرة افضل توكيل فى مصر من حيث الصيانه والضمان ابو الفتوح 3 سنوات مع الضمان
1- تم تغير مساعدين امامى بعد 3 سنين
2- كالون امامى شمال كان تعليق بسيط فى السنتر مكان الغسيل وتم التغير ضمان
3- علبة دريكسيون بعد 3سنوات تابع الضمان
4- طبعا لو توكيل تانى مفيش ولا تغير ولا يحزنون الكلام ده وعن تجربه عربيه صديق ليه كان مشكله فى المساعدين والتوكيل رفض التغير قال العيب منك وكانت النترا
بصراحه ربنا معاك
والله ياجماعه واحد جارى معاه عربيه نص نقل بيوزع قطع غيار جيلى من لسانه شغال توزيع قطع غيار وقال العربيه فيها مشاكل كتير وناس كتير اشتكت وقال عربيه تعبانه وحرام فيها الفلوس
يا جماعة أنا واحد من مالكى السيارة ومرخص العربية سياحة يعنى زى التاكسى ودايماَ بسافر بيها والحمد لله زى الفل والسحب جميل وتقفيلها حلو وما شاء الله متوازنة على الطريق ، والعيوب اللى فيها اللى واجهتنى هى فيبرة تانك البنزين مكسورة ، التكيف كان شحنه ضعيف وزودته وأشتغل تمام وبيسقع بفضل الله بنسبة 90% كويس جداً لأن أنا عربيتى مش مركب لها فاميه ولا ستاير فالتكيف بياخد وقت بسيط على ما بيسقع وفى الحر الشديد ، يعنى لو أنت ماشى بالعربية الساعة 2 الظهر أو 3 ممكن تحس أن التكيف ضعيف شوية ، بس والله بيبقى باين عندى على الشاشة درجة الحرارة بالخارج 47 فطبيعى متحسش بكفاءة التكيف العالية مع هذا الحر ، ممكن يكون الكباس بعد فترة عاوز يتغير لان فيه صوت بسيط بدء يظهر عندى مش عارف سير عاوز يتغير ولا كباس ، بس فى المجمل العربية ماشاء الله قشطة والعيوب ممكن تنحل ان شاء الله بالصبر بالمقارنة بسعر البيع مع عربيات تانية زى التويوتا دلوقتى شوف مثلاً بكام وشوف الاميجراند زيرو بكام ..لو كباس باظ أيه المشكلة يركب غيره ولو سير انقطع ولا أى حاجة ممكن تتشال ويتحط غيرها ،وياعم لو الموتور كله مش عاجبك بعد كده أرميه وركب موتور تويوتا كورولا مش هايقول لا وبيركب على نفس القواعد والضفيرة والكنترول ، اهم حاجة الصبر والهدوء وكل شىء بينحل باذن الله..
عربية فااااااااااااااشلة
معاك حق الواحد بيجيب حاجة عشان تريحة مش تقرفة وعلي فكرة انا خالي معاة ال 516 وخرج من الضمان بعد مرور 3 سنين وغير الكمبريسور بعدين علي حسابة وادولة ضمان 3 شهور وحصل فية مشكلة خلال شهرين ونص وغيروة ببلاش ويميها كسرو حاجة كدة في العربية ومن غير ميقولو لخالي غيروها لوحدهم بس برضو مش كل المراكز بتاعة اسبرانزا كويسة يعني في ناس محترمة جدا وناس علي قدها اوي
انا متابع لحضرتك هنا وعلي الفيس وحضرتك شخصية محترمة جدا وكان ليا الشرف الدخول معا حضرتك في مناقشة مرة بس حضرتك راجل ركبت كذا عربية وقابلت حجات كتير اي حاجة هتقابلك ممكن تحلها لوحدك من غير التوكيل زي لمبة التشيك كدة وانت طفيتها وبالنسبة ليك كل العيوب دي بسيطة وممكن تتحل انما بالنسبة للناس الي اول مرة تركب عربيات او ركبت قبل كدة بس متعرفش اي حاجة في العربيات لو قابلتهم مشكلة هيعملو اية ؟؟ مش هيعرفو يتصرفو وبالنسبة ليهم وهما قاعدة كبيرة من الناس وانا منهم العيوب دي كلها عيوب كبيرة وغبور افشل توكيل في مصر
المشكلة انة العربية برة عاملة مبيعات جيدة و اراء الناس فيها ممتازة اذن يبقى الخلل عندنا
طيب الناس التى شايفة انها عيوب بسيطة وعادى وممكن يغير موتور تويوتا ........... طيب بالذمة دة كلام منطقى يعنى انا ادفع تحويشة عمرى علشان اركب عربية زيرو واريح دماغى طيب بالذمة فرقت اية عن المستعمل بردة بتزور الميكانيكى كل فترة . يعنى مشترى زيرو علشان اروح اصلح الكاسيت واروح اكشف على لمبة الشيك واشوف عيب التكييف وعيب الدوكو .........طيب دة موش شئ يزعل
ايوة فية ناس هاتقول مافيش عربية بدون عيوب ايوة يعنى مثلا اتوقع انة مكوناتها و موتورها لن يكون معمر فىى عمر اليابانى و الكورى و غيرهم ودة متوقع و مقبول و مفهوم ولكن كل يوم مشكلة والجرى وراء مركز خدمة الكاسيت و غبور دة لا يحتمل
اعتقد مفروض الناس تهدى من الشراء شوية حتى يحسن غبور المنتج غصب عنة و لا اية رايك